مزن وزیر ءِ ھاسیں کمکار ہارون اختر خان ءَ چین ءُ پاکستانی کمپنی آں گوں یک پہ یک ءَ کاروباری گند ءُ نند

اسلام آباد۔9مئی  (اے پی پی): مزن وزیر ءِ صنعت ءُ پیداوار ءِ ھاسیں کمکار ہارون اختر خان ءَ پاکستان ءَ صنعتی کمک، سرمایہ کاری ءُ ٹیکنالوجی ءِ ٹرانسفر ءَ را دیمروئی دیگ ءِ واستہ چین ءُ پاکستانی نامداریں کمپنی آنی گوما یک پہ یک ءَ بزنس ٹو بزنس (بی ٹو بی) گند ءُ نند کت۔ ادا جاڑی بوتگیں بیان ءِ رد ءَ گند ءُ نند آنی ساھت ءَ ھارون اختر خان ءَ گوشت کہ مزن وزیر محمد شہباز شریف ءِ وژن ایش انت کہ مفاہمت نامہ ءُ معاہدہ آنی سر ءَ عمل کنگ بہ بیت۔ آئی ءَ گوشت کہ حکومت اے منّگ آنی جوانیں رنگ ءَ عمل کنگ ءُ رندگیری ءَ را دل یکیمی کنگ ءِ واستہ شپ ءُ روچ کار کنگ ءَ انت۔ ھاسیں کمکار ءَ گوشت کہ چینی سرمایہ کار آناں پاکستان ءِ الیکٹرک گاڑی آنی شوبگ ءَ سرمایہ کاری ءِ واستہ سک باز واھشت ءِ درشان کتگ ایشی ءِ تہ ءَ الیکٹرک گاڑی، ای وی بیٹری ءُ ایڈوانسڈ انرجی اسٹوریج بیٹری آنی اسمبلی ءُ پد ءَ لوکل مینوفیکچرنگ ھوار اِنت۔ ہارون اختر خان ءَ گیش گوشت کہ حکومت ای وی بیٹری پالیشی ءَ را گڈی رنگ ءَ دیگ ءَ اِنت کہ اے شوبگ ءَ سرمایہ کاری، لوکل مینوفیکچرنگ ءُ ٹیکنالوجی ءِ دیمروئی ءَ را دیمروئی دیگ ءِ واستہ زوت دیم ءَ آرگ بیت۔ آئی ءَ درستیں سٹیک ہولڈر آناں مفاہمت نامہ ءُ یکجائی منصوبگ آنی سر ءَ سرجمیں رنگ ءَ پد ءُ رند کنگ ءِ دل یکیمی دات ءُ وتی جزم ءِ درشان کت کہ حکومت درملکی ءُ بنجاہی سرمایہ کار آنی واستہ کاروباری دوستیں چاگرد ءِ پجارینگ ءِ واستہ جزم اِنت۔ ھاسیں کمکار ءَ گوشت کہ پاکستان ءَ چینی سرمایہ کاری ءَ چہ اقتصادی مزنیں سیت رسیت، بنجاہی صنعت ءَ را مھکم بیت ءُ روزگار ءِ نوکیں موہ پیداک بنت۔ آئی ءَ گوشت کہ حکومت ءِ مول ءُ مراد لوکل مینوفیکچرنگ ءَ را دیمروئی دیگ ءُ صنعتی ءُ روچ مرزی کارمردی ءِ واستہ ایڈوانسڈ لتیم آئن ءُ سوڈیم آئن بیٹری ٹیکنالوجی آناں کارمرد کنگ اِنت۔ پمشکا پاکستان ءَ ایر کنگ انت۔ ہارون اختر خان ءَ گوشت کہ پاکستان ءَ نوکیں بیٹری ٹیکنالوجی ءُ الیکٹرک گاڑی آنی صنعت ءَ را دیمروئی دیگ ءِ واستہ عملی گامگیج کنگ بوھگ ءَ انت وھدیکہ پاکستان ءُ چین ءِ نیام ءَ صنعتی کمک یک نوکیں اقتصادی شریکداری ءِ رنگ ءَ زورگ ءَ انت۔