آپریشن بنیان مرصوص دژمن ءِ زوراکی ءِ ھلاپ ءَ پاکستانی سلاہ بندیں اُرد ءِ پیشہ وارانہ توانائی ءُ مھکمیں پسو ءِ عملی ثبوت اِنت، چیئرمین سینیٹ سید یوسف رضا گیلانی

اسلام آباد۔10مئی  (اے پی پی): سینیٹ ءِ چیئرمین سید یوسف رضا گیلانی ءَ آپریشن بنیان مرسوس ءِ یک سال ءِ سرجمی ءِ سر ءَ ’’حقیقت ءِ جنگ‘‘ ءِ روچ ءِ موہ ءَ وتی ھاسیں کلوہ ءِ تہ ءَ گوشت کہ معرکہ ءِ حق ءَ چہ دگنیا ءِ دیم ءَ اے گپ پدر بوت کہ پاکستان وتی حاکمیت ءَ ایمنی ءِ سرجمیں تک ءَ رکھینگ ءِ ھاترا جزم اِنت۔ یک شمبے ءِ روچ ءَ سینیٹ سیکرٹریٹ ءِ نیمگ ءَ جاڑی بوتگیں ھاسیں کلوہ ءِ تہ ءَ سینیٹ ءِ چیئرمین سید یوسف رضا گیلانی ءَ گوشت کہ آپریشن بنیان مرسوس پاکستانی سلاھبند آنی پیشہ وارانہ توان ءَ دژمن ءِ زوراکی ءِ ھلاپ ءَ مھکمیں پسو ءِ عملی ثبوت انت۔ آئی ءَ گوشت کہ معرکہ ءِ حق ایوک ءَ جنگی سوبمندی نہ انت بلکینگ ءَ سرجمیں راج ءِ یکوئی، ایمان ءَ بے دروریں جزم ءِ علامت انت۔ چیئرمین سینیٹ ءَ گوشت کہ شھید آنی مزنیں قربانی راج ءِ واستہ پھر ءِ آدینک انت۔ آئی ءَ گوشت کہ پاکستانی سلاھ بندیں اُرد ءَ ھمک محاذ ءِ سر ءَ دلیری، ہنر ءُ قربانی ءِ نوکیں درور پیش کتگ۔ چیئرمین سینیٹ ءَ گیش گوشت کہ راجی بیانیہ ءَ را مھکم کنگ ءَ ورنا، میڈیا، سفارتی محاذ ءَ سرگرمیں مردم، سائنسدان ءَ انجینئر آنی ھاسیں کرد بوتگ، راجی یکوئی مئے راستیں طاقت اِنت، ایوک ءَ یک یکجاھیں راج ھرچ چیلنج ءِ دیم ءَ اوشتات کنت۔ چیئرمین سینیٹ ءَ گوشت کہ سیاسی ءُ فوجی سروکی ءِ بصیرت ءُ الس ءِ بھروسہ ءَ پاکستان ھمک آزمائش ءَ سروک جوڑ کتگ۔ آئی ءَ گوشت کہ پاکستان امن ءَ را ترجیح دنت بلے وتی وت واجہی ءَ سرزمین ءِ یکوئی ءِ سر ءَ سمجھوتہ نہ کنت۔ سینیٹ ءِ چیئرمین سید یوسف رضا گیلانی ءَ گوشت کہ پاکستان ءَ را یک مھکم، مھکم ءُ شرپداریں ریاست جوڑ کنگ ءِ واستہ یک مُشت بوھگ ءِ واستہ مرچی وتی جزم ءَ را نوک بہ کنت۔