آپریشن بنیان مرصوص راجی دیمپان، فوجی مزن جگری ءُ راجی یکوئی ءِ یک دراجیں مثالے، سپیکر راجی اسمبلی

اسلام آباد۔9مئی  (اے پی پی): راجی اسمبلی ءِ اسپیکر سردار ایاز صادق ءَ گوشت کہ آپریشن بنیان مرصوص راجی دیمپان، فوجی مزن جگری ءُ راجی یکوئی ءِ دراجیں مثال انت۔ آپریشن بنیان مرصوص ءِ یک سال ءِ سرجمی ءِ موہ ءَ وتی ھاسیں کلوہ ءِ تہ ءَ سپیکر ءَ گوشت کہ اے راجدپتری روچ پاکستان ءِ دیمپانی راجدپتر ءِ تہ ءَ سک باز ارزشت ءِ واھند اِنت، وھدے کہ پاکستان ءِ بہادریں سلاہ بندیں اُرداں بھارت ءِ زھرناکیں زوراکی ءِ پسو داتگ ءُ سوبمندیں جوابی اُرش کتگ ءُ نیروی اُرش تباہ کتگ۔ اسپیکر راجی اسمبلی ءَ گوشت کہ مزن وزیر شہباز شریف ءِ کوھنیں سروکی ءُ دیمپانی اُرد ءِ سروک فیلڈ مارشل سید عاصم منیر ءِ جوانیں فوجی گامگیجءِ تہ ءَ آپریشن ءَ را گیش ءَ چہ گیش پیشہ وارانہ ءُ جوانیں ھمگرنچی ءَ گوں سوبمندیں رنگ ءَ سرجم کنگ بوت۔ آئی ءَ گوشت کہ سیاسی ءُ فوجی سروکی ءِ نیام ءَ غیر معمولی کمکی عمل ءَ سرجمیں راج یک یکجاھیں قوت ءِ تہ ءَ بدل کت ایشی ءِ آسر ءَ دژمن ءِ ارادہ جوانیں رنگ ءَ ناکام بوت ءُ پاکستان ءِ دیمپان مھکمیں   رنگ ءَ سہرا  بوت۔ اسپیکر سردار ایاز صادق ءَ گوشت کہ آپریشن بنیان مرصوص ءِ ساھت ءَ پاک اُرد ءِ بہادریں سپاھیگ آناں دژمن ءِ ھاسیں تنصیبات آناں سوبمندیں رنگ ءَ نشانگ جوڑ کتگ وھدیکہ دژمن ءِ ھوائی دیمپانی سسٹم ھاسیں رنگ ءَ ایس 400 سسٹم ءَ را جوانیں رنگ ءَ بے کار کنگ بوتگ۔ آئی ءَ گوشت کہ پاکستانی سلاہ بندیں اُرد ءِ اے بھادریں زھگ کہ آھاں وطن ءِ رکھینگ ءِ ذمہ واری داتگ، راج ءِ راستیں شان اَنت ءُ دائم ءَ ھمے رنگ ءَ مان اَنت۔ اسپیکر سردار ایاز صادق ءَ گوشت کہ پاک فضائیہ ءِ بے دروریں کارکردگی ءَ سرجمیں راج ءَ را فخر کتگ ءُ خطہ ءَ پاکستان ءِ فضائی برتری ءَ را برجمیں رنگ ءَ درشان کتگ۔ راجی اسمبلی ءِ صدر ءَ ائیر چیف مارشل زہیر احمد بابر سدھو ءَ ہوار پاک فضائیہ ءِ توامیں افسر ءُ مرد آناں وشیں رنگ ءَ توسیپ ءُ ستا گپت۔ قومی اسمبلی ءِ صدر ءَ گیش گوشت کہ پاک بحریہ ءِ پیشہ وارانہ گامگیجءَ دژمن سرجمی ءَ محدود کتگ، ایشی ءِ سبب ءَ دژمن وتی بحریہ ءِ سیمسر آنی تہ ءَ محدود بوتگ۔ آئی ءَ راجی نیمگ ءَ پاک بحریہ ءِ توامیں افسر ءُ مردین آناں نیول چیف نوید اشرف ءَ ھوار مزن بحریہ ءِ درشانی کت۔ آئی ءَ گوشت کہ اے جوانیں آپریشن آنی سبب ءَ دژمن ءِ جنگی توان ءَ را سک باز تاوان رستگ ءُ دژمن ءَ را پد کشگ ءَ لاچار کتگ۔ راجی اسمبلی ءِ اسپیکر ءَ گوشت کہ آپریشن ءِ وھد ءَ نوکیں سائبر ءُ الیکٹرانک جنگ ءِ گامگیجھم جوانیں رنگ ءَ کارمرد کنگ بوتگ ایشی ءِ آسر ءَ دژمن ءِ کمیونیکیشن سسٹم ءُ کمانڈ اینڈ کنٹرول انفراسٹرکچر بے کار کنگ بوتگ۔ آئی ءَ گوشت کہ آپریشن بنیان مرصوص ءَ چہ اے گپ ءِ ثبوت بوت کہ پاکستان امن دوستیں بلے باوقار ءُ وت واجہیں ریاست انت، آ دمگ ءَ امن ءَ را اولی ترجی ءَ دنت بلے وتی وت واجہی ءُ دیمپان ءِ سر ءَ سمجھوتہ نہ کنت۔ قومی اسمبلی ءِ صدر اسمبلی ءَ گوشت کہ جموں ءُ کشمیر ءِ جیڈھ خطہ ءِ تہ ءَ بے رھبندی ءِ بُنکی سبب اِنت ءُ ایشی ءِ گیواری اقوام متحدہ ءِ قرارداد ءُ کشمیری الس ءِ واھشت آنی رد ءَ بہ بیت۔ آہاں سندھ ءِ آپانی معاہدے ءِ بابت ءَ بھارت ءِ یک نیمگی کارروائیاں ’’آپ ءِ ناشرکاری‘‘ لیک اتگ ءُ گشتگ کہ پاکستان ءَ را وتی راجی مفاد ءِ رکھینگ ءِ ھاتر ءَ ہر وڑیں گامگیج زورگ ءِ حق است انت۔ اسپیکر سردار ایاز صادق ءَ ماتیں وطن ءِ رکھینگ ءَ وتی جان ندر کتگیں شہیدانی واستہ حاصیں دعا ونت۔ آئی ءَ گوشت کہ ھما شہید آنی قربانی آناں راج کدی شموشکار نہ بیت کہ آیاں وتی گلزمین ءِ رکھینگ ءِ واستہ وتی سر ندر کتگ اَنت۔ اے موہ ءِ سر ءَ راجی اسمبلی ءِ ڈپٹی اسپیکر سید غلام مصطفیٰ شاہ ءَ گوشت کہ آپریشن بنیان المرسوس پاکستان ءِ سلاہ بندیں اُرد ءِ پیشہ وارانہ رنگ ءُ راج ءِ بے دروریں جزم ءِ درشان انت۔ آئی ءَ گوشت کہ پاکستانی راج ھمک گرانیں ساھت ءَ یک مُشت ءِ مان اِنت ءُ دوستداریں وطن ءِ رکھینگ ءِ واستہ دائم ءَ ساڑی اِنت۔ آئی ءَ گوشت کہ کجام وھد ءَ کہ ملک ءَ را چیلنج ءِ دیم ءَ کیت سرجمیں راج دژمن ءِ دیم ءَ سیسہ ءِ دیوال ءِ رنگ ءَ اوشتات کنت ءُ پاکستانی سلاہ بندیں اُرد ءِ سرجمی ءَ کمک کنت۔