پاکستان ءَ آپریشن بنیان مرصوص ءِ تہا ڈسپلن، راستیں حکمت عملی، بہادری ءُ راجی یکوئی ءِ گوما دژمن ءِ جواب دات، معرکہ ءِ حق ءِ موہ ءَ صدر آصف علی زرداری ءِ کلوہ

اسلام آباد۔ 10 مئی  (اے پی پی): صدر ءِ مملکت آصف علی زرداری ءَ معرکہ ءِ حق ءِ اولی سالروچ ءِ درگت ءَ گوشت کہ پاکستان ءَ یک سالے پیسر یک مزنیں چکاسے ءَ چہ گوستگ ءُ سرجمیں راج مھکم بوتگ ۔ مئی 2025 ءِ واقعہ ایوک ءَ فوجی آپریشن نہ بوتگ انت بلکیں سرجمیں راج ءِ ھاترا یک ھاسیں ساھتے بوتگ انت۔ بھارت ءَ پہلگام ءِ دروگیں پرچم ءِ آپریشن ءِ نام ءَ پاکستان ءِ سر ءَ بے سوبیں اُرش کتگ اَنت کہ ایشی ءِ تہ ءَ گیشتریں شہری آبادی ءُ عبادت جاہانی ھمراھی ءَ لھتیں فوجی تنصیبات ھم نشانگ جوڑ کنگ بوتگ اَنت۔ پاکستان ءَ ڈسپلن، راستیں حکمت عملی، بہادری ءُ راجی یکوئی ءِ گوما جواب دات۔ آپریشن بنیان مرصوص معرکہ ءِ حق ءِ مستریں ستون بوتگ کہ آئی ءَ دنیا ءَ پیش داشتگ کہ مئے سلاہ بندیں اُرد ھما وھد ءَ چے کُت کن اَنت کہ سرجمیں راج وتی اُرد ءِ ھمراھی ءَ اوشتات کنت۔ مئے پسو ءِ رد ءَ ھیال ءُ لیکہ ءِ رد ءَ ، متوازن ، تناسبی ، راست ءُ جاور ءِ رد ءَ بوتگ ۔ ءُ مئے کلوہ سک وش ات۔ صدر ءِ مملکت ءِ کارگس ءِ پریس ونگ ءِ نیمگ ءَ چہ جاڑی بوتگیں بیان ءِ رد ءَ صدر ءِ مملکت ءَ معرکہ ءِ حق ءِ سالروچ ءِ درگت ءَ وتی کلوہ ءِ تہ ءَ گوشت کہ معرکہ ءِ حق ءَ دگنیا ءَ را اے گپ پدر کتگ کہ پاکستان ءِ دیمپانی توانائی ایوک ءَ یک نعرہ یے نہ اِنت بلکیں پیشہ وارانہ مہارت ءِ سر ءَ بندوک اِنت، یک ھمگرنچیں گامگیجیے کہ اے سئیں ملک آنی دیم ءَ دارگ بہ بیت۔ ما وتی بہادریں فورسز ءِ مردین ءُ زالبولاں سلام پیش کنیں ءُ ہر شہید ءَ را داد پیش کنیں کہ آئی ءَ اے ملک ءِ شان ءُ شان ءِ ھاتر ءَ وتی سر ندر کتگ۔ اے مئے راجی سِنچ ءِ بھر اِنت کہ وھدے مئے سر ءَ جنگ لگّگ بیت گُڑا ھمک پاکستانی سپاھیگ جوڑ بیت کہ لھتے سپاہیگ ءُ لھتے بے وردی اَنت۔ آئی ءَ گوشت کہ مرچی پاکستان یک انچیں ریاست ءِ رنگ ءَ چارگ بیت کہ آ نا ایوک ءَ وت ءَ را رکھینگ ءَ زانت بلکینگ ءَ امن ءُ ایمنی ءِ دیما برگ ءَ ھم ھاسیں کرد پیلو کنت۔ مغربی ایشیا ءِ انوگیں کش ءُ چیل ءِ وھد ءَ پاکستان ءَ ذمہ وار ءُ متوازن سفارتکاری ءِ وسیلگ ءَ امریکہ ءُ ایران ءِ نیام ءَ جنگ بندی ءِ تہ ءَ مزنیں کردے پیلو کتگ ءُ دوئیں ملک آناں گپ ءُ تران ءِ میز ءِ سر ءَ آرگ ءَ ھم کمک کتگ۔ مئے کوشستاں چہ گیشتریں ھون ریچی ءِ دیم ءَ دارگ ءُ دمگ ءَ برجائی آرگ ءَ کمک رستگ۔ پاکستان کجام جاگہ ​​ءَ کہ جوانیں کردے پیلو کت کنت آ امن، گپ ءُ تران ءُ برجائی ءِ واستہ وتی کوشستاں برجاہ دار ایت۔ آئی ءَ گوشت کہ اے موہ ءَ یک رندے پدا اے گپ ءِ پدر کنگ لوٹاں کہ کشمیر ءِ جیڈھ اے دمگ ءَ بے رھبندی ءِ بُنکی سبب انت۔ جنوبی ایشیا ءِ سیکورٹی جیڑہانی ہچ وڑیں غیر جانبداریں ارزشت پاکستان ءِ کرد ءِ اے حقیقت ءَ چہ چماں شُشت نہ کنت۔ کشمیری راج ءِ ھما واھشت کہ اقوام متحدہ ءِ سلامتی کونسل ءِ قراردادانی تہ ءَ منگ بوتگ اَنت، دہائیانی قبضہ ءِ باوجود ھلاس نہ بوتگ اَنت ءُ ھچبر ھلاس نہ بنت۔ پاکستان انصاف ءُ قانونی گیواری ءِ ھاتر ءَ وتی موقف ءِ سر ءَ مھکم اِنت۔ آئی ءَ گوشت کہ بھارت ءِ نیمگ ءَ سندھ ءِ آپانی معاہدے ءِ مھتل کنگ آپ ءَ را سلاہ ءِ رنگ ءَ کارمرد کنگ ءِ برابر اِنت۔ ورلڈ بینک ءِ دلالی ءَ بوتگیں اے معاہدہ کہ 1960 ءَ بوتگ ات، چار جنگ ءُ شست ءُ پنچ سال ءِ تلخیں تناؤ ءَ چہ زندگ بوتگ۔ اے معاہدہ سیاسی تنازعات ءَ چہ بُرز دارگ بوتگ۔ ہندوستان ءِ ایشی ءِ معطل کنگ ءَ چہ ہچ وڑیں قانونی توجیل ءِ ہست نہ بوہگ ءَ میلیوناں مردمانی روزگار ءُ زند ءِ سرا خطرہ ءِ دیم ءَ کیت۔ آپ چشیں جیڈھ نہ انت کہ ایشی ءَ را سیاسی زور ءِ واستہ کارمرد کنگ بہ بیت۔ پاکستان وتی آپی ھک ءِ رکھینگ ءِ واستہ ھما جزم ءَ پیش دار ایت کہ آئی ءَ وتی سرزمین ءِ رکھینگ ءِ واستہ پیش داشتگ۔ آئی ءَ گوشت کہ ما ناشرکاری ءِ ھوالگ ءَ وتی موقف ءَ را ھم سرجمیں رنگ ءَ پدر کن ایں ۔ پاکستان وت ناشرکاری ءِ آماچ بوتگ۔ ما فتنہ الخوارج ءُ فتنہ ہندستان ءِ ہر رنگ ءَ ہلاس کنگ ءِ ہاترا جزمیں۔ ما اوگانستان ءِ انوگیں عبوری حکومت ءِ گوما سنگینیں رابطہ کتگ ءُ دوحہ فریم ورک ءِ چیر دستی ءَ کتگیں وعدہ آنی سرجمیں رنگ ءَ عمل کنگ ءِ امیت داریں تانکہ اوگان سرزمین پاکستان یا دگہ ملک ءِ ھلاپ ءَ کارمرد کنگ مہ بیت۔ پاکستان ہچ وڑیں کنڈگ ءُ جنجال ءِ واھشت نہ دار ایت ۔ بلے پاکستان ھچبر بدمعاشی ءُ گرینڈ اسٹینڈنگ ءَ منّگ ءَ نہ اِنت۔ ما وتی حاکمیت، میان استمانی قانون ءُ یک امنیں دمگے ءِ سرا پابندیں کہ اودا اختلافات زور ءِ بدل ءَ گپ ءُ تران ءِ وسیلہ ءَ گیش ءُ گیوار کنگ بنت۔ انصاف ءِ جہد نوں مئے راجی یات ءِ بہر جوڑ بوتگ ۔ اے یک ساھتے نہ ات کہ ما وت گچین کتگ ات بلے وھدے کہ وھد اتک گڑا سرجمیں راج ءَ گوں وتی سرجمیں توان ءُ جزم ءَ ایشی ءِ جنگ کت۔ اے روچ مارا ہر سال یات بہ کنت کہ یک راجے کہ وتی ارزشت ءَ پہمیت آ مدام وت ءَ دیمپان کنگ ءِ توان ءَ داریت۔