معرکہ حق بنیان مرصوص ، ایس ڈی پی او گوادر چاکر حیات بلوچ  سروکی ءَ ریلی ءِ برجم دارگ بوتگ

کوئٹہ۔ 10 مئی (اے پی پی): پولیس ءِ ڈپٹی انسپکٹر جنرل مکران رینج عمران قریشی ءُ ضلعی پولیس افسر گوادر عطا الرحمن خان ءِ ھاسیں پنت ءُ شون ءِ سرا ایس ڈی پی او گوادر چاکر حیات بلوچ ءِ سروکی ءَ یک شرپدار ءُ سرجمیں راجی یکجہتی جلسہ ءِ برجم دارگ بوت کہ “مرسوس دی” ءِ مزنیں سوبمندی ءِ ھاتر ءَ جہد کنگ بوت۔ پولیس افسر ءُ کارندہ، سول سوسائٹی، سیاسی ءُ چاگردی مردم، زانتکار، ورنا ءُ زند ءِ جتا جتائیں تک ءُ پھنات ءِ مردماں مزنیں کساسے ءَ ریلی ءَ بھر زرتگ ءُ پاک فورسز ءِ گوما سرجمیں یکوئی ءُ راجی جزم ءِ درشان کتگ۔ ریلی چہ شہید محمد خماری پولیس تھانہ پولیس اسٹیشن ءَ بندات بوتگ کہ جتا جتائیں شاہراہ آنی وسیلگ ءَ ایرپورٹ روڈ ءَ سر بوتگ۔ شریکیں مردم وتی دستاں راجی بیرک، بینر ءُ پلے کارڈ ءِ دست ءَ اتنت کہ آہانی سرا پاک فوج ءِ دلیریں سروکی، شہیدانی مزنیں قربانی، راجی ایمنی، وطن ءِ رکھینگ ءُ پاکستان ءِ استحکام ءِ بابت ءَ نعرہ ءُ گشتانک  نبشتہ کنگ بوتگ ات۔ ریلی ءِ وھد ءَ ’’پاکستان زند آباد‘‘، ’’پاکستان آرمی پایندہ باد‘‘، ’’پاکستان ءِ اُرد آناں سلام‘‘ ءَ ’’وطن ءِ مدافعین ءَ را خراج تحسین‘‘ ءِ وڑیں نعرہ آنی تہ ءَ چاگرد ءِ توار گونج ات، وھدے کہ بھر زوروکاں سرجمیں راجی جذبہ ءَ راج دوستی ءِ درشانی کت۔ اے موہ ءِ سر ءَ تران کنان ءَ ایس ڈی پی او گوادر چاکر حیات بلوچ ءَ گوشت کہ پاکستان ءِ بہادریں قوت آں وتی پیشہ وارانہ ہنر، بے دروریں دلیری ءَ جوانیںیں حکمت عملی ءِ وسیلگ ءَ دژمن ءِ بدیں نیت آناں چیر دیگ ءَ یک رندے پدا اے گپ ثابت کتگ کہ مہروانیں وطن ءِ رکھینگ ناقابل شکستیں دستاں انت۔ آئی ءَ گوشت کہ پاکستان ءَ را منفی چم ءَ گوں چاروکیں آھاں ھمک وھد ءَ کچلیں شکست ءِ دیم ءَ کپتگ ءَ اے رندی ھم دژمن ءَ را انچیں جوانیں ءَ فیصلہ کنوکیں پسو رستگ کہ آ کدی شموشگ ءِ وس ءَ نہ کنت۔ آئی ءَ گوشت کہ پاک اُرد ءِ افسر ءُ مردین آناں وتی بے دروریں قربانی ءُ دلیری ءِ وسیلگ ءَ سرجمیں دگنیا ءَ را اے گپ پدر کتگ کہ پاکستان ءِ دیمپانی توانائی مھکم، مھکم ءُ ناقابل شکست اِنت۔ آئی ءَ گیش گوشت کہ جنگی ءُ مشکلیں جاورھال آنی وھد ءَ سرجمیں راج ءِ نیمگ ءَ پیش داشتگیں یکوئی، یکمشتی ءُ راج دوستی ءُ وتی قوتانی کش ءَ اوشتگ راجی راجدپتر ءِ یک رژنائیں ءُ پھرائیں بابے ۔