مزن وزیر شہباز شریف ءَ خیبر پختونخوا ءِ سر وزیر محمد سہیل آفریدی ءَ گوں گند ءُ نند کتگ، بنوں پولیس پوسٹ ءِ سر ءَ ناشرکاری اُرش ءَ گران بھائیں جانی بیرانی ءِ سر ءَ غم ءِ درشانی

لاہور ۔10مئی  (اے پی پی): مزن وزیر محمد شہباز شریف ءَ خیبر پختونخوا ءِ سر وزیر محمد سہیل آفریدی ءَ گوں فون کتگ ءُ بنوں ءَ پولیس پوسٹ ءِ سر ءَ ناشرکاری اُرش ءَ گران بھائیں جانی بیرانی ءِ سر ءَ سک باز رنج ءُ گم ءِ درشانی کتگ ءُ گوشت کہ آ ناشرکاری ءِ ھلاپ ءَ حکومت ءِ ھلاپ ءَ ھرچ وڑیں کمک ءَ کنت۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ خیبر پختونخوا ءِ سر وزیر سہیل آفریدی ءَ گوں ٹیلی فون ءِ سر ءَ گپ ءَ تران کتگ ءَ گوستگیں روچ ءَ بنوں ءَ پولیس پوسٹ ءِ سر ءَ ناشرکاری اُرش ءِ سک باز مذمت کتگ۔ مزن وزیر ءَ ناشرکاری ءِ وئیل ءَ گران بھائیں جانی بیرانی ءِ سر ءَ سک باز رنج ءُ گم ءِ درشان کت، وئیل ءِ تہ ءَ شھید بوتگیں پولیس کارندہ آنی اڑ برز کنگ ءِ واستہ دعا کت ءُ آھانی کھول ءِ گوما دلپدردی ءِ درشانی کت۔ مزن وزیر ءَ وئیل ءِ تہ ءَ ٹپیگیں مردمانی زوت جان سلامتی ءِ دعا ھم کتگ ۔ آئی ءَ ناشرکاری ءِ سرجمی ءَ ھلاسی ءِ واستہ صوبائی حکومت آنی گوما کار کنگ ءِ وفاقی حکومت ءِ عزم ءِ سر ءَ زور پر دات ءَ گوشت کہ ناشرکاری ءِ ھلاپ ءَ صوبائی حکومت ءَ را ھمک رنگ ءِ کمک کنگ بیت۔ دوئیں سروکاں ناشرکاری ءِ ھلاپ ءَ جنگ ءَ پاک اُرد، سیکورٹی فورسز ءُ پولیس ءِ کوشست آنی سر ءَ شگر ءُ منت گپت ءُ ملک ءَ چہ ھمک رنگ ءِ ناشرکاری ءَ را سرجمی ءَ ھلاس کنگ ءِ واستہ وتی جزم ءِ پدا زور دات۔