معرکہ حق ءَ پاکستان ءِ جھان ءِ بستار ءَ را بُرز کتگ، مرچی ھر راج دوستیں پاکستانی سر ءَ بُرز ءَ رھادگ اِنت، سینیٹر روبینہ خالد

اسلام آباد۔9مئی  (اے پی پی): چیئرپرسن بے نظیر انکم سپورٹ پروگرام ءِ سینیٹر روبینہ خالد ءَ گوشت کہ معرکہ حق ءِ سوبمندی ءَ چہ سرجمیں دگنیا ءَ پاکستان ءِ نام گیش بوتگ۔ شمبے ءِ روچ ءَ ’’اے پی پی‘‘ ءَ گوں ھاسیں رنگ ءَ تران کنان ءَ سینیٹر روبینہ خالد ءَ گوشت کہ مرچی سرجمیں دگنیا ءَ پاکستان ءِ جوانیں امیج معرکہ حق ءُ کوشست ءِ سبب ءَ انت۔ آئی ءَ گوشت کہ آپریشن بنیان مرسوس ءِ ساھت ءَ مئے سلاہ بندیں اُرد ءَ بھارت ءِ ھلاپ ءَ ھما پیشہ وارانہ ، بہادری ءُ اسٹریٹجک صلاحیت آں گوں کجام رنگ ءَ جنگ کتگ سرجمیں راج ءِ واستہ فخر ءِ وسیلگ انت۔ آئی ءَ گوشت کہ مرچی ھمک راج دوستیں پاکستانی سر ءِے برز کتگ ءُ روگ ءَ انت۔ اسلام آباد ءَ امن گپ ءُ تران ءِ میزبانی پاکستان ءِ واستہ مزنیں سفارتی سوبمندی یے بوتگ ایشی ءَ چہ ملک ءِ جہانی تک ءَ پوزیشن گیش مھکم بوتگ۔ بی آئی ایس پی ءِ چیئرپرسن ءَ مات، گہار ءُ زھگ آناں مزنیں توسیپ ءُ ستا دات کہ آہاں وتی نزیکیں مردم ملک ءِ ھاتر ءَ قربان کتگ انت۔ سرجمیں راج ءَ وتی شہید ءُ بامرد آنی سر ءَ پھر انت ۔ سینیٹر روبینہ خالد ءَ اے گپ ءِ سر ءَ زور پر دات کہ سیاسی اختلاف آنی باوجود ھمک راج دوستیں شہری ءِ واستہ پاکستان مدام اولی نمبر ءَ بوتگ۔ آئی ءَ گوشت کہ مرچی پاکستان ءَ ھما ازت ءُ شرپ است انت مئے سلاہ بندیں اُرد آنی قربانی آنی سبب انت ۔ آئی ءَ گوشت کہ مرچی درملک ءَ نندوکیں پاکستانی آنی واستہ پاکستانی پاسپورٹ ”فخر ءِ پاسپورٹ“ جوڑ بوتگ۔ اے بدلی معرکہ حق ءِ مزنیں سوب مندی ءِ سوب ءَ ممکن بوتگ۔