دنیا ءِ پاکستانی معرکہ ءِ حق ءِ یک سالے ءِ سرجم بوھگ ءِ سر ءَ دلگوش اَنت، ءُ پاکستانی اُرد ءَ را مزنیں شگر ءُ منت ءِ درشان

اسلام آباد۔10مئی  (اے پی پی): معرکہ ءِ حق ءِ یک سال ءِ سرجم بوھگ ءِ سر ءَ سرجمیں دگنیا ءِ پاکستانی جوش ءُ جزبگ ءَ اَنت ءُ پاک اُرد ءَ را مزنیں شگر ءُ منت ءِ درشان کتگ۔ جنگ ءِ راستی ءِ درگت ءَ چین ءُ برازیل ءَ پاکستانی سفارتخانہ آنی تہ ءَ ھاسیں مراگش برجم دارگ بوت۔ چین ءَ پاکستان ءِ سفارتخانہ ءَ برجم داشتگیں مراگش ءِ تہ ءَ بھر زوروکاں گوشت کہ معرکہ ءِ حق خطہ ءَ امن، مھکم ءُ راجی وت واجہی ءِ واستہ جہد ءِ یک چمکداریں درور ءِ دیم ءَ ایر کتگ۔ اے مراگش ءَ یک ھاسیں دستاویزی فلمے پیش دارگ بوتگ کہ ایشی ءِ تہ ءَ معرکہ ءِ حق ءِ مزنیں سوبمندی ءِ جتا جتائیں تک ءُ پھنات آناں پدر کنگ بوتگ۔ دومی نیمگ ءَ بحرین ءِ پاکستانی آں بھارت ءَ را چیلنج کتگ ءَ وطن ءِ رکھینگ ءِ ھاترا ھرچ قربانی دیگ ءِ وتی جزم ءِ پدا پدر کتگ۔ اوورسیز پاکستانیاں گشتگ حق ءِ جنگ جنگ نہ بوتگ بلکیں عہد بوتگ۔ ما پاک فوج ءِ شہید ءُ پیشہ وراں سلام پیش کناں ۔ حق ءِ جنگ ءِ یک سالے ءِ سرجم بوھگ ءِ درگت ءَ برازیل ءَ پاکستانی سفارتخانہ ءَ ھم مراگشے برجم دارگ بوت۔ مراگش ءِ تہ اوورسیز پاکستانی آں راجی یکوئی ءَ یکوئی ءِ کلوہ ءِ سر ءَ زور پر دات ءَ گوشت کہ ما سیمسراں چہ دور آں بلے دل ءِ نزیک ایں ۔ ما ہر جاہ ءَ بہ بئیں پاکستان مئے پجار اِنت۔ دنیا ءِ تہا حق ءِ جنگ ءِ مراگش درملک ءِ پاکستانیانی وطن دوستی ءِ جذبہ ءَ پاکستانی سلاہ بندیں اُرد ءِ گوں آہانی وابستگی ءِ درشان انت۔