بلوچستان، جھل مگسی ءِ نزیک ءَ بس ءِ وئیل ءَ حکو مت ءَ پٹ ءُ پول ءِ جار جتگ

کوئٹہ۔ 08 مئی (اے پی پی): جھل مگسی ءِ نزیک ءَ خاران ءَ چہ لاڑکانہ ءَ روکیں  ءَ مسافر بس ءِ سر ءَ بوتگیں وئیل ءِ سر ءَ بلوچستان حکو مت ءَ دلپدردی درشان کتگ ۔ وتی بیان ءِ تہ ءَ سر وزیر بلوچستان ءِ سیاسی ءُ رسانکدر ءِ کارانی کمکار شاہد رند ءَ وئیل ءِ تہ ءَ گران بھائیں انسانی جان ءِ بیرانی ءِ سر ءَ دل ءِ تہ ءَ چہ دلپدرد ءُ رنج ءِ درشانی کتگ ءُ آماچیں کھول ءِ گوما ھمدردی ءُ دلپدردی ءِ درشانی کتگ۔ شاہد رند ءَ گوشت کہ حادثہ ءِ تہ ءَ ٹپیگ آناں ترندی ءَ گوں دوا ءُ درمان کمک کنگ بوھگ ءَ اِنت، وھدیکہ گرانیں ٹپیگ آناں الاج ءِ گہتریں آسراتی ءِ واستہ دگہ شھر آنی اسپتال آنی سر ءَ سر کنگ بوتگ اَنت۔ صوبائی حکومت ءَ سیادی داروکیں ضلعی انتظامیہ ءَ را حادثہ ءِ پٹ ءُ پول ءُ سبب آنی پجارینگ ءِ پرمان داتگ ءُ ھمے وھد ءَ جان سلامتی ءِ محکمہ ءَ را ہدایت کتگ کہ آ اے گپ ءَ را دل یکیمی بہ کنت کہ ٹپی آنی علاج ءِ تہ ءَ ھچ وڑیں لاپروائی ءِ اجازت مہ بیت ءُ دستیابیں درستیں وسیلگ آناں کارمرد کنگ بہ بیت۔ شاہد رند ءَ گوشت کہ بلوچستان حکو مت اے گرانیں وھد ءَ آماچیں ھاندان آنی ھمراھی ءَ اوشتاتگ ءُ اے گپ ءَ دل یکیمی کنگ ءَ انت کہ ٹپیگ آناں ھمک رنگ ءِ دوا ءُ درمان ءِ آسراتی دیگ بہ بنت۔