دژمن ءَ بہ زانت کہ پاکستان ءِ ھلاپ ءَ آیوکیں گامگیج ءِ آسر محدود نہ بنت بلکیں بے دروریں ھترناک، دور رس ءُ دردناک بنت، فیلڈ مارشل سید عاصم منیر حق ءِ جنگ ءِ اولی یاتگاری مراگش ءَ گوں تران

راولپنڈی ۔10مئی  (اے پی پی): اُرد ءِ سروک ءُ دیمپانی اُرد ءِ سروک فیلڈ مارشل سید عاصم منیر  نشان امتیاز (ملٹری)، ہلال جرات  ءَ گوشت کہ مرچی پاکستان وتی جوانیں، ذمہ وار ءُ بے رھبندیں سفارتکاری ءِ وسیلگ ءَ راجدپتری امن گپ ءُ تران ءِ میزبانی ءَ کنگ ءَ اِنت۔ دژمن ءَ بہ زانت کہ پاکستان ءِ ھلاپ ءَ آیوکیں گامگیج ءِ آسر ھد ءُ سیمسر نہ بنت بلکیں بے دروریں ھترناک، دور رس ءُ دردناک بنت۔ ما ھمک معصومیں پاکستانی ءِ ھونانی بدل ءَ زوریں ءُ ناشرکاری ءِ ھلاپ ءَ اے جنگ داں گڈی ناشرکار ءِ ھلاس کنگ ءَ برجاہ مان ایت۔ اے ھیالانی درشانی آئی ءَ حق ءِ جنگ ءِ اولی یاتگاری مراگش ءَ راجدپتری گشتانک ءِ ساھت ءَ کت اَنت۔ آئی ءَ گوشت کہ اللہ تعالیٰ ءِ واھگ ءَ چہ پاکستان ، الس ءُ سلاہ بندیں اُرد ءَ حق ءِ جنگ آپریشن بنیان مرسوس ءَ بے دروریں سوبمندی رستگ ۔ حق ءِ جنگ دو نظریات ءِ نیام ءَ فیصلہ کنوکیں جنگے بوتگ کہ ایشی ءِ تہا راستی سوبمند بوتگ ءُ دروگ شکست ءِ کش ءَ بوتگ۔ فیلڈ مارشل ءَ گوشت کہ بھارت ءِ واب انت کہ آ پاکستان ءَ را فوجی زوراکی ءَ سفارتی ایوکی ءِ آماچ جوڑ کنان ءَ پڑ ءَ طاقت ءِ توازن ءَ را بدل بہ کنت۔ آئی ءِ اے واب چہ آئی ءِ قد ءُ توانائی ءَ باز دیم ءَ اِنت کہ پاکستان آئی ءَ را ھچبر سوبمند بوھگ ءِ موہ نہ دنت۔ آئی ءَ گوشت کہ سرجمیں راج ءُ پاکستان ءِ سلاھ بندیں اُرد ءِ نیمگ ءَ حق ءِ جنگ ءِ توامیں شھید ءُ پیشہ ور آناں ھاسیں رنگ ءَ بے میاریں زالبول، پیر ءُ بے گناہیں زھگ کہ شھید بوتگ اَنت آناں سرجمیں راج ءُ پاکستان ءِ سلاھ بندیں اُرد آنی نیمگ ءَ چہ ندر ءُ داد پیش کناں۔ ما وتی شہیدانی قربانی ءَ امانت، وتی طاقت ءَ ذمہ واری ءُ وتی سوبمندی ءَ خدا تعالیٰ ءِ فضل لیکیں۔ فیلڈ مارشل ءَ گوشت کہ الس ءُ راجی سروکی ءِ پیغام ایش انت کہ ملک ءِ حاکمی، سیم سری یکوئی ءُ راجی شرپ ءِ سر ءَ ھچ وڑیں سمجھوتہ کنگ قابل قبول نہ انت۔ اے جنگ ءِ آسر ءَ ہندوستان ءَ مزنیں جانی ءُ مال ءِ تاوان رستگ کہ ایشی ءِ بھا آؤکیں وھد ءَ ھم ادا کنت۔ فتح میزائل ءُ پاک فضائیہ ءِ شاہین ءَ دژمن ءِ 26 ءَ چہ گیش فوجی ٹارگٹ کامیابی ءَ نشانگ جوڑ کتگ انت۔ فیلڈ مارشل ءَ گُشت کہ ھُدا ءِ شُکر اِنت! مرچی پاکستان ءِ دفاع چہ ھرچ وڑیں درائیں زوراکی ءَ سرجم ءَ بے شکست اِنت، دژمن ءَ بہ زانت! پاکستان ءِ ھلاپ ءَ آیوکیں گامگیج ءِ آسر کم نہ بنت بلکیں بے دروریں ھترناک، دور رس ءُ دردناک بنت۔ آئی ءَ گوشت کہ انوگیں ءَ آیوکیں وھد ءِ جنگ آنی تہ ءَ ملٹی ڈومین آپریشن ھوار بنت ایشی ءِ تہ ءَ دراجیں دوری ءِ سلاہ، ڈرون، سائبر ءَ مصنوعی ذہانت کارمرد کنگ بیت۔ پاکستان ءِ اُرد آناں نوکیں لوٹ آنی گوما ھمگرنچ کنگ ءِ واستہ دیمپانی اُرد ءِ ہیڈ کوارٹر جوڑ کنگ بوتگ۔ آئی ءَ گوشت کہ براتیں اسلامی ملک سعودی عرب ءِ گوما پاکستان ءِ اسٹریٹجک وت مہ وتی دفاع ءِ معاہدہ مئے سفارتی کامیابی آنی تہ ءَ یک مزنیں سنگ انت۔ مرچی پاکستان وتی جوانیں، ذمہ وار ءُ بے رھبندیں سفارتکاری ءِ وسیلگ ءَ راجدپتری امن گپ ءُ تران ءِ میزبانی ءَ کنگ ءَ اِنت۔ پاکستان ءِ گوما روایتی جنگ ءَ نا ممکن لیکگ ءَ بھارت یک رندے پدا ناشرکاری ءِ زھرناکیں رھبند ءِ سرا زور دیگ ءَ اِنت۔ اوگانستان ءَ وتی سرزمین ءِ سر ءَ ناشرکاری ءِ مرکز ءُ پناہ گاہ سرجم ءَ ھلاس کنگی اَنت۔ فیلڈ مارشل سید عاصم منیر ءَ گوشت کہ من پاکستان ءِ بہادریں الس ھاسیں رنگ ءَ خیبرپختونخوا ءَ بلوچستان ءَ را سلام پیش کناں، پاکستانی سلاہ بندیں اُرد ءَ کانود نافذ کنوکیں ادارگ آنی توامیں بہادر ءَ دلیریں کارندہ آناں سلام پیش کناں۔ ما ھمک معصومیں پاکستانی ءِ ھونانی بدل ءَ زوریں ءُ ناشرکاری ءِ ھلاپ ءَ اے جنگ برجاہ مان ایت داں گڈی ناشرکار ھتم کنگ مہ بیت۔ فیلڈ مارشل ءَ گوشت کہ ما کشمیری الس ءَ را ھمک محاذ ءَ سیاسی، سفارتی ءُ اخلاقی کمک ءَ برجاہ دار آں ۔ مئے منزل ہما جاہ اِنت کہ مئے پیریناں واب دیستگ۔ پاکستان ءِ سبزیں ہلال بیرک امیت ءِ نشان اِنت ءُ آئی ءِ سلاھ بندیں اُرد ھمک وھد ءَ منظم ءُ تیار اَنت۔ آئی ءَ گوشت کہ پاکستانی راج مئے ڈکال اِنت ئُُ ما راج ءِ ڈکال ئیں۔ پاکستان ءِ باندات انشاء اللہ سک باز رژنا ءُ روشن انت ۔ وھدے کہ راست ءُ رد ءِ دیم پہ دیم بنت گڑا سوبمندی مدام راست ءِ مقدر اِنت۔ پاکستان گوستگیں روچ ءَ ناقابل شکست بوتگ ءُ انشاءاللہ داں آیوکیں زمانگ ءَ ناقابل شکست مانیت۔ اے مراگش ءَ ایر چیف مارشل زہیر احمد بابر سدھو ءُ نیول چیف ایڈمرل نوید اشرف ءَ ھم بہر زرتگ ات۔ شہیدانی یات ءِ سر ءَ سلاہ بندیں اُرد ءِ سروک آں گلدستہ ایر کت، وھدیکہ سئیں سلاہ بندیں اُرد ءِ جوانیں پوشاکیں دستہ آں سلام پیش کت۔