پارلیمانی کارانی وفاقی وزیر ءَ زالبولانی ھلاپ ءَ جرم ءِ ھوالگ ءَ جیڈھ آنی سر ءَ کار کنوکیں پارلیمانی کمیٹی آناں سرجمیں کمک ءِ  دل یکیمی

اسلام آباد۔8مئی  (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ زالبول آنی ھلاپ ءَ جرم آنی ھوالگ ءَ جیڈھ آنی سر ءَ کار کنوکیں پارلیمانی کمیٹی آناں سرجمیں ادارگی کمک ءِ دل یکیمی داتگ۔ جمعہ ءِ روچ ءَ ایوان بالا ءَ تران کنان ءَ آئی ءَ گوشت کہ کجام ھم کمیٹی ءَ چہ کجام ھم وزیر یا سرکاری محکمہ ءَ چہ زانتکاری ءِ لوٹ کنگ ءَ انت حکومت ھرچ وڑیں کمک ءَ کنت۔ آئی ءَ گوشت کہ انصاف ءِ نظام ءَ را مھکم کنگ ءِ کوشست آناں حکومت ءِ نیمگ ءَ سرجمیں رنگ ءَ کمک رس ایت برجاہ بیت۔ گہتریں گورننس ءُ انصاف ءِ وھد ءِ سر ءَ پجاری ءِ واستہ حکومت ءُ پارلیمانی کمیٹی آنی نیام ءَ کمک سک باز المی انت۔ آئی ءَ دل یکیمی دات کہ اے ھوالگ ءَ ھمک رنگ ءِ المی ئیں گامگیج چست کنگ بیت۔ ایشی ءَ چہ پیسر سینیٹرز ءَ زالبول آنی ھلاپ ءَ جرم ءِ کیس آنی تہ ءَ سزا ءِ شرح ءَ را گیش کنگ ءِ واستہ گیش ٹھوس گامگیج آنی ضلورت ءِ سر ءَ زور پر دات۔ سینیٹر شیری رحمان ءَ چیئرمین ءُ ڈپٹی چیئرمین سینیٹ ءِ نابودی ءِ وھد ءَ ایوان ءِ کارروائی ءِ سروکی کنان ءَ سینیٹ ءِ سیکرٹری ءَ را ہدایت کت آئی ءَ ہدایت کت کہ آ کیس آنی پیشرفت ءِ چار ءُ تپاسی ءَ بہ کن اَنت ءُ پٹ ءُ پول، کیس آنی پراسیکیوشن ءِ ھوالگ ءَ سرجمیں صوبگ آنی نیمگ ءَ چہ سرجمیں رپورٹ آناں بہ زور اَنت۔