حکومت صنعتی دیمروئی، برآمدات ءِ بڈو بوھگ مینوفیکچرنگ ءُ ارزشت ءِ گیش کنگ ءِ ھاترا جزم انت، بنجاھی وزیر جام کمال خان

اسلام آباد۔11مئی  (اے پی پی): وفاقی وزیر برائے تجارت جام کمال خان ءَ گوشت کہ حکومت صنعتی دیمروئی، برآمدات ءِ سر ءَ بڈو بوھگ مینوفیکچرنگ ءُ ویلیو ایڈیشن ءَ را دیم ءَ برگ ءِ واستہ جزم اِنت، وھدیکہ پالیسی سازی ءَ را صنعتی شوبگ ءِ عملی لوٹ ءُ زمینی حقیقت آنی رد ءَ دارگ بیت۔ آئی ءَ اے گپ نیشنل اسٹیل کمپلیکس لمیٹڈ ءِ ڈل ءِ گوما گند ءُ نند ءِ ساھت ءَ کت، ایشی ءِ تہ ءَ صنعتی مقابلہ، ٹیرف ءِ ڈھانچہ، ویلیو ایڈڈ مینوفیکچرنگ ءُ اسٹیل ءُ انجینئرنگ ءِ شوبگ ءَ را دیم ءَ اتکگیں جیڈھ آنی سر ءَ سرجمیں رنگ ءَ گپ ءُ تران کنگ بوت۔ ڈل ءَ وزیر تجارت ءَ را خام مال، انٹرمیڈیٹ پروڈکٹ ءُ ایکسپورٹ پروسیسنگ زون (ای پی زیڈ) ءَ جوڑ بوتگیں پروڈکٹ آنی سر ءَ ایر کنگ بوتگیں استیں ڈیوٹی ڈھانچہ ءِ ھوالگ ءَ جیڈھ آناں سرپد کت۔ ڈل ءَ گوشت کہ ٹیرف ءِ دمگ ءَ خام مال درآمد کنوکیں صنعت آناں درآمد ءِ پڑ ءَ کسٹم ڈیوٹی دیگی اِنت وھدیکہ ھمے چیز ای پی زیڈ آنی تہ ءَ پروسیسنگ یا ویلیو ایڈیشن ءَ پد ٹیرف ءِ دمگ ءَ پدا داخل بوھگ ءَ پد گیشیں ڈیوٹی ءِ دیم ءَ کپ اَنت۔ ڈل ءِ رد ءَ استیں نظام صنعتی چیز آنی سر ءَ دو رند ءَ ٹیکس ءِ برابر اِنت کہ ایشی ءَ چہ مشینی، استر، کوٹنگ، فیبریکیشن ءُ ایندگر ویلیو ایڈڈ صنعتی کار آنی تہ ءَ ھواریں صنعت آنی پیداواری ھرچ ءُ درچ ءَ را گیش کنگ بوھگ ءَ اِنت۔ ڈل ءَ اے سوج دات کہ ڈیوٹی ءِ سرا ایوک ءَ ای پی زیڈ ءَ پیداکیں ایڈڈ ویلیو ءِ سر ءَ ایر کنگ بہ بیت، ایشی ءِ بدل ءَ تیاریں چیز آنی کلیں ویلیو ءِ سر ءَ ایر کنگ بہ بیت۔ گند ءُ نند ءِ ساھت ءَ شریکیں مردماں کسٹم ءِ ارزشت ءِ ھوالگ ءَ تکنیکی پیچیدگی آنی سر ءَ ھم تران کت، پروسیسڈ پروڈکٹس ءِ درجہ بندی ءُ صنعتی پروسیسنگ ءِ وھد ءَ ارزشت ءِ گیشی ءِ تعین ءِ سر ءَ ھم گپ ءُ تران کت۔ اے موہ ءِ سر ءَ اے گپ ءِ پدر کنگ بوت کہ این ٹی سی ٹیرف ءِ ھوالگ ءَ جیڈھ آنی سر ءَ تکنیکی ءُ مشاورتی کمک ءِ پھجارینگ ءِ ادارگ اِنت وھدے کہ کسٹم ءِ ارزشت، صنعتی ھرچ ءُ درچ ءُ ریگولیٹری نفاذ ءِ وڑیں جیڈھ ھمگرنچیں ادارگ آنی دائرہ کار ءِ چیر دستی ءَ کیت۔ ڈل ءَ وزیر تجارت ءَ را دراجیں مدتی صنعتی منصوبگ آنی تہ ءَ جیڈھ آنی بابت ءَ ھم سرپد کت، توان ءِ ھرچ ءُ درچ ءِ تہ ءَ گیشی، ٹیرف ءِ ڈھانچہ ءِ تہ ءَ بدلی ءُ استیں اقتصادی جاور ھال آنی سبب ءَ صنعت آنی سر ءَ گیش بوھوکیں مالی دباؤ ءِ بابت ءَ ھم سرپدی دات۔ وفاقی وزیر ءَ گوشت کہ حکومت صنعتی شوبگ ءِ جیڈھ آناں گیواری ءِ واستہ درستیں سیادی داروکیں گل آنی گوما شور ءُ سلاھ ءَ را برجاہ دار ایت تانکہ کار ءِ لائک ءُ شفافیں میکانزم جوڑ کنگ بہ بیت کہ صنعتی دیمروئی ءُ ریگولیٹری لوٹ آنی نیام ءَ توازن ءَ را برجم دارگ بہ بیت۔ آئی ءَ سیادی داروکیں واکدار آناں ہدایت کت کہ آ ای پی زا، کسٹم ءِ کارندہ، ٹیرف ءِ ماہرین ءُ صنعت ءِ نمائندگ آنی گوما مشاورتی عمل ءَ را برجاہ بہ دار اَنت تانکہ صنعتی کار آنی دیمروئی ءُ سرمایہ کاری ءِ دیمروئی ءِ واستہ جوانیں چاگرد ءِ پجارینگ بہ بیت۔ گند ءُ نند ءَ ملک ءَ صنعتی منصوبگ آنی جوانیں رنگ ءَ سرجمی ءُ گیشی ءِ واستہ لوٹوکیں صنعتی مینوفیکچرنگ، مشینری ءِ گرگ، ٹھیکیدار آنی وت مہ وتی کمک ءُ ادارگی آسراتی ءِ سر ءَ ھم گپ ءُ تران کنگ بوت۔