صدر آصف علی زرداری معرکہ ءِ حق ءِ اولی سالروچ ءِ درگت ءَ قوم ءُ سلاہ بندیں اُرد ءَ را توسیپ ءُ ستا

اسلام آباد۔9مئی  (اے پی پی): صدر آصف علی زرداری ءَ معرکہ ءِ حق ءِ اولی سالروچ ءِ درگت ءَ راج ءُ سلاہ بندیں اُرد ءَ را توسیپ ءُ ستا پیش کنان ءَ فیلڈ مارشل سید عاصم منیر ءِ سروکی، گامگیجءُ مزن جگریں پیسلہ آناں معرکہ ءِ حق ءِ سوبمندی ءِ کلید لیک اتگ ءُ گوشت کہ پاکستان یک ذمہ واریں، بلے امن دوستیں ریاست انت۔ دژمن ءِ زوراکی ءَ چہ پد آئی ءَ وتی دیمپانی توانائی ءِ پیغام دنیا ءَ دیم داتگ۔ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ پاک فضائیہ ءِ سروک ایئر چیف مارشل زہیر احمد بابر سدھو ءُ پاک فضائیہ ءِ شاہین آنی غیر معمولی ازمکاری ءُ پیشہ وارانہ صلاحیت آناں ساڑاتگ۔ آئی ءَ پاک بحریہ ءِ سروک ایڈمرل نوید اشرف ءُ نیول فورسز ءِ سرجمیں آپریشنل تیاری ءُ دیمپانی صلاحیت آناں راجی ایمنی ءِ واستہ فخر ءِ وسیلگ لیک اتگ۔ آئی ءَ گوشت کہ پاکستان یک ذمہ وار ءُ امن دوستیں ریاست اِنت، ءُ دژمن ءِ زوراکی ءِ سر ءَ سرجمیں بلے متوازنیں پسو دیان ءَ وتی دیمپانی توانائی ءِ پیغام دگنیا ءَ را داتگ۔ آئی ءَ گوشت کہ مقبوضہ جموں ءُ کشمیر ءِ جیڈھ اقوام متحدہ ءِ قرارداد آنی رد ءَ گیش ءُ گیوار کنگ بہ بیت، ءُ پاکستان کشمیری الس ءَ را اخلاقی، سیاسی ءُ سفارتی کمک ءَ برجاہ دار ایت۔ آئی ءَ گوشت کہ بھارت ءِ نیمگ ءَ سندھ ءِ آپ ءِ معاہدے ءَ را مھتل کنگ ءِ کوشست آپی ناشرکاری اِنت، آپ لاکھوں پاکستانی آنی جیڈھ اِنت۔ آئی ءَ گوشت کہ اوگانستان وتی سرزمین ءَ را پاکستان ءُ پڑ ءِ ایندگر ملک آنی ھلاپ ءَ ناشرکاری ءِ واستہ کارمرد کنگ ءَ را موہ مہ دنت، دمگی امن ءِ واستہ درائیں وسیلگ آنی کمک ءَ چہ ناشرکاری ءِ سرجمی ءَ ھلاس کنگ المی اِنت۔ آئی ءَ گوشت کہ مزن وزیر شہباز شریف ءُ فیلڈ مارشل سید عاصم منیر ءِ کوشست آنی گوما پاکستان پڑ ءَ توازن ءُ برجائی ءِ نشان ءِ رنگ ءَ دیم ءَ اتکگ ءُ ایران ءُ امریکہ ءِ جیڈھ ءِ ایمنی ءِ گیواری ءِ واستہ پاکستان ءِ سفارتی کوشست آناں جھان ءِ تک ءَ ساڑاھگ بوتگ۔ آئی ءَ گوشت کہ پاکستانی راج ءُ سلاھ بندیں اُرد ھمک چیلنج ءِ دیم ءَ دارگ ءُ دوستداریں وطن ءِ رکھینگ ءِ واستہ سرجمی ءَ تیار انت۔