ریڈ کراس و ریڈ کریسنٹ   جھان ءِ بنگپ انسانیت، بنی آدم دوستی  ءُ یکوئی ءِ جوانیں کلوہ اِنت، سید یوسف رضا گیلانی

اسلام آباد۔8مئی  (اے پی پی): سینیٹ ءِ چیئرمین سید یوسف رضا گیلانی ءَ اے سال ءِ جھان ءِ بنگپ ” انسانیت ءِ واستہ یکجاھیں “ریڈ کراس و ریڈ کریسنٹ   ءِ روچ ءِ موہ ءَ انسانیت، بنی آدم دوستی  ءُ جھان ءِ یکوئی ءِ یک جوانیں کلوہ ءِ رنگ ءَ داتگ۔ چیئرمین سینیٹ ءَ وتی کلوہ ءِ تہ ءَ گوشت کہ اے وھد ءَ دگنیا جنگ، قدرتی آفت، انسانی بحران ءُ چاگردی چیلنج آنی دیم ءَ انت، اے رنگیں جاور آنی تہ ءَ انسانیت ءِ واستہ یکجائی ءَ کار کنگ وھد ءِ لوٹ انت۔ آئی ءَ گوشت کہ ریڈ کراس و ریڈ کریسنٹ   ءِ روچ مارا اے سما ءَ دنت کہ تکلیف دہ انسانیت ءِ ھزمت کنگ، جان سلامتی ءِ رکھینگ ءُ زلورت مندیں مردم آنی کمک یکجائی انسانی ذمہ واری اِنت۔ سید یوسف رضا گیلانی ءَ گوشت کہ سرجمیں دگنیا ءَ انسانی کمک ءِ پجاری کنوکیں رضاکار، طبی کارندہ ءُ کمکی ادارگ انسانیت ءِ راستیں امیت انت ءُ گران تریں جاور آنی تہ ءَ ھم ھزمت، قربانی ءُ بے وس ءِ درپشناکیں مثال پیش کنگ ءَ انت۔ آئی ءَ گوشت کہ پاکستان انسان دوستی، وت مہ وتی شرپ ءُ جھان ءِ کمک ءِ سر ءَ ایمان دار ایت ءُ انسانی گہبودی ءِ واستہ ھمک جوانیں کوشست ءِ ھمراہداری ءَ برجاہ دار ایت۔ چیئرمین سینیٹ ءَ میاں اوستمانی براتی ءَ را زور پر دات کہ آ انسانی جان سلامتی ءِ رکھینگ، امن، رواداری ءُ یکے دومی ءِ کمک ءِ دیمروئی ءِ ھاترا یکجائی گامگیج بہ زور اَنت تانکہ دگنیا ءَ را گیش ایمن ءُ انسانی جوڑ کنگ بہ بیت۔