بلوچستان ءِ سر وزیر ”معرکہ ءِ حق“ ءِ درگت ءَ پاک فوج ءَ را   توسیپ ءُ ستا

کوئٹہ۔ 09 مئی (اے پی پی): بلوچستان ءِ سر وزیر میر سرفراز بگٹی ءَ معرکہ ءِ حق ءِ درگت ءَ وتی ھاسیں کلوہ ءِ تہ ءَ گوشت کہ معرکہ ءِ حق یک راجدپتری روچے کہ ایشی ءِ تہ ءَ پاکستان ءَ سرجمیں دگنیا ءِ دیم ءَ وتی زور، وت واجہی ءُ بے دروریں جزم ءِ درشان کتگ۔ مرچی معرکہ ءِ حق ءِ مزنیں روچ ءِ درگت ءَ من پاکستان ءِ سلاھ بندیں اُرد ، راجی سیاسی رھشونی ءُ ھاس فیلڈ مارشل سید عاصم منیر ءَ را توسیپ ءُ ستا وار آں ۔ بلوچستان ءِ سر وزیر ءَ گوشت کہ فیلڈ مارشل سید عاصم منیر ءِ دلیریں سروکی ءَ پاکستانی سلاہ بندیں اُرد ءَ اقتدار ءِ جنوس ءَ گوں دوچاریں دژمن ءِ بدیں نیت آناں کچل کت۔ بنجاھی وزیر میر سرفراز بگٹی ءَ گوشت کہ بلوچستان ءِ الس اے روچ ءَ پاکستان ءِ ایمنی، ایمنی ءُ برجائی ءِ جزم ءَ گوں فخر ءِ روچ ءِ رنگ ءَ دارگ ءَ انت۔ بلوچستان ءِ مہروانیں وطن ءِ پھازگ ءُ راجی ایمنی ءِ واستہ مدام بلوچستان ءِ راج ءَ مستریں کرد پیلو کتگ ءُ آیوکیں وھد ءَ ھم ھمے رنگ ءَ کن اَنت۔ بنجاھی وزیر میر سرفراز بگٹی ءَ گوشت کہ پاکستان ءِ سلاہ بندیں اُرد ءُ سرجمیں راج ءَ پاکستان ءِ نیمگ ءَ چست بوتگیں ھرچ بدیں چم ءِ دیم ءَ سیس ءِ دیوال جوڑ کتگ۔ بلوچستان ءِ سر وزیر ءَ گوشت کہ مرچی اے عہد ءِ نوک کنگ ءِ روچ اِنت کہ ما پاکستان ءِ گوما وفاداری، مھر ءُ راجی یکوئی ءِ تہ ءَ ھچ وڑیں نزوری ءَ را یلہ نہ دئیں۔