بلوچستان ءِ زالبولانی گہبودی ءُ دیمروئی ءِ واستہ یکجائی جہد ءُ کوشست وھد ءِ لوٹ انت، بلوچستان ءِ گورنر جعفر خان مندوخیل

کوئٹہ۔ 09 مئی (اے پی پی): زالبولانی جاور ھال ءِ باروا چیئرپرسن نیشنل کمیشن آن دی سٹیٹس آف ویمن نورین بانو لہڑی  ءِ سروکی ءَ ڈل ءَ اسلام آباد ءَ بلوچستان ءِ گورنر جعفر خان مندوخیل ءَ گوں گند ءُ نند کت۔ گورنر ہاؤس ءِ جارکش ءِ بیان ءِ رد ءَ گند ءُ نند ءِ ساھت ءَ زالبول آنی ھک، وت مستر کنگ ءُ بنیاتی آجوئی ءَ ھوار صنفی برابری ءِ دیمروئی ءِ ھوالگ ءَ جیڈھ آنی سر ءَ گپ ءُ تران کنگ بوتگ۔ اے موہ ءِ سر ءَ بلوچستان ءِ گورنر جعفر خان مندوکھل ءَ گوشت کہ زالبول ءُ جنک آنی ھک، وشھالی، رکھینگ، اقتصادی وت واجہی ءُ انصاف ءِ رسگ ءِ تہ ءَ زالبول آنی بستار ءِ راجی کمیشن اسل ءَ سک باز ھاسیں ءُ موثریں کرد پیلو کنگ ءَ اِنت۔ کمیشن ءِ مینڈیٹ ءُ برجاھیں گامگیج آناں ساڑات ءُ گوشت کہ اے وڑیں ادارگ چاگرد ءِ تہ ءَ زالبول آنی باوقاریں بستار ءَ را مھکم کنگ ءُ صنفی برابری ءِ دیمروئی ءِ واستہ کلیدی ارزشت ءِ واھند اَنت۔ آئی ءَ حاصیں وشی ءُ دلیمی ءِ درشان کت کہ اولی رند ءَ بلوچستان ءَ چہ توانمند ءُ باصلاحیتیں زالبول مس نورین بنو لیہری زالبولانی حیثیت ءِ نیشنل کمیشن ءِ چیئرپرسن جوڑ کنگ بوتگ۔ امیت انت کہ بانُک نورین بنو لیہری وتی تجربگ، دیدگ ءُ رھشونی ءِ زانت ءِ وسیلگ ءَ نہ ایوک ءَ راجی پڑ ءَ بلکیں بلوچستان ءَ ھم زالبولانی دیمروئی، رکھینگ ءُ معاشی توانمند کنگ ءِ واستہ گیش موثریں گامگیج چست کنت۔ گورنر بلوچستان ءَ دل یکیمی دات کہ صوبہ ءِ تہ ءَ زالبول آنی ھک، وانگ ءُ زانگ، اقتصادی آجوئی، انصاف ءِ دسترس ءُ جنسی زوراکی ءِ ھلاسی ءِ ھوالگ ءَ ھرچ جوانیں گامگیج ءِ تہ ءَ گورنر گس ءُ صوبائی تک ءَ ہر وڑیں کمک پجاری کنگ بیت۔ آئی ءَ گوشت کہ بلوچستان ءَ زالبول آنی گہبودی ءُ دیمروئی ءِ واستہ یکجائی کوشست وھد ءِ لوٹ انت ءُ اے درگت ءَ زالبول آنی بستار ءِ بابت ءَ نیشنل کمیشن ءِ گوما سرجمی ءَ کمک برجاہ دارگ بیت۔ زالبولانی جاور ھال ءِ نیشنل کمیشن ءِ چیئرپرسن ءُ آئی ءِ ٹیم ءَ گورنر بلوچستان ءِ ھاسیں منت واری درشان کت کہ آئی ءَ ھمک وڑیں کمک ءُ رھشونی ءِ دل یکیمی داتگ ءُ دیوان ءَ را سک باز جوانیں، جوڑیشت ءُ دلبڈی لیک اِتگ۔