پی سی بی ءِ چیئرمین محسن نقوی  دو روچی تر ءُ تاب ءَ ڈھاکہ ءَ سر بوتگ

لاہور۔8مئی  (اے پی پی): وفاقی تہی کارانی وزیر ءُ پی سی بی ءِ چیئرمین محسن نقوی دو روچی تر ءُ تاب ءِ واستہ بنگلہ دیش ءِ بنجاھی شہر ڈھاکہ ءَ سر بوتگ، اودا آئی ءَ را وش آتک کنگ بوتگ۔ پی سی بی ءِ جارکش ءِ رد ءَ ڈھاکہ ءِ بالی پٹ ءَ آئی ءَ را بنگلہ دیش ءِ دری کارانی سیکرٹری اسد عالم صائم، داخلہ ءِ سیکرٹری ابونعیم ءُ بنگلہ دیش ءِ کرکٹ بورڈ ءِ چیف ایگزیکٹو آفیسر ناظم الدین ءَ وش آتک کتگ۔ محسن نقوی ءِ تر ءُ تاب ءَ را دو نیمگی سیادی، تہی کار آنی تہ ءَ کمک ءُ پاکستان ءُ بنگلہ دیش ءِ نیام ءَ کرکٹ ءِ سیادی ءِ دیمروئی ءِ رد ءَ ھاسیں رنگ ءَ گشگ بوھگ ءَ اِنت۔ وسیلگ ءِ رد ءَ اے تر ءُ تاب ءِ ساھت ءَ وت مہ وتی دلچسپی ءِ جیڈھ آنی سر ءَ گند ءُ نند ءِ امیت انت، وھدیکہ دوئیں ملک آنی نیام ءَ لیب ءُ گوازی ھاسیں رنگ ءَ کرکٹ ءِ پڑ ءَ کمک ءَ را گیش کنگ ءِ ھوالگ ءَ ھم گپ ءُ تران کنگ بیت۔ محسن نقوی وتی نندگ ءِ وھد ءَ بنگلہ دیش ءِ کارندہ ءُ کرکٹ بورڈ ءِ کارندہ آنی گوما ھاسیں گند ءُ نند کنت۔