وفاقی وزیر داخلہ محسن نقوی ءَ بنگلہ دیش ءِ دری کارانی وزیر شمع عبید اسلام  ءَ گوں گند ءُ نند کتگ، دو نیمگی سیادی، دمگی جاور ءُ پاکستان ءِ مصالحتی کرد ءِ بابت ءَ گپ ءُ تران

ڈھاکہ ۔10مئی  (اے پی پی): وفاقی تہی کار ءُ منشیات ءِ کنٹرول ءِ وزیر محسن نقوی ءَ بنگلہ دیش ءِ درئی کارانی وزیر شمع عبید اسلام ءَ گوں گند ءُ نند کتگ۔ اے موہ ءِ سر ءَ دو نیمگی سیادی، دمگی جاور ھال ءُ پاکستان ءِ مفاہمت ءِ کرد ءِ سر ءَ سرجمی ءَ گپ ءُ تران کنگ بوت۔ بنگلہ دیش ءِ دری کارانی وزیر ءَ ایران ءَ امریکہ ءِ جیڈھ ءِ گیواری ءِ تہ ءَ پاکستان ءِ مصالحت ءِ کرد ءَ را ساڑات۔ تجارت، کاروبار ءُ دود ءُ ربیدگ ءِ شوبگ ءَ کمک ءِ تہ ءَ گیشی ءِ سر ءَ تپاک کنگ بوت۔ گند ءُ نند ءَ بیپاری ءُ ثقافتی سیادی آناں دیمروئی دیگ ءِ واستہ دو نیمگی ڈل آنی گیشاں چہ گیش مٹ ءُ بدلی ءِ سر ءَ تپاک کنگ بوتگ ءُ بنگلہ دیش ءِ درئی کارانی وزیر ءِ پاکستان ءِ تر ءُ تاب ءِ سر ءَ ھم گپ ءُ تران کنگ بوتگ۔ گند ءَ نند ءِ ساھت ءَ وفاقی وزیر محسن نقوی ءَ گوشت کہ پاکستان ءَ سرمایہ کاری ءِ سک باز موہ است انت۔ اے موہ ءِ سر ءَ بنگلہ دیش ءِ وزارت درئی کار ءِ    سیکرٹر ی محمد نذر الاسلام، ڈائریکٹر جنرل جنوبی ایشیا عشرت جہاں،  ڈائریکٹر شمیمہ یاسمین  ءُ پاکستان ءِ ہائی کمشنر عمران حیدر ھم ساڑی اتنت۔