گوادر ءِ دکہ ءَ یک دگہ کارگو جہازے سوبمندی ءَ گوں لنگر  کنگ بوتگ جنید انور چوہدری

اسلام آباد۔11مئی  (اے پی پی): وفاقی وزیر برائے میری ٹائم محمد جنید انور چوہدری ءَ گوادر دکہ ءِ گیش بوھوکیں ٹرانس شپمنٹ ءِ گنجائش ءِ سر ءَ چمشانک دیان ءَ گوشت کہ اے جہلیں دکہ ءَ دگہ کارگو جہاز ءِ سوبمندیں رنگ ءَ ڈاک بوتگ کہ اے دمگ ءَ گوادر ءِ گیش بوھوکیں کرد ءِ پدریں نشانی اِنت۔ دو شمبے ءِ روچ ءَ وزارت ءِ نیمگ ءَ جاڑی بوتگیں پریس ریلیز ءِ رد ءَ وفاقی وزیر ءَ گوشت کہ ایم وی یوآن ہانگوی ءَ 11مئی ءَ سھب ءِ 10بج ءَ 10بج ءَ گوادر دکہ ءَ ڈاک کتگ ءُ ایشی ءِ تہ ءَ 34ہزار ٹن ءِ کساس ءَ کارگو ءُ 20ہزار ءِ کساس ءَ سامان ھوار بوتگ۔ آئی ءَ گوشت کہ اے جہاز ٹرانس شپمنٹ ءِ کار ءَ گوں بندوک انت ءُ ایشی ءِ سر ءَ سامان ابوظہبی ءُ کویت ءِ واستہ انت کہ ایشی ءَ را گوادر دکہ ءَ ایر کنگ بیت۔ جنید انور چوہدری ءَ اے دیمروئی ءَ را دمگ ءِ زرئی  تجارت ءِ تہ ءَ گوادر ءِ گیش بوھوکیں کرد ءِ واستہ جوانیں لیک اتگ ءُ گوشت کہ اے وڑیں کار گوادر ءِ آسراتی آنی سر ءَ گیش بوھوکیں اعتماد ءُ جھان ءِ تک ءَ ایشی ءِ اسٹریٹجک ارزشت ءِ رد ءَ انت۔ آئی ءَ گوشت کہ حکومت دکہ ءِ بنیاتی ڈھانچہ ءُ آسراتی آناں گیش گہتر کنگ ءِ واستہ جزم انت تانکہ گیش ءَ چہ گیش میاں اوستمانی جہاز رانی ٹریفک ءِ راجیگ کنگ بہ بیت۔