معرکہ ءِ حق ایوک ءَ فوجی سوبمندی نہ اِنت بلکیں سرجمیں راج ءِ یکوئی، ایمان ءُ بے مٹیں جزم ءِ عملی درشان اِنت، چیئرمین سینیٹ سید یوسف رضا گیلانی ءِ نیمگ ءَ چہ یک کلوہے

اسلام آباد۔9مئی  (اے پی پی): سینیٹ ءِ چیئرمین سید یوسف رضا گیلانی ءَ گوشت کہ معرکہ ءِ حق پاکستان ءِ راجدپتر ءِ تہ ءَ یک فیصلہ کنوکیں ساھت ءِ بوتگ کہ آئی ءَ دگنیا ءِ دیم ءَ اے گپ پدر کتگ کہ پاکستان ءِ ریاست ھرچ پڑ ءَ وتی وت واجہی، ایمنی ءُ آئینی شرپ ءِ رکھینگ ءِ واستہ سرجمی ءَ جزم اِنت۔ آپریشن ’’بانیان مرسس‘‘ ءِ یک سال ءِ سرجمی ءِ سر ءَ معرکہ ءِ حق ءِ روچ ءِ موہ ءَ وتی ھاسیں کلوہ ءِ تہ ءَ چیئرمین سینیٹ ءَ گوشت کہ معرکہ ءِ حق ایوک ءَ فوجی سوبمندی نہ اِنت بلکیں سرجمیں راج ءِ یکوئی، ایمان ءُ بے مٹیں جزم ءِ عملی درشان اِنت۔ آئی ءَ گوشت کہ پاکستانی سلاھ بندیں اُرد ءَ اے گپ ءِ ثبوت دات کہ پاکستان وتی سرزمین ءُ شہری آنی رکھینگ ءِ واستہ کجام ھم ساھت ءَ ساڑی انت۔ آئی ءَ شہید آناں توسیپ ءُ ستا وار کت کہ آہاں وتی جان پہ مہریں وطن ءَ ندر کتگ ءُ گوشت کہ ایشانی مزنیں قربانی راج ءِ واستہ شان ءِ آدینک انت ءُ ایشانی کھول ءِ صبر ءُ دلیری ستا کرز انت۔ سید یوسف رضا گیلانی ءَ مدنی ءُ ملٹری سروکی ءُ سیکورٹی فورسز ءِ پیشہ وارانہ ، دلیری ءُ قربانی ھم ساڑات اَنت۔ آئی ءَ وتی کلوہ ءِ تہ ءَ اے گپ ءِ سر ءَ زور پر دات کہ پاکستانی راج ھاسیں رنگ ءَ ورنا، میڈیا، سفارتی محاذ ءِ سر ءَ سرگرمیں مردم، سائنسدان ءُ انجینئر آنی ھم راجی بیانیہ ءِ مھکم کنگ ءُ دیمپان ءِ مھکم کنگ ءَ ھاسیں کرد پیلو کتگ کہ اے ستا کرز اِیت۔ سید یوسف رضا گیلانی ءَ گوشت کہ راستی ءِ واستہ جہد ءُ کوشست مارا اے سکین ءَ دنت کہ راجی یکوئی مئے اصل طاقت انت۔ سیاسی سروکی ءِ یک رند ءِ موقف، فوجی سروکی ءِ وژن ءُ راج ءِ بے مٹیں اعتماد ہما قوت انت کہ آہاں ہر چیلنج ءِ دیمپانی ممکن کتگ۔ آئی ءَ گیش گوشت کہ پاکستان یک زمہ واریں ریاستے کہ امن ءَ را اولیت دنت، بلے وتی حاکمیت ءُ سرزمین ءِ یکوئی ءِ سر ءَ ھچ وڑیں سمجھوتہ نہ کنت ءُ ھرچ وڑیں زوراکی ءِ سر ءَ جوانیں رنگ ءَ پسو دیگ ءِ سرجمیں توان ءُ جزم ءِ واھند اِنت۔ گڈسرا چیئرمین سینیٹ ءَ راج ءَ را زور پر دات کہ آ اے موہ ءَ چہ پاکستان ءَ را یک مھکم، مھکم ءُ شرپداریں ریاست جوڑ کنگ ءِ واستہ یکجائی ءَ کار کنگ ءِ وتی عزم ءَ را نوک بہ کنت ءُ شہید آنی قربانی آناں مدام یات بہ کنت۔ آئی ءَ دعا کت کہ اللہ تعالیٰ پاکستان ءَ را رکھین ایت ءُ راج ءَ را یکوئی ءُ مھکمی ءِ گوما دیم ءَ روگ ءِ توان ءُ ستا بہ دنت۔