مئی ءِ واقعہ پاکستان ءِ راجدپتر ءِ یک سیاہیں بابے، راج اے وڑیں مردم ءَ کدی شموشت نہ کنت، سینیٹر شیری رحمان

اسلام آباد۔9مئی  (اے پی پی): پیپلز پارٹی ءِ نائب صدر سینیٹر شیری رحمان ءَ 9 مئی ءِ وئیل آناں پاکستان ءِ راجدپتر ءِ یک سیاہیں بابے لیک اتگ ءُ گوشت کہ 9 مئی ءِ وئیل ملک ءِ یکوئی ءُ راجی یکوئی ءِ سر ءَ اُرش بوتگ، راج اے وڑیں مردم ءَ را کدی شموشت نہ کنت۔ شیری رحمان ءَ شمبے ءِ روچ ءَ شنگ بوتگیں بیانے ءَ گوشت کہ بھٹو ءِ شھادت ءِ سر ءَ کارکناں وت ءَ سُتکگ، آیاں اُرش نہ کتگ، شھید بی بی ءِ شھادت ءِ سر ءَ چاریں صوبہ آنی تہ ءَ کارگر آنی زھرشانی بوتگ۔ آئی ءَ گوشت کہ شھید بی بی ءِ شھادت ءِ سر ءَ آتش زنی ءُ محاصرہ بوتگ بلے فوجی جاہ ءُ شھید آنی یادگار آنی سر ءَ اُرش نہ بوتگ بلکیں پاکستان کھپا ءِ نعرہ چست کنگ بوتگ۔ شیری رحمان ءَ گیش گوشت کہ 9 مئی ءَ فوجی جاہ، شھید آنی یادگار ءُ راجی ادارگ آنی سر ءَ اُرش درور ءَ پاکستان ءِ سر ءَ اُرش بوتگ۔ آئی ءَ گوشت کہ 9 مئی ءِ منصوبگ بند ءُ آسراتی ءِ کارندہ آناں کانود ءُ آئین ءِ رد ءَ جوانیں سزا دیگ ءَ چہ مثال جوڑ کنگ بوتگ۔ سینیٹر شیری رحمان ءَ گوشت کہ پاکستان ءِ راجدپتر ءَ اولی رند ءَ راجی دیمپان ءِ جاہ سیاسی بدلہ ءِ واستہ نشانگ جوڑ کنگ بوتگ انت۔ ھما مردم کہ ورناہاں ریاستی ادارہانی ھلاپ ءَ زھر کن اَنت آ راج ءِ نیک راھی بوت نہ کن اَنت۔ آئی ءَ گوشت کہ راج وتی قوت، شھید ءُ راجی ادارگ آنی گوما اوشتاتگ ءُ ھرچ سازش ءَ را ناکام کنت۔ شیری رحمان ءَ گوشت کہ انصاف ءِ جنگ ءَ پاکستانی اُرد ءَ وتی قربانی ءُ پیشہ وارانہ ازمکاری ءَ گوں دژمن ءَ را ھاسیں کلوہ داتگ۔ پاکستان جھان ءِ پڑ ءَ یک مھکم ءُ باوقاریں ملک ءِ رنگ ءَ سہرا بوتگ۔ ایشی ءِ تہ ءَ پاکستانی اُرد کلیدی کرد ءَ پیلو کن اَنت۔ پاکستانی لشکر مئے راجی ازت، ایمنی ءُ برجائی ءِ چیدگ انت ۔