نرسانی انسانیت ءِ ھاترا بے دروریں ھزمت پھر ءِ وسیلہ انت، مزن وزیر شہباز شریف ءِ کلوہ

اسلام آباد۔12مئی  (اے پی پی): مزن وزیر محمد شہباز شریف ءَ گوشت کہ مشکلیں جاور آنی تہ ءَ ھم نرس آنی انسانیت ءِ ھزمت ءَ کلیتی کرد است انت۔ آدمی آسانی و موثر آدمی بهداشتی درمانی بنیادی آسراتی آں پہ مردم بید خدمات پرستار نا ممکن نیم. ایشانی بے دروریں ھزمت پہ انسانیت ءَ شان ءُ شانت ءِ وسیلہ اَنت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ چہ نرس آنی میاں اوستمانی روچ ءِ موہ ءَ جاڑی بوتگیں کلوہ ءِ تہ ءَ مزن وزیر ءَ گوشت کہ نرس آنی میاں اوستمانی روچ ءِ سر ءَ سرجمیں دگنیا ءُ ھاسیں رنگ ءَ پاکستان ءَ طبی شوبگ ءَ گوں سیادی داروکیں مردین ءُ زالبولیں نرس آنی بے وسیں ازمت آناں شرپ مند کنگ ءَ آں۔ اے روچ کہ انٹرنیشنل کونسل آف نرسز ءِ نیمگ ءَ چہ جہانی تک ءَ نرس آنی ھزمت آناں خراج تحسین پیش کنگ ءِ ھاترا نامینتگ ات، طبی پڑ ءَ باہمی جہانی کمک ءِ ارزشت ءَ را ھم پدر کنگ بیت۔ اے سال ءَ اے روچ ’’نرس مئے آیوکیں باندات اَنت، بااختیاریں نرس جاناں رکّین اَنت‘‘ ءِ سرھال ءِ چیر دستی ءَ برجم دارگ بوھگ ءَ اِنت۔ اے سرھال بے شک ءَ نرسانی پیشہ وارانہ مہارت ءُ جوانیں طبی تربیت ءِ ضلورت ءِ درشان اِنت۔ جدید تربیت ءَ گوں لیس نرس بروقت طبی کمک ءَ گوں گران بھائیں جاناں بچائینت کن اَنت۔ آئی ءَ گوشت کہ انسانیت ءِ واستہ مردین ءُ زالبولیں نرس آنی بے دروریں ازمت پھر ءِ وسیلگ انت، ءُ نادراھی آماچیں نادراہ آنی ھیالداری ءَ چہ انسانی ازمت ءِ جذبہ ءِ آدینک انت۔ نرساں چہ وتی ھزمتانی ھاترا ترغیب ءِ ھچ پرواہ نیست، ھما وھد ءَ ھم انسانی ھزمت ءِ دیم ءَ یک کلیتی کردے پیلو کن اَنت۔ ہر ملک ءَ مردمانی ھاتر ءَ بنیاتی جان سلامتی ءِ آسراتی ءِ آسان ءُ موثر پھجارینگ بید پرستار آنی ھزمت ءَ ممکن نہ اِنت۔ طبی میدان ءِ طاقت ءِ بازیں حدے ءَ ڈاکٹر ءُ نرسانی تناسبی ھست بوھگ ءِ سرا بندوک اِنت۔ آئی ءَ گوشت کہ وفاقی حکومت ملک ءَ اے تناسب ءَ را گیش گہتر کنگ ءِ واستہ جزمیگ انت۔ اے درگت ءَ گوں درستیں سیادی داروکیں ادارگ ءُ صوبائی حکومتاں یک رھبندے ءِ سر ءَ کار کنگ بوھگ ءَ اِنت۔