معرکہ ءِ حق دنیا ءَ یک کلوہے ات کہ پاکستان ءَ نزور لیکگ ءِ ردی ءَ مہ کن ات، رانا مشہود

اسلام آباد۔9مئی  (اے پی پی): مزن وزیر ءِ ورنا پروگرام ءِ چیئرمین رانا مشہود ءَ گشتگ کہ معرکہ ءِ حق ءَ دنیا ءِ دیم ءَ اے گپ ثابت کتگ کہ پاکستان امن دوستیں ملکے ءُ ایوک ءَ وتی دیمپان ءِ ھاتر ءَ اوشتاتگ۔ وھدے کہ راج، رھشونی ءُ فورسز صف بندی ءَ بنت گڑا دژمن ءِ برتری ءِ دعویٰ زمین ءَ چہ ٹُکّر ٹُکّر بنت۔ شمبے ءِ روچ ءَ معرکہ ءِ حق ءِ موہ ءَ وتی کلوہ ءِ تہ ءَ آئی ءَ گوشت کہ فیلڈ مارشل سید عاصم منیر ءُ مزن وزیر شہباز شریف ءِ سروکی ءَ سلاہ بندیں اُرد آنی وھد ءِ سر ءَ پیسلہ، ھاسیں گامگیجءُ غیر معمولی مہارت آنی سبب ءَ بھارت ءِ تکبر ءَ را جھان ءِ پڑ ءَ چہ ھلاس کتگ۔ آئی ءَ گوشت کہ پاکستان ءَ ھمک دیوان ءَ راستی، شفافیت ءُ امن ءِ گپ جتگ وھدیکہ دژمن الزام آناں چہ ابید یک ثبوتے ھم دات نہ کنت۔ آئی ءَ گوشت کہ معرکہ ءِ حق دگنیا ءَ را یک کلوہ ءِ انت کہ آ پاکستان ءَ نزور لیکگ ءِ ردی ءَ مہ کن انت۔ ما مدام وت ءَ دیمپان کنگ ءَ تیار ایں ۔