وفاقی  وزیر جان سلامتی سید  مصطفیٰ کمال ءَ ایران ءِ نمائندہ ءَ گوں گند ءُ نند کتگ، جان سلامتی ءِ شوبگ ءَ دو نیمگی کمک ءِ بابت ءَ گپ ءُ تران

اسلام آباد۔12مئی  (اے پی پی): وفاقی جان سلامتی ءِ وزیر سید  مصطفیٰ کمال ءَ گوشت کہ فارماسیوٹیکل، ویکسین  شوبگ آنی تہ ءَ دیمروئی ءِ مزنیں گنجائش است انت۔ اے ھیالانی درشانی آئی ءَ پاکستان ءَ ایران ءِ نمائندہ ڈاکٹر رضا امیری مقدم  ءَ گوں گند ءُ نند ءِ ساھت ءَ کت انت۔ وزارت جان سلامتی ءِ نیمگ ءَ جاڑی بوتگیں بیان ءِ رد ءَ گند ءُ نند ءَ جان سلامتی ءِ شوبگ ءَ وت مہ وتی کمک ءَ را دیمروئی دیگ ءِ سر ءَ سرجمی ءَ گپ ءُ تران کنگ بیت۔ نمائندہ ءَ پاکستان ءُ ایران ءِ نیام ءَ دیراں چہ براتی براتی سیادی ءَ را ساڑات۔ وفاقی جان سلامتی ءِ وزیر صادق مصطفیٰ کمال ءَ گشتگ کہ سپریم لیڈر آیت اللہ سید علی خامنہ ای  ءُ اے دگہ شہید ءُ بے گناہیں زھگانی شہیدی ءَ سک باز اپسوز ءُ دلپدرد انت۔ آئی ءَ گوشت کہ اے گرانیں وھد ءَ پاکستانی اُلس ایرانی اُلس ءِ ھمراہی ءَ اوشتاتگ۔ ایران ءِ سفیر ڈاکٹر رضا امارچی مقادم ءَ استیں جیڈھ ءِ وھد ءَ پاکستان ءِ کمک ءِ توسیپ کنان ءَ ایران ءُ امریکہ ءِ نیام ءَ میانجی داری ءِ کوشست آنی تہ ءَ پاکستان ءِ جوانیں کرد ءِ توسیپ کت۔ آئی ءَ مشکلیں جاور آنی تہ ءَ پاکستان ءِ یکوئی ءُ کمک ءِ واستہ ھم شگر ءُ منت گپت۔ آئی ءَ گوشت کہ دوئیں ملک جان سلامتی ءِ شوبگ ءَ نزیکیں کمک ءِ وسیلگ ءَ یک ءِ دومی ءِ تجروبت آں چہ سیت چست کن اَنت۔ ایران ءِ سفیر ءَ گوشت کہ ایران السی جان سلامتی ءِ شوبگ ءَ پاکستان ءِ گوما کمک ءَ را گیش پراھی کنگ ءِ واھشت مند اِنت۔ جان سلامتی ءِ شوبگ ءَ کمک ءَ را گیش کنگ ءِ واستہ دوئیں ملک مزن تک ءِ ٹیم جوڑ کنگ ءِ پیسلہ ھم کن اَنت۔ وفاقی جان سلامتی ءِ وزیر ءِ رد ءَ پاکستان یک نمائندہ کمیٹی ءَ را نوٹیفکیشن دیگ ءَ اِنت کہ ایشی ءِ تہ ءَ سی ای او ڈراپ، سی ای او نیشنل انسٹی ٹیوٹ آف ہیلتھ ءُ جوائنٹ سیکرٹریٹ ایڈمنسٹریٹر ھوار اِنت وھدیکہ ایران وتی نمائندہ کمیٹی ءَ را ھم نامزد کنت، ایشی ءَ چہ یکجائی منصوبگ ءُ دو نیمگی کمک ءِ موہ آناں پٹ ءُ پول کنگ بیت۔ آئی ءَ بنجاہی تک ءَ وینسی ءِ پڑ ءَ پاکستان ءِ مزنیں دیمروئی ءِ بابت ءَ ھم سرپد کت۔