چیئرپرسن بے نظیر انکم سپورٹ پروگرام سینیٹر روبینا خالد ءَ بنوں ءَ تھانہ ءِ سر ءَ ناشرکاری اُرش ءِ مذمت

اسلام آباد۔10مئی  (اے پی پی): چیئرپرسن بے نظیر انکم سپورٹ پروگرام ءِ سینیٹر روبینہ خالد ءَ بنوںں ءَ تھانہ فتح خیل ءِ سر ءَ ناشرکاری اُرش ءِ سک باز مذمت کتگ۔ آئی ءَ فتنہ الخریج ءِ ناشرکاری اُرش ءَ پولیس ءِ کارندہ آنی شھید بوھگ ءِ سر ءَ ھم دل ءِ جہلانکی ءَ چہ دلپدردی درشان کتگ۔ یک شمبے ءِ روچ ءَ بی آئی ایس پی ءِ نیمگ ءَ جاڑی بوتگیں بیان ءِ تہ ءَ سینیٹر روبینہ خالد ءَ گوشت کہ ناشرکاری ءِ ھلاپ ءَ جنگ ءَ مئے پولیس کارندہ آنی قربانی شموشگ نہ بنت۔ شہیداں ڈیھ ءِ امن ءُ مہلوک ءِ رکھینگ ءِ واستہ وتی سر ندر کتگ انت۔ سینیٹر روبینہ خالد ءَ گوشت کہ راج وتی بامردیں شھید ءُ سیکورٹی فورسز آنی قربانی ءَ را مدام یات کنت۔ آئی ءَ گوشت کہ ما اے غم ءِ ساھت ءَ شھید آنی کھول آنی ھمراھی ءَ اوشتاتگیں۔ سینیٹر روبینہ خالد ءَ دعا کت کہ اللہ تعالیٰ شہیدانی پڑ ءَ برز بہ کنت ءَ پش کپتگیں ھاندان ءَ صبر ءَ اوپار بہ دنت۔