صدر ءِ مملکت ءَ بہادریں شہری لیاقت ءَ را  توسیپ ءُ  ستا کتگ  کہ آئی ءَ ناشرکاری ءِ ھترہ ءِ ناکام کنگ ءِ وھد ءَ وتی جان ندر کتگ

اسلام آباد۔12مئی  (اے پی پی):  صدر ءِ مملکت آصف علی زرداری ءَ بہادریں شہری لیاقت ءَ را  توسیپ ءُ ستا  کتگ  کہ آئی ءَ جنڈ  ءُ  خوشحال گڑھ پل کوہاٹ  ءِ نزیک ءَ ناشرکاری ءِ ھترہ ءِ ناکام کنگ ءِ وھد ءَ وتی جان قربان کتگ۔ سئے شمبے ءِ روچ ءَ صدر گس ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ گوشت کہ شھید لیاقت ءِ وڑیں بہادریں شہری ناشرکاری ءِ ھلاپ ءَ راجی تابکاری، راج دوستی ءُ اجتماعی شعور ءِ یک درپشناکیں مثال اَنت۔ آئی ءَ گوشت کہ ناشرکاری ءِ آپت ءِ ھلاسی ءِ واستہ سرجمیں راج وتی سیکورٹی فورسز ءُ کانود نافذ کنوکیں ادارگ آنی گوما یکجائی ءَ اوشتاتگ۔ صدر ءِ مملکت آصف علی زرداری ءَ گوشت کہ درائیں مداخلت آنی سبب ءَ ناشرکاری ءِ ھلاپ ءَ جنگ برجاہ مان ایت۔ صدر ءَ خاص گورنر پنجاب سردار سلیم حیدر خان ءُ وفاقی وزیر داخلہ محسن نقوی ءَ را پنت ءُ شون کتگ کہ آ شہید لیاقت ءِ ھاندان ءَ را راج ءِ سرجمیں یکوئی ءِ کلوہ ءَ سر بہ کن انت۔