بلوچستان ءِ تہی کارانی وزیر: سرجمیں بلوچستان ءَ معرکہ ءِ حق  ءِ روچ  برجمیں   رنگ ءَ دارگ بوھگ ءَ انت

کوئٹہ۔ 09 مئی (اے پی پی): بلوچستان ءِ تہی کارانی وزیر میر ضیا  اللہ لانگو ءَ گوشت کہ پاکستان ءِ ھست بوھگ دمگ ءَ ایمنی ءِ نشانی انت۔ سرجمیں بلوچستان ءَ راستی ءِ جنگ ءِ روچ برجمیں   رنگ ءَ دارگ بوھگ ءَ انت۔ من پاکستانی فوج ءَ را دژمن ءِ ناپاکیں زوراکی ءِ سر ءَ ترندیں پسو ءِ ھاتر ءَ توسیپ ءُ ستا وار آں ۔ شمبے ءِ روچ ءَ بلوچستان ءِ تہی کارانی وزیر ءَ وتی بیان ءِ تہ ءَ گوشت کہ راستی ءِ جنگ ءَ گوں ھوالگ ءَ پیشرفت ایوک ءَ علامتی سوبمندی نہ اِنت بلکیں راجدپتری موڑ اِنت۔ من فیلڈ مارشل عاصم منیر ءُ مزن وزیر شہباز شریف ءِ سروکی ءِ ازمکاری ءُ وھد ءِ سر ءَ پیسلہ آنی سر ءَ توسیپ ءُ ستا گراں ۔ صوبائی وزیر داخلہ ءَ گوشت کہ سرجمیں راج ھاسیں رنگ ءَ بلوچستان ءِ الس وتی بامردیں قوت آنی گوما اوشتاتگ انت۔ ہندوستان ءَ ناجائزیں وڑے ءَ پاکستان ءِ سرا اُرش کت بلے پاکستانی لشکر ءَ دژمن ءِ سرا لائکیں پسو دات ءُ سرجمیں راج ءَ را فخر کت۔ میر  لانگو ءَ گوشت کہ پاکستان پرامن ملک انت، راجی دیمپان ءِ بابت ءَ ھچ وڑیں سمجھوتہ کنگ نہ بیت۔