صدر آصف علی زرداری ءَ روس ءِ صدر ولادیمیر پوٹن ءُ روس ءِ راج ءَ را سوبمندی ءِ روچ ءِ مبارک بات داتگ

اسلام آباد۔9مئی  (اے پی پی): صدر آصف علی زرداری ءَ سوبمندی ءِ روچ ءِ درگت ءَ روس ءِ صدر ولادیمیر پوٹن ءُ روس ءِ الس ءَ را مبارکی کلوہ ءِ تہ ءَ گوشت کہ فاشزم ءِ ھلاپ ءَ مزنیں جنگ ءِ سوبمندی روس ءِ الس ءِ نیمگ ءَ جھان ءِ جہد ءُ کوشست ءِ تہ ءَ داتگیں قربانی آنی یک جوانیں یادگار اِنت۔ آئی ءَ گوشت کہ اے راجدپتری سوبمندی نہ ایوک ءَ روسی راج ءِ دلیری ءُ جزم ءِ علامت انت بلکینگ ءَ جھان ءِ امن، ایمنی ءُ برجائی ءِ تہ ایشانی کرد ءِ ھم علامت انت۔ صدر ءِ مملکت ءِ کارگس ءِ نیمگ ءَ جاڑی بوتگیں بیان ءِ رد ءَ صدر آصف علی زرداری ءَ گوشت کہ پاکستان روس ءِ گوما وتی سیادی ءَ را ارزشت دنت ءُ یک منصفانہ، امن ءُ رھبند آنی سر ءَ بنیات ءِ میاں اوستمانی نظام ءِ واستہ یکجائی عزم ءِ درشان کنت۔ آئی ءَ نازی ازم ءِ ھلاپ ءَ جنگ ءَ وتی جان ندر کنوکیں ھما درستیں مردماں خراج تحسین پیش کت کہ آھانی تہ ءَ مرچیگیں پاکستان ءِ سپاھیگ ھم ھوار اَنت کہ آھاں اتحادی اُرد ءِ تہ ءَ خدمت کتگ۔ صدر ءِ مملکت آصف علی زرداری ءَ اے امیت سہرا کت کہ اے راجدپتری سوبمندی ءِ جزبگ ءَ چہ دوئیں ملک آنی نیام ءَ کمک، وت مہ وتی تپاکی ءُ دوستی ءَ را دیم ءَ برگ بیت۔