معرکہ حق  راج ءَ را وتی بہادریں مدافع ءُ راج ءِ دلیری، قربانی ءُ بے دروریں جزم وجیہہ قمر ءِ یات ءَ دنت

اسلام آباد۔9مئی  (اے پی پی): وفاقی وانگ ءُ زانگ ءُ پیشہ وارانہ ھیل کاری ءِ وزیر ءِ مملکت وجیہہ قمر ءَ گوشت کہ معرکہ حق  ءِ اولی یات ءِ مراگش راج ءَ را وتی بہادریں مدافع ءُ الس ءِ دلیری، قربانی ءُ بے دروریں جزم ءِ یات ءَ دنت۔ شمبے ءِ روچ ءَ اے پی پی ءَ گوں تران کنان ءَ آئی ءَ گوشت کہ معرکہ حق راجی شرپ، یکوئی ءُ مھکمیں ایمان ءِ علامت اِنت وھدیکہ وطن ءِ ازت ءُ ایمنی ءِ واستہ داتگیں قربانی آیوکیں نسل آنی واستہ مدام چراگ ءِ رنگ ءَ مانیت۔ آئی ءَ گوشت کہ راج وتی ھما بامرد آناں یات کنت کہ آھانی بہادری ءُ جزم ءَ چہ ھرچ چیلنج ءِ دیم ءَ راستی ءُ انصاف ءِ برجائی کتگ۔ آئی ءَ اے گپ ءِ سر ءَ زور پر دات کہ پاکستان ءِ راستیں مھکم یکوئی، راج دوستی ءُ امن، دیمروئی ءُ وشھالی ءِ واستہ یکجائی جزم ءِ تہ ءَ اِنت۔ وجیہہ قمر ءَ وانگ ءُ زانگ ، راجی ھمگرنچی ءُ سرجمیں دیمروئی ءِ دیم ءَ برگ ءِ حکومت ءِ جزم ءِ پدا زور دات ءُ گوشت کہ پرامن ، دیمروئی ءُ یکجاھیں راج شہید آنی قربانی آنی راستیں شگر اِنت۔ آئی ءَ شہید آنی رند ءِ بُرز کنگ ءُ ملک ءَ دائمی امن ءُ ایمنی ءُ وشھالی ءِ دعا ھم کتگ۔