مزن وزیر شہباز شریف ءَ پاکستان ءِ زالبولانی کرکٹ ٹیم ءَ را زمبابوے ءِ ھلاپ ءَ راجدپتری سوبمندی ءِ پد ءَ مبارکی دات

اسلام آباد۔10مئی  (اے پی پی): مزن وزیر محمد شہباز شریف ءَ پاکستان ءِ زالبولیں کرکٹ ٹیم ءَ را زمبابوے ءِ ھلاپ ءَ دراجیں سیریز ءِ سوبمندی ءِ پد ءَ مبارک بات داتگ۔ یک شمبے ءِ روچ ءَ سوشل نیٹ ورکنگ ویب سائٹ ایکس ءِ سر ءَ وتی کلوہ ءِ تہ ءَ آئی ءَ گوشت کہ پاکستان ءِ زالبولیں کرکٹ ٹیم ءَ را زمبابوے ءِ ھلاپ ءَ سیریز ءِ تہ ءَ راجدپتری ءُ دراجیں تھری نل ءِ سوبمندی ءِ سر ءَ دل ءِ جہلانکی ءَ چہ مبارکی دیان آں ۔ مزن وزیر ءَ گوشت کہ ٹیم ءِ جوانیں کارکردگی محنتی، ڈسپلن ءُ غیر معمولی ٹیلنٹ ءِ آدینک انت۔ آئی ءَ زالبولانی کرکٹ ءِ دیمروئی ءِ واستہ چیئرمین پاکستان کرکٹ بورڈ محسن نقوی ءُ سرجمیں ٹیم مینجمنٹ ءِ کمک ءُ جزم ءِ ھم ساڑات۔ آئی ءَ اے امیت سہرا کت کہ مئے زالبولیں کرکٹر آیوکیں وھد ءَ ھم نوکیں سوبمندی ءِ ھاترا دیم ءَ روان کن اَنت ءُ پاکستان ءِ نام ءَ گیش رژنا کن اَنت۔