وفاقی وزیر جام کمال خان ءَ گیٹرون انڈسٹریز لمیٹڈ ءُ نووٹیکس لمیٹڈ ءِ سی ای او ، پاکستان بزنس کونسل ءِ نمائندگ ءُ انڈسٹری اسٹیک ہولڈر آں گوں گند ءُ نند

اسلام آباد۔8مئی  (اے پی پی):وفاقی وزیر برائے تجارت جام کمال خان ءَ پاکستان بزنس کونسل ءِ نمائندگ ءُ گیٹرون انڈسٹریز لمیٹڈ ءُ نووٹکس لمیٹڈ ءِ سی ای او تیمور داؤد ءَ ھوار انڈسٹری ءِ سروکیں اسٹیک ہولڈر آنی گوما گند ءُ نند کت۔ گند ءُ نند ءِ تہ ءَ صنعتی مقابلہ ، کاروبار ءِ عقلیت ، برآمدات ءِ استحکام ءُ پاکستان ءِ صنعتی شوبگ ءِ دیم ءَ اوشتاتگیں چیلنج آنی سر ءَ دلگوشی دیگ بوت۔ گند ءُ نند ءِ ساھت ءَ شریکیں مردم آنی نیمگ ءَ ٹیرف اصلاحات، اینٹی ڈمپنگ ڈیوٹی ءُ لاگت ءِ ڈھانچہ ءِ وسیلگ ءَ دمگی صنعت آنی ھاسیں رنگ ءَ پیٹروکیمیکل، پلاسٹک ءُ ایس ایم ای ءِ شوبگ آنی سر ءَ اثر مند بوھگ ءِ سر ءَ ھیال ءُ لیکہ آنی درشان کنگ بوت۔ وفاقی وزیر جام کمال خان ءَ گوشت کہ پاکستان ءِ صنعتی ءُ برآمداتی ماحولیاتی نظام ءَ را دراجیں مدت ءِ مینوفیکچرنگ ءِ دیمروئی ءُ پائیدار صنعتی کاری ءِ وسیلگ ءَ کمک کنگ بہ بیت۔ آئی ءَ گوشت کہ نوکیں صنعت آناں جھان ءِ تک ءَ مقابلہ ءِ برآمد کنوک جوڑ بوھگ ءَ پیسر وھد، بنیاتی ڈھانچگ ءِ دیمروئی، سرمایہ ءِ بحالی ءُ استحکام ءِ ضلورت اِنت۔ وفاقی وزیر ءَ گوشت کہ پولی کلچر ءِ شوبگ ءَ را بدل بوھوکیں اقتصادی حقیقت ءُ جیو پولیٹیکل دیمروئی ءِ رد ءَ رد ءُ بند دیگ بہ بیت۔ آئی ءَ گوشت کہ پاکستان ءِ اقتصادی چاگرد سیکورٹی چیلنج، توان ءِ ھرچ ءُ درچ، امن ءُ ایمنی ءِ جیڈھ ءُ دمگی جیو پولیٹیکل جاور ھال آنی سبب ءَ بازیں دمگی حریف آنی تہ ءَ چہ باز جتا اِنت، ایشی ءَ چہ ایندگر معیشت آنی گوما براہ راست موازنہ کنگ مشکل اِنت۔ شریکیں مردماں غیر رسمی معیشت ءُ ناہمواریں نفاذ ءِ طریقہ کار ءِ ھوالگ ءَ جیڈھ آنی سر ءَ تران کت۔ جام کمال خان ءَ منصفانہ مقابلہ ءَ را دل یکیمی کنگ ءُ رجسٹرڈ صنعت آنی رکھینگ ءِ واستہ مھکمیں نفاذ ءِ میکانزم ءِ سر ءَ زور پر دات کہ آ رسمی معیشت ءِ تہ ءَ کرد پیلو کن اَنت۔ آئی ءَ گوشت کہ پائیدار صنعتی دیمروئی ءِ واستہ متوازن پولی کلچر، یکجاھیں نفاذ ءُ موثر ریگولیٹری نگرانی ءِ ضلورت اِنت۔ گند ءُ نند ءَ جھان ءِ خام مال ءِ نرخ آنی تہ ءَ ردوم، پیداوار ءِ ھرچ ءُ درچ ءُ میاں اوستمانی مارکیٹ ءِ تہ ءَ بدل بوھوکیں حرکیات ءِ سبب ءَ پاکستان ءِ پیٹرو کیمیکل ءُ ڈاؤن اسٹریم صنعت آناں دیم ءَ اتکگیں چیلنج آنی سر ءَ ھم ھیال ریچی کنگ بوت۔ اسٹیک ہولڈرز ءَ پاکستان ءِ آیوکیں صنعتی دیمروئی ءُ برآمدات ءِ تنوع ءِ واستہ ڈاؤن اسٹریم صنعت آنی ھاسیں رنگ ءَ پیٹرو کیمیکلز، پی وی سی، پلاسٹک ءُ ویو ایڈڈ مینوفیکچرنگ ءِ اسٹریٹجک ارزشت ءِ سر ءَ ھاسیں رنگ ءَ زور پر دات۔ جام کمال خان ءَ گوشت کہ جھان ءِ تک ءَ صنعتی دیمروئی ءَ را مرحلہ وار تحفظ ءُ اسٹریٹجک صنعتی شریکداری ءِ وسیلگ ءَ کمک کنگ بوتگ۔ جنوبی کوریا، چین، جاپان ءُ امریکہ ءِ مثال آنی حوالہ ءَ وفاقی وزیر ءَ گوشت کہ پالیسی ءِ یکوئی، سرمایہ کاری ءِ کمک ءُ مارکیٹ ءِ استحکام ءِ وسیلگ ءَ کم کم ءَ مھکمیں ملکی صنعت جوڑ کنگ بنت۔ آئی ءَ برآمدات ءَ را گیش کنگ، مینوفیکچرنگ ءَ را مھکم کنگ، ایس ایم ایز ءِ کمک ءُ پاکستان ءِ دراجیں مدتی اقتصادی لچک ءَ را گہتر کنگ ءِ واستہ عملی، متوازن ءُ پائیدار تجارتی پالیشی آناں جوڑ کنگ ءِ واستہ کاروباری براتی ءُ صنعت ءِ اسٹیک ہولڈر آنی گوما شور ءُ سلاھ ءَ را برجاہ دارگ ءِ وزارت تجارت ءِ جزم ءِ سر ءَ زور پر دات۔