ڈاکٹر طارق فضل چوہدری ءَ لکی مروت ءِ تراک ءَ جانی تاوان ءِ سرا غم درشان

اسلام آباد۔12مئی  (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ لکی مروت ءِ دمگ سرائے نورنگ بازار ءَ بوتگیں ٹوھیں تراک ءِ سک باز مذمت کتگ ءُ بے گناہیں شہری آنی بیرانی ءِ سر ءَ سک باز رنج ءُ گم ءِ درشانی کتگ۔ سئے شمبے ءِ روچ ءَ سوشل نیٹ ورکنگ ویب سائٹ ایکس ءِ سر ءَ وتی مذمتی پوسٹ ءِ تہ ءَ آئی ءَ گوشت کہ ھما عناصر کہ بنی آدمی جان ءِ کُشگ ءِ ارادہ ءَ کن اَنت آ ھچ وڑیں رعایت ءِ مستحق نہ اَنت۔ ناشرکاری ءِ اے وڑیں بزدلیں واقعہ راج ءِ دلبڈی ءَ کم کت نہ کن انت۔ آ اے غمناکیں واقعہ ءِ تہا جانی تاوان ءِ سرا سک رنج ءُ گم ءِ آماچ انت۔ من شہیدانی کھول ءِ گوما دلپدردی ءِ درشان کناں ءُ چہ اللہ تعالیٰ ءَ دعا لوٹاں کہ بیران بوتگیں مردماں جنت ءِ تہا بُرزیں جاگہے بہ دنت، ٹپیگاں زوتیں سرجمیں جان سلامتی بہ دنت ءُ پش کپتگیں کھول ءَ صبر ءُ اوپار بہ دنت۔ آئی ءَ گوشت کہ پاکستان ءِ امن ءَ را ھراب کنگ ءِ ھرچ پندل ءَ را بے سوب کنگ لوٹ ایت۔ سرجمیں راج ناشرکاری ءِ ھلاپ ءَ یکجاھ اِنت۔