”معرکہ حق “ ءُ ”آپریشن بنیان مرصوص“ ءِ راجدپتری سوبمندی ءِ رد ءَ ہریات کانفرنس ءِ یک مزنیں مراگشے ءِ برجم دارگ بوت پاکستان ءِ فوج ءَ را توسیپ ءُ ستا پیش

اسلام آباد۔10مئی  (اے پی پی): ”معرکہ حق “ ءُ ”آپریشن بنیان مرصوص“ ءِ راجدپتری سوبمندی ءِ رد ءَ ہریات کانفرنس ءِ یک مزنیں مراگشے ءِ برجم دارگ بوت کہ ایشی ءِ تہا پاکستان ءِ سلاہ بندیں اُرد ءَ را ”حقیق ءِ جنگ“ ءِ سوبمندی ءِ رد ءَ خراج تحسین پیش کنگ بوت۔ بنیان مرصوصس”، کہ ایشی ءِ تہا دفاعی، اسٹریٹجک ءُ سیکورٹی ءِ زانتکار، حریات ءِ رہشون، دانشور، سیاسی ءُ چاگردی مردم، ورناہ ءُ جتا جتائیں مکتب فکراں گوں سیادی داروکیں مردماں مزنیں کساسے ءَ بہر زرتگ۔ مراگش ءَ راجی ایمنی ءِ واستہ پاک سلاہ بندیں اُرد ءِ پیشہ وارانہ لیکہ، دلیری، قربانی ءُ بے دروریں ازمت آناں ساڑاھگ بوت۔ مراگش ءِ ھاسیں مہمان ریٹائرڈ میجر جنرل سمرز سالک بوتگ، اے دگہ مہمان ڈاکٹر سید محمد علی ءُ ڈاکٹر ختم عباس ہم ہوار بوتگ انت۔ گشتانک دیوکاں وتی گشتانک ءِ تہا گوشت کہ حق ءِ جنگ ءُ آپریشن بنیان مرصوصس ءِ وھد ءَ پاکستانی سلاہ بندیں اُرد آنی نیمگ ءَ چہ پیش داشتگیں زانت، دلیری، فوجی شجاعت ءُ بے مٹیں جزم ءَ نہ ایوک ءَ دژمن ءِ نا شریں منصوبگ آناں ناکام کتگ بلکیں سرجمیں دگنیا ءَ را اے گپ ھم پدر کتگ کہ پاکستان ءِ ھرچ وڑیں رکھینگ ءِ ھاترا سرجمیں رنگ ءَ توانمند اِنت۔ امنیت ءُ راجی شان ءُ شرپ ءِ ھاترا دیم ءَ اتکگ۔ آہاں گوشت کہ پاکستان ءِ کمیں وھد ءِ تہ ءَ طوفان ءُ فیصلہ کنوکیں جوابی گامگیجاں دژمن ءِ دل ءِ تب ءِ سرا زھر شانی کتگ ءُ بھارت ءَ را وتی ناک ءِ کشگ ءَ مجبور کتگ وھدے کہ طاقت ءِ توازن، فوجی حکمت عملی ءُ جنوبی ایشیا ءِ جاور ھال ءِ ھوالگ ءَ جھان ءِ بیانیہ بدل بوتگ۔ ریٹائرڈ میجر جنرل سامریز سالک ءَ وتی گشتانک ءِ تہ ءَ گوشت کہ بھارت ءَ پاکستان ءِ سیاسی آشوب ءُ نزوریں اقتصادی جاور ھال آنی جواز ءِ رد ءَ پہلگام ءِ دروگیں پرچم آپریشن ءِ کارمرد کنگ ءَ زوراکی ءِ نیمگ ءَ زورگ بوتگ بلے پاکستان ءَ نہ ایوک ءَ بھارت ءَ را فوجی رد ءَ شکست داتگ بلکیں سئے رافیل جیٹ ءَ ھوار بازیں جنگی بالی گراب آنی سر ءَ ایر کنگ ءَ بھارت ءِ شان ءُ شانت ھم ھلاس کتگ۔ آئی ءَ گوشت کہ پاکستان ءَ نہ ایوک ءَ دفاعی پڑ ءَ بلکینگ ءَ سیاسی ءُ سفارتی محاذ ءَ ھم مزنیں سوبمندی یے رستگ، ھما جاہ ءَ کہ ورنا راجی رھشون بلاول بھٹو زرداری ءَ موثر سفارتکاری ءُ دلیل ءِ وسیلگ ءَ بھارت ءِ بیانیہ ءَ را جھان ءِ پڑ ءَ ھلاس کتگ ءُ آھاں چہ ھر نیمگ ءَ چہ ھلاس کتگ۔ کشمیر ءِ جیڈھ ءَ را بھارت ءُ پاکستان ءِ تہ ءَ ایوک ءَ زمینی یا سیم سر ءِ جیڑھ ءِ رنگ ءَ پیش کنگ راستی ءِ ھلاپ اِنت ۔ مارا دنیا ءَ را اے گپ ءِ سر ءَ دلجم کنگی اِنت کہ کشمیر ءِ جیڈھ اصل ءَ 120 ملین کشمیری راج ءِ وت واجہی ءِ پیدائشی حق ءِ جیڈھ اِنت، آھانی زند، شرپ، آجوئی ءُ آیوکیں وھد ءِ جیڈھ اِنت۔ آئی ءَ گوشت کہ کشمیری الس وتی بنیاتی ءُ ناگزیریں ھک آنی واستہ دہائیاں چہ بے دروریں قربانی دیگ ءَ انت، پمیشکا اقوام متحدہ ءِ قرارداد ءُ کشمیری الس ءِ واھشت آنی رد ءَ اے جیڈھ ءِ گیواری ءَ میاں اوستمانی براتی ءِ ذمہ واری انت کہ آ اے جیڈھ ءِ گیواری ءَ موثر کرد پیلو بہ کنت۔ ڈاکٹر سید محمد علی ءَ وتی گشتانک ءِ تہ ءَ گوشت کہ راستی ءِ جنگ ءُ آپریشن بُنیان مرصوصس اسل ءَ کشمیر ءِ ھاتر ءَ جنگ بوتگیں جنگ بوتگ پرچاکہ پاکستان ءِ مستریں مول ءُ مراد کشمیری راج ءِ آجوئی، شرپ ءُ وت واجئی ءِ ھک ءِ رکھینگ اِنت۔ آئی ءَ گوشت کہ بھارت ءَ را ایوک ءَ چار کلاک ءِ تہ ءَ ھما تباہی ءُ فوجی تاوان ءِ دیم ءَ اتکگ 1965 ءُ 1971 ءِ جنگ آنی تہ ءَ ھم بے درور اِنت۔دژمن ءِ ھاسیں ءُ جار جتگیں بالی اڈہ آناں ھلاس کنگ ءَ پاکستان ءِ سلاہ بندیں اُرد ءَ بھارت ءِ فوجی تکبر تباہ کتگ ءُ اے گپ دگنیا ءَ را پدر کتگ۔ آئی ءَ گوشت کہ پاکستان ءَ نا ایوک ءَ فوجی پڑ ءَ فیصلہ کنوکیں برتری رستگ بلکینگ ءَ سفارتی محاذ ءَ ھم راجدپتری سوبمندی رستگ۔ بلاول بھٹو زرداری ءِ سروکی ءَ پاکستانی سفارتی ڈل ءَ جھان ءِ تک ءَ بھارت ءِ موقف ءَ را جوانیں رنگ ءَ بے درور کتگ ءُ بھارتی سیاسی ءُ سفارتی تک ءَ را ھاسیں شکست ءِ دیم ءَ آورتگ۔ ڈاکٹر سید محمد علی ءَ گوشت کہ پاکستان ءِ زبردست ءُ موثریں جوابی گامگیج آنی سبب ءَ بھارت ءَ را انچیں زبردستیں شکست رستگ کہ آ جنگ بندی ءِ لوٹ کنگ ءَ مجبور بوتگ۔ آئی ءَ گوشت کہ پاکستان ءَ یک ھاسیں موقف ءِ زرتگ کہ دمگ ءَ جنگ بندی ءُ دائمی امن ھما وھد ءَ ممکن انت وھدے کہ کشمیر ءِ جیڈھ ءِ سر ءَ بامردیں گپ ءُ تران کنگ بہ بیت ءُ کشمیری الس ءَ را وت واجئی ءِ بنکی ھک دیگ بہ بیت۔ کنوینر غلام محمد صافی ءَ وتی صدارتی گشتانک ءِ تہ ءَ راستی ءِ جنگ ءُ آپریشن بنیان مرصوصس ءِ تہ ءَ راجدپتری سوبمندی ءِ پد ءَ پاکستانی سلاہ بندیں اُرد ءَ را مزنیں شگر ءُ منت گپت ءُ گوشت کہ اے سوبمندیں آپریشن ءَ نہ ایوک ءَ کشمیری الس بلکینگ ءَ سرجمیں مسلم امت ءَ را ھم فخر کتگ۔ آئی ءَ گوشت کہ پاکستان ءِ بے وسیں سفارتی، سیاسی ءُ اخلاقی کوشست آنی سبب ءَ، ءُ کشمیر ءِ جیڈھ ءَ را ھمک محاذ ءَ جوانیں رنگ ءَ برجا کنگ ءِ سبب ءَ من ءَ دل یکیمی اِنت کہ کشمیر ءِ جیڈھ کشمیری الس ءِ واھشت آنی رد ءَ گیواری بیت ءُ یک روچے پاکستان ءِ خدا ءِ داتگیں ریاست ءِ یک جتائیں بھرے جوڑ بیت۔ غلام محمد صافی ءَ مراگش ءَ بہر زوروکیں توامیں شرپداریں مہمان، گشتانک دیوک، بھر زوروک، میڈیا ءِ نمائندگ ءُ ورنا آنی شگر ءُ منت گپت ءُ گوشت کہ کشمیری راج پاکستان ءُ پاکستانی سلاہ بندیں اُرد ءَ گوں ھرچ قیمت ءَ وتی راجدپتری، نظریاتی ءُ دلی ئیں سیادی ءَ را برجم دار ایت۔ گشتانک دیوکاں گوشت کہ پاکستانی سلاہ بندیں اُرد ایوک ءَ پوجی قوت ءِ نہ انت بلکینگ ءَ راج ءِ شرپ، شرپ، مھکم ءُ توان ءُ بیسہ ءِ علامت انت ۔ پاک فوج، پاک فضائیہ ءُ پاک بحریہ ءِ نیمگ ءَ چہ درشان بوتگیں یکوئی، ہنر ءُ پیشہ وارانہ یکوئی سرجمیں راج ءِ واستہ فخر ءِ وسیلہ انت۔ آئی ءَ گوشت کہ دژمن ءِ گمان ات کہ دھمکی، اشتعال انگیز ءُ زوراکی ءِ وسیلگ ءَ پاکستان ءِ سر ءَ زور دیگ بوت کنت بلے پاکستانی سلاہ بندیں اُرد ءَ وتی دراجیں حکمت عملی، غیر معمولی صلاحیت ءُ سٹیل ءِ جزم ءَ گوں اے گپ ثابت کت کہ پاکستان ناقابل شکست انت۔ مراگش ءِ بھر زوروکاں گوشت کہ پاکستان ءِ بامرد ءَ مدام نہ ایوک ءَ سیم سر آنی رکھینگ کتگ بلکیں ھمک گرانیں ساھت ءَ وتی سر ندر کتگ اَنت، راج ءِ امیت، واھگ ءُ بھروسہ آناں پیلو کتگ۔ آہاں گوشت کہ سرجمیں پاکستانی راج ھاسیں رنگ ءَ کشمیری اُلس پاکستانی اُرد آنی قربانی، بھادری ءُ دلیری ءَ را سلام پیش کن اَنت۔ گشتانک دیوکاں وتی جزم ءِ درشان کت کہ کشمیری راج وتی وت واجئی ءِ حق ءِ جہد ءَ پاکستان ءُ پاکستانی لشکر ءِ گوما یک سیسہ ءِ دیوال ءِ وڑ ءَ اوشتاتگ انت ءُ ہچ وڑیں قربانی دیگ ءَ چک ءُ پد نہ بنت۔ گشتانک دیوکاں چہ میاں اوستمانی براتی ءَ زور پر دات کہ آ اقوام متحدہ ءِ قرارداد ءُ جنوبی ایشیا ءَ دائمی امن ءِ برجائی ءِ واستہ کشمیری الس ءِ واھشت آنی رد ءَ کشمیر ءِ جیڈھ ءِ گیواری ءَ وتی کرد ءَ پیلو بہ کنت۔ آئی ءَ گوشت کہ بھارت ءِ زوراکیں پالیشی، دمگ ءَ جنگی جنون ءُ مقبوضہ جموں ءُ کشمیر ءَ انسانی ھک آنی سنگینیں لگتمالی ءَ سرجمیں دمگ ءِ امن ءَ را ھترہ ءِ آماچ کتگ، البت پاکستان ءُ آئی ءِ سلاہ بندیں اُرد ءَ مدام یک ذمہ واریں ریاست ءِ رنگ ءَ ثابت کتگ ءُ استحکام ءُ توازن ءِ برجائی ءَ جوانیں کرد پیلو کتگ۔ مراگش ءِ گڈسرا پاکستانی سلاہ بندیں اُرد ءِ شہید، غازی ءُ بامردیں بچاں کہ آہاں وطن ءِ رکّینگ ءِ ہاترا وتی سر ندر کتگ انت، مزنیں داد پیش کنگ بوت انت۔ شریکیں مردماں وتی اے جزم ءِ پدا زور دات کہ راج وتی قوت آنی گوما اوشتاتگ ءُ پاکستان ءِ ایمنی، حاکمیت ءُ نظریاتی سیمسر آنی واستہ ہر وڑیں قربانی دیگ ءَ تیار انت۔ مراگش ءِ گڈسرا دعا کنگ بوت کہ اللہ تعالیٰ پاکستان ءَ مدام امن ءُ ایمنی، یکوئی ءُ سوبمندی ءُ شان ءُ شان بہ دنت ءُ پاکستانی سلاھبنداں ھمک پڑ ءَ کامیابی بہ دنت ۔ مراگش ءَ حریات ءِ مزنیں رہشون محمد فاروق رحمانی، الطاف حسین وانی، میر طاہر مسعود، سید فیض نقشبندی، محمد حسین خطیب، محمد الطاف بٹ، شیخ محمد یعقوب، شیخ عبد المتین، حسن البنا، حاجی محمد سلطان، داود خان، جاوید جہانگیر، میاں مظفر، سید کفایت، سید اعجاز رحمانی، امتیاز وانی، چوہدری شاہین، زاہد صفی، سید گلشن، عدیل مشتاق، محمد اشرف ڈار، نذیر کرنائی، منظور ڈار، زاہد مجتبیٰ، غلام نبی بٹ چیئرمین جموں و کشمیر کمیونٹی، راجہ پرویز سیکرٹری جنرل کشمیر کمیونٹی،  افشاں کیانی،  پیر زادہ مشتاق ،چوہدری شکیل رئیس میر، ثناء اللہ ڈار، امتیاز بٹ، خالد شبیر، عبدالرشید بٹ، امتیاز میر، کوثر اقبال، حمید اللہ سیکریٹری اطلاعات مشتاق احمد بٹ  ءِ بستار ءَ میڈیا ءِ نمائندگی کن اَنت، ورنا آنی مزنیں کساس ءَ بھر زوری کت۔