مزن وزیر شہباز شریف ءَ وتی جان ءِ قربانی ءَ چہ دمگی آبادی ءَ را مزنیں آپت ءَ چہ رکینتگ ءُ دلیریں شہری لیاقت ءَ را  توسیپءُ ستا

اسلام آباد۔12مئی  (اے پی پی): مزن وزیر محمد شہباز شریف ءَ گڑھ ءُ کوہٹ ءِ نزیک ءَ پنجاب ءُ خیبر پختونخوا ءِ بین صوبائی دمگ ءِ نزیک ءَ وتی جان ءِ قربانی ءَ چہ دمگی آبادی ءَ را مزنیں آپت ءَ چہ رکینتگ ءُ دمگی آبادی ءَ را مزنیں آپت ءَ چہ رکینتگ ءُ خراج تحسین پیش کتگ۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ یک ذمہ واریں شہری ءِ بستار ءَ لیاقت ءَ ناشرکار ءَ را رکینتگ ءُ آئی ءِ پجار جست کتگ، ایشی ءِ سر ءَ ناشرکار ءَ وت ءَ تراک کتگ ءُ لیاقت ءَ وت شھید ءِ درجہ رستگ۔ مزن وزیر ءَ گوشت کہ شھید لیاقت ءِ امریں قربانی دائم ءَ یات کنگ بیت۔ آئی ءِ وھد ءُ موہ ءِ سر ءَ  بہادری ءَ مزنیں جانی تاوانے رکّینتگ۔ مزن وزیر ءَ گوشت کہ شھید لیاقت غیر معمولی دلیری، فرض ءِ احساس ءُ راج دوستی ءِ مزن مثال پیش کتگ۔ اے وڑیں دلیر ءُ بے ترسیں شہری ناشرکاری ءِ ھلاپ ءَ راجی جزم ءِ راستیں علامت اَنت۔ شھید لیاقت ءِ قربانی پہ راج ءِ ھمک باسک ءَ رژن ءِ چراگ اِنت ۔ شہید لیاقت ءِ قربانی ءَ راج ہچبر شموشکار نہ بیت – شہید لیاقت ءِ وڑیں دلیریں شہری مئے راج ءِ واستا یک سرمایہ یے ۔ آئی ءَ گوشت کہ سرجمیں راج ناشرکاری ءِ آپت ءِ ھلاپ ءَ وتی سیکورٹی فورسز ءُ کانود نافذ کنوکیں ادارگ آنی گوما اوشتاتگ۔ پاکستان ءِ بامردیں مردماں مدام دژمن ءِ بدیں پندل بے سوب کتگ انت ءُ آیوکیں وھد ءَ راجی یکوئی ءُ یکوئی ءِ وسیلگ ءَ ناشرکاری پروش دیگ بیت۔ مزن وزیر ءَ شہید لیاقت ءِ رُتبہ ءِ بُرز کنگ ءُ آئی ءِ ھاندان ءِ صبر ءُ اوپار ءِ دعا ھم کتگ۔