وفاقی وزیر زرئی  امور گوادر دکہ ءَ ٹیرف ءِ تہ ءَ مزنیں کساسے ءَ کمی ءِ جار

اسلام آباد۔11مئی  (اے پی پی): وفاقی وزیر برائے زرئی  کار محمد جنید انور چوہدری ءَ گوادر دکہ ءِ سر ءَ ٹیرف آنی تہ ءَ مزنیں کساسے ءَ کمی ءِ جار جتگ ءُ گوشت کہ اے گامگیج ءِ مول ءُ مراد دمگ ءِ تہ ءَ یک مھکم ءُ مقابلہ ءِ رسد ءُ ٹرانس شپمنٹ ءِ مرکز ءِ رنگ ءَ جہلیں دکہ ءَ را مھکم کنگ اِنت۔ وزارت ءِ نیمگ ءَ چہ جاڑی بوتگیں پریس ریلیز ءِ رد ءَ دو شمبے ءِ روچ ءَ میری ٹائم امور ءِ وزیر ءَ وتی بیان ءِ تہ ءَ گوشت کہ ترمیم کتگیں ٹیرف پالیشی ءِ آسر ءَ گوادر ءِ وسیلگ ءَ ٹرانزٹ ءُ انٹرنیشنل ٹرانس شپمنٹ کنٹینر ٹریفک ءِ تہ ءَ مزنیں گیشی ءِ گمان اِنت، وھدیکہ ایشی ءَ چہ گلوبل شپنگ لائنز ءِ دلگوشی ءَ را وتی نیمگ ءَ راجینگ ءُ دکہ ءِ کار آناں دیمروئی دیگ ءَ کمک رسیت۔ آئی ءَ گوشت کہ نوکیں ٹیرف ڈھانچہ ءِ چیر دستی ءَ کنٹینر جہاز ءُ ٹرانزٹ یا ٹرانس شپمنٹ کارگو برگ ءِ جہاز آنی برتھنگ فیس ءَ را 25درسد کم کنگ بوتگ۔ ھمے رنگ ءَ میاں اوستمانی ٹرانس شپمنٹ کنٹینر کارگو ءِ سر ءَ 40درسد ءُ ٹرانزٹ کنٹینر کارگو ءِ سر ءَ 31درسد کمی کنگ بوتگ۔ وفاقی وزیر ءَ گوشت کہ کارگو ہینڈلنگ ءِ گنجائش ءَ را گیش کنگ ءِ واستہ یک مزنیں رعایت ءِ رنگ ءَ گوادر دکہ ءَ یک ماہ ءِ واستہ جنرل کارگو ءِ واستہ فری اسٹوریج آسراتی پجاری کنگ بیت وھدیکہ ملک ءِ ایندگر دکہ آنی تہ ءَ اے آسراتی ایوک ءَ پنچ روچ ءَ تاں محدود اِنت۔ آئی ءَ اے گپ ءِ پدرائی کت کہ اے آسراتی ترندیں رنگ ءَ کارمرد بنت ءُ آیوکیں مراگش آنی تہ ءَ آپریشنل ڈیٹا، مارکیٹ ءِ پسو ءُ کارکردگی ءِ رد ءَ گیشیں ترمیم آنی سر ءَ چار ءُ تپاسی کنگ بیت۔ پالیسی ءِ آیوکیں رھبند ءِ پیسلہ دمگ ءِ تہ ءَ رقابت ، کارگو ءِ رجحان ءُ پائیداری ءِ لوٹ آناں ھیال ءَ دارگ ءَ کنگ بیت۔ محمد جنید انور چوہدری ءَ گوشت کہ اے گامگیج گوادر ءَ را یک نوکیں، سرمایہ کار دوست ءُ مقابلہ ءِ جہلیں دکہ ءِ تہ ءَ بدل کنگ ءِ یک پراھ ءُ شاھگانیں حکمت عملی ءِ بھر اَنت کہ ایشی ءَ چہ میاں اوستمانی ایشیا، میاں اوستمانی، مشرقی افریقہ ءُ ایندگر دمگ آنی گوما تجارت ءِ واستہ اسٹریٹجک گیٹ وے ءِ کرد پیلو بیت۔ آئی ءَ گوشت کہ گوادر ءَ کم ھرچ ءُ درچ ءِ جہاز رانی ءِ راہ آنی گیش بوھوکیں لوٹ ءِ رد ءَ دمگ ءِ تجارتی کار آنی تہ ءَ گیشیں بھر ءِ گرگ ءِ مزنیں گنجائش است انت۔ نوکیں ٹیرف پالیسی ءَ چہ شپنگ کمپنی آنی آپریشنل ھرچ ءُ درچ ءَ را کم کنگ، ٹرانس شپمنٹ ءُ فیڈر سروسز ءَ را دیمروئی دیگ ءُ کارگو ءِ حجم ءَ را گیش کنگ ءِ امیت انت۔ وفاقی وزیر ءَ گوشت کہ اے گامگیج ملک ءِ اقتصادی چست ءُ ایر آنی تہ ءَ گیشی بیت، روزگار ءِ نوکیں موہ پیداک بنت ءُ پاکستان ءِ رسد ءُ زرئی  شوبگ ءَ را گیش پراھی بیت۔ چیئرمین گوادر پورٹ نورالحق بلوچ ءَ گوشت کہ بلوچستان ءَ روزگار ءِ موہ آنی تہ ءَ مزنیں گیشی ءِ گمان اِنت چیا کہ ایر کنگ بوتگیں نوکیں ٹیرف ڈھانچہ ءَ چہ تجارتی چست ءُ ایر آناں دیمروئی رسیت۔ فیس ءِ تہ ءَ کمی ءُ آسراتی آنی تہ ءَ گہتری ءَ چہ نا ایوک ءَ بنجاہی بلکینگ ءَ میاں اوستمانی سرمایہ کار ھم وتی نیمگ ءَ رازیگ بنت، ایشی ءَ چہ دمگ ءِ اقتصادی دیمروئی ترند بیت ءُ ورنا آنی واستہ روزگار ءِ نوکیں دروازگ پچ بنت۔