چیئرمین سینیٹ   ءَ لکی  مروت ءِ تراک ءَ بنی آدمی جانی تاوان  ءِ سر ءَ رنج ءُ گم ءِ درشانی

اسلام آباد۔12مئی  (اے پی پی): چیئرمین سینیٹ   یوسف رضا گیلانی ءَ لکی مروت ءِ دمگ سرائے نورنگ ءِ جی ٹی روڈ ءِ ریلوے گیٹ ءِ نزیک ءَ چنگچی اڈہ  ءَ بوتگیں ٹوھیں تراک ءِ سک باز مذمت کتگ ءُ بنی آدمی جانی بیرانی ءِ سر ءَ سک باز رنج ءُ گم ءِ درشانی کتگ۔ آئی ءَ تراک ءِ تہ ءَ ٹریفک پولیس ءِ دو کارندہ ، یک جنینے ءُ یک زھگے ءِ شہید بیگ ءِ سر ءَ دل ءِ تہ ءَ چہ ڈکھ  ءُ دلپدردی ءِ درشانی کتگ ءُ شہیدانی کھول ءِ گوما دلپدردی ءُ ھمدردی ءِ درشانی کتگ ۔ سید  یوسف رضا گیلانی ءَ گوشت کہ بے گناھیں شہری آناں نشانگ جوڑ کنوکیں مردم  بنی آدم آنی   دژمن اَنت ءُ اے وڑیں بزدلیں کار راج ءِ دلبڈی ءِ ھلاس کنگ ءَ نہ اَنت۔ چیئرمین ایس ٹی اے ءِ سرا نبشتہ کتگ۔ ٹپیگاں ترندیں ءُ جوانیں دوا ءُ درمان ءِ آسراتی ءِ پجارینگ ءِ پنت ءُ شون کتگ ءُ آہانی زوتیں جان سلامتی ءِ دعا کتگ۔ آئی ءَ گوشت کہ اے گرانیں وھد ءَ سرجمیں راج آماچیں ھاندان ءِ گوما ھمگام ءَ اوشتاتگ۔ چیئرمین سید  یوسف رضا گیلانی ءَ ھم شہیدانی رُتبہ ءِ بُرز کنگ، آھانی ھاندان ءِ سگ ءُ اوپار  ءُ ٹپیانی زوتیں جان سلامتی ءِ دعا کتگ۔