نائب مزن وزیر محمد اسحاق ڈار ءَ 11 پاکستانی ءُ 20 ایرانی جانشو آنی واتر کنگ ءِ آسراتی ءِ واستہ سنگاپور ءِ کمک ءِ لوٹ کتگ

اسلام آباد۔8مئی  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ گوشت کہ آئی ءَ سنگاپور ءِ دری کارانی وزیر ویوین بالاکرشنن ءَ گوں فون ءِ سر ءَ گپ ءُ تران کتگ ءُ سنگاپور ءِ کمک ءِ لوٹ کتگ کہ 11 پاکستانی ءُ 20 ایرانی سنگاپور ءِ جہاز ءِ سر ءَ سواریں سنگاپور ءِ جانشو آنی وشھالی ءُ واتر کنگ ءِ آسراتی بہ بیت۔ جمعہ ءِ روچ ءَ سوشل میڈیا پلیٹ فارم ایکس ءِ سر ءَ جاڑی بوتگیں بیان ءِ تہ ءَ نائب مزن وزیر ءَ گوشت کہ ایران ءِ دری کارانی وزیر عباس عراقچی  ءَ گوں ھم گپ ءُ تران کتگ ایشی ءِ سر ءَ نزیکیں رابطہ برجاہ اِنت۔ آئی ءَ گوشت کہ پاکستان ایران ءِ شہری آنی جان سلامتی ءَ چہ پاکستان ءِ وسیلگ ءَ ایران ءَ واتر بوھگ ءِ واستہ ھم کمک کنگ ءَ ساڑی انت۔ نائب مزن وزیر ءَ گوشت کہ ما سنگاپور ءِ نیمگ ءَ داتگیں کمک ءُ کمک ءَ را ساڑات آں ۔ سینیٹر محمد اسحاق ڈار ءَ گوشت کہ پاکستان وزارت ءِ درئی کار ءُ سیادی داروکیں ادارگ آنی وسیلگ ءَ امریکی واکدار ءُ اے دگہ فریق آنی گوما نزیکیں رابطہ ءَ انت تانکہ مئے شہری آنی جان سلامتی، وشھالی ءُ زوت وطن ءَ واتر بوھگ ءَ را دل یکیمی کنگ بہ بیت۔