بشری بی بی ءِ جیل ءِ رھبندانی رد ءَ علاج کنگ بوھگ ءَ اِنت، اگاں گیشتر دوا ءُ درمان ءِ آسراتی ءِ ضلورت اِنت گڑا آمیدگس ءِ پرمان بہ زور اِت، سرجمیں آسراتی دیگ بنت، طارق فضل چوہدری

اسلام آباد۔8مئی  (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ گشتگ کہ بشری بی بی ءِ جیل ءِ رھبندانی رد ءَ علاج کنگ بوھگ ءَ انت اگاں گیش طبی آسراتی ءِ ضلورت انت گڈا آمید گس ءِ پرمان بہ زور انت سرجمیں آسراتی دیگ بنت آئی ءِ علاج ءِ سر ءَ ھچ وڑیں سمجھوتہ نہ بیت۔ جمعہ ءِ روچ ءَ ایوان بالا ءَ لھتیں باسک آنی نیمگ ءَ بشری بی بی ءِ نادراھی ءُ علاج ءِ ھوالگ ءَ چست کتگیں اعتراض ءِ پسو ءَ آئی ءَ گوشت کہ حکومت زالبول آناں احترام ءُ احترام کنت، بشری بیبی عدالتی قبضہ ءَ اِنت، قیدی آناں جیل دستی ءِ چیر دستی ءَ علاج کنگ بیت، وھدے کہ بشری بیبی ءَ را دوا ءُ درمان ءِ جیڑھ بوتگ، زوت علاج ءِ آسراتی دیگ بوتگ۔ طارق فضل چوہدری ءَ گوشت کہ بشری بی بی ءَ را علاج ءِ پجارینگ ءِ سر ءَ ھچ وڑیں سمجھوتہ کنگ نہ بیت، اگاں جیل ءِ دستی ءَ چہ گیش علاج ءِ واستہ آسراتی لوٹ ایت گڈا آمید گس ءِ پرمان بہ زور اِت۔ بیا اِت حکو مت ایشی ءِ سر ءَ عمل کنت۔ ایوان ءَ مشعال یوسفزئی،فوزیہ ارشد،ہمایوں مہمند ءَ اے جیڑہ چست کتگ ءُ سوج داتگ کہ سینیٹ ءِ زالبولیں باسکاں چہ جوڑ بوتگیں ڈل ءَ اڈیالہ جیل ءَ روان دیگ بہ بیت کہ آ جاور ھال ءِ چار ءُ تپاسی ءَ بہ کنت۔