وفاقی جوڈیشل اکیڈمی ءِ ھیل کاری پروگرام آں چہ کینیڈا ءِ گوما قانونی کمک ءَ را گیش مھکم کنگ بیت، اعظم نذیر تارڑ ءَ کینیڈا ءِ ہائی کمشنر ءِ گوما گند ءُ نند

اسلام آباد۔12مئی  (اے پی پی): کانود ءُ انصاف ءِ وفاقی وزیر اعظم نذیر تارڑ ءَ گوشت کہ حکومت انصاف ءِ پجاری ءِ نظام ءَ را نوک جوڑ کنگ ءُ آمید گس ءِ گہتری کار  ءَ را جوان جوڑ کنگ ءِ واستہ میاں اوستمانی شریکداری ءَ را دیم ءَ برگ ءَ انت وھدیکہ وفاقی جوڈیشل اکیڈمی ءِ وسیلگ ءَ ھیل کاری  پروگرام ءُ پیشہ وارانہ گنجائش ءَ را گیش کنگ ءَ پاکستان ءِ نیام ءَ قانود ءِ کمک ءَ را گیش مھکم کنگ بیت۔ وزارت ءِ کانود ءُ انصاف ءِ جارکش ءِ رد ءَ آئی ءَ اے گپ کینیڈا  ءِ ہائی کمشنر طارق علی خان ءَ گوں گند ءُ نند ءِ ساھت ءَ گپ ءُ تران کنان ءَ کت۔ گند ءُ نند ءَ پاکستان ءُ قطر ءِ نیام ءَ جوڈیشل گہتری کار، کانودی نظام ءِ گہتری، ادارگی کمک ءُ دو نیمگی سیادی آنی دیمروئی ءِ بابت ءَ گپ ءُ تران کنگ بوتگ۔ گند ءُ نند ءِ ساھت ءَ گتری ہائی کمشنر ءَ ایران ءُ امریکہ ءِ نیام ءَ کش ءُ چیل ءِ تہ ءَ گیشی ءِ واستہ پاکستان ءِ مصالحتی ءُ جوڑیشت ءِ سفارتی کوشست آناں ساڑات ءُ دمگ ءَ امن ءُ ایمنی ءِ واستہ پاکستان ءِ جوانیں کرد ءِ توسیپ کت۔ دوئیں نیمگ ءَ توانائی ءِ سلامتی، کلیدی معدنیات، چاگردی کمک ءُ پائیدار دیمروئی ءِ پڑ ءَ دو نیمگی کمک ءَ را گیش دیمروئی دیگ ءِ واستہ سک باز دلگوشی ءِ درشانی کت۔ اے موہ ءِ سر ءَ پاکستان ءِ معدنی وسیلگ آنی دیمروئی ءُ ساپیں توان ءِ گنجائش آنی جوانیں رنگ ءَ کارمرد کنگ ءِ تہ ءَ کسان ءُ میاں اوستمانی ادارگ آنی گیش بوھوکیں کرد ءِ ھم ساڑاھگ بیت۔ ہائی کمشنر ءَ عدالتی تربیت، تکنیکی کمک ءُ ادارگی شریکداری ءِ دیمروئی ءِ واستہ ڈینرا ءِ کمک ءَ را برجاہ دارگ ءِ عزم ءِ سر ءَ زور پر دات، وھدے کہ وفاقی وزیر کانود ءُ انصاف اعظم نذیر تارڑ ءَ پاکستان ءِ انصاف ءِ نظام ءُ عدالتی اصلاحات ءَ را گہتر کنگ ءِ واستہ ڈینرا ءِ کمک ءَ را ساڑات۔