مزن وزیر شہباز شریف ءَ لکی مروت ءِ تراک ءَ جانی تاوان ءِ سر ءَ دلپدردی درشان کتگ ءُ وئیل ءِ انکوائری سرجم کنگ ءُ مجرماں انصاف ءِ دیم ءَ آرگ ءِ پنت ءُ شون

اسلام آباد۔12مئی  (اے پی پی): مزن وزیر محمد شہباز شریف ءَ لکی مروت ءِ سرائے نورنگ بازار ءَ بوتگیں تراک ءِ تہ ءَ جانی ءُ مالی تاوان بار ءِ  سر ءَ دلپدردی ءِ درشان کتگ کہ ایشی ءِ تہ ءَ ٹریفک پولیس ءِ 2 کارندہ ءَ ھوار 7مردم شہید بوتگ اَنت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ ناشرکاری ءِ ھوپ ءِ ھلاسی ءِ واستہ توامیں سیادی داروکیں ادارگ ءُ حکومت بے دروریں جزم ءِ گوما مھکمیں رنگ ءَ کار کنگ ءَ اَنت۔ ملک ءِ ایمنی ءُ دیمروئی ءِ راہ ءِ تہ ءَ ناشرکار آناں اڑاند ءِ جوڑ بوھگ ءِ موہ دیئگ نہ بیت۔ ناشرکاری ءِ ھلاپ ءَ اے جھد ءِ تہ ءَ سرجمیں کانود ءِ نفاذ ءِ ادارگ ءُ الس ءَ بے دروریں قربانی داتگ۔ مزن وزیر محمد شہباز شریف ءَ پنت ءُ شون کتگ کہ اے وئیل ءِ پٹ ءُ پول ءَ را زوتاں چہ زوت سرجم کنگ بہ بیت، زمہ وار آناں احتساب کنگ بہ بیت ءُ مجرماں انصاف ءِ دیم ءَ آرگ بہ بیت۔ آئی ءَ تراک ءِ تہ ءَ شہید بوتگیں مردمانی مغفرت ءُ ٹپیانی زوتیں جان سلامتی ءِ دعا کتگ۔