مزن وزیر شہباز شریف ءَ را گتر ءِ مزن وزیر ءُ درئی کارانی وزیر شیخ  محمد بن عبدالرحمن بن جاسم آل ثانی ءِ نیمگ ءَ چہ ٹیلی فون ءِ سر ءَ زور پر دات تانکہ برجاھیں امن ءِ کوشست آنی سوبمندی ءَ را دل یکیمی کنگ بہ بیت

لاہور ۔10مئی  (اے پی پی): مزن وزیر محمد شہباز شریف ءَ گتر ءِ سروکی ءَ را دمگ ءَ امن ءِ واستہ پاکستان ءِ کوشست آنی واستہ برجاھیں کمک ءِ ستا کرتگ ءَ اے کوشست آنی سوبمندی ءِ واستہ درستیں فریق آنی نیمگ ءَ چہ جوڑیشت ءِ ھوار بوھگ ءِ ارزشت ءِ سر ءَ زور پر داتگ۔ یک شمبے ءِ روچ ءَ مزن وزیر محمد شہباز شریف ءَ را گتر ءِ مزن وزیر ءُ درئی کارانی وزیر شیخ محمد بن عبدالرحمن بن جاسم التھانی ءَ چہ ٹیلی فون ءِ سر ءَ گپ ءُ تران کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ دوئیں سروک آنی نیام ءَ دمگ ءِ بدل بوھوکیں جاور آنی سر ءَ ھیال ریچی کنگ بوتگ ءَ دمگ ءَ برجاھیں امن ءِ کوشست آنی تہ ءَ برجائی ءِ سر ءَ چار ءَ تپاسی کنگ بوتگ۔ مزن وزیر شہباز شریف ءَ دوئیں ملک آنی نیام ءَ براتی سیادی آنی گہتری ءِ سر ءَ زور پر دات ءَ پاکستان ءِ امن گامگیج آنی واستہ گتر ءِ برجاھیں ءَ مھکمیں کمک ءِ ساڑات کت۔ دوئیں رہشون آں جاری امن کوشست آنی سوبمندی ءَ را دل یکیمی کنگ ءِ واستہ توامیں فریق آنی نیمگ ءَ چہ جوڑیشت ءِ ھوار بوھگ ءِ ارزشت ءِ سر ءَ زور پر دات۔ مزن وزیر ءَ امیر گتر شیخ تمیم بن حمد التھانی ءَ را دل ءِ جہلانکی ءَ چہ مبارک بات دات ءَ گوشت کہ امیر گتر ءِ آیوکیں پاکستان ءِ تر ءَ تاب ءِ ودار ءَ آں۔ آئی ءِ تر ءَ تاب ءَ چہ پاکستان ءَ گتر ءِ نیام ءَ برجاھیں شریکداری ءَ را گیش مھکم ءَ پراھی کنگ ءَ کمک رسیت۔