سول ملٹری کمک ءُ وھد ءِ سر ءَ ھال ءُ اھوال ءَ چہ پاکستان ءَ را معرکہ حق ءِ وھد ءَ جعلی ھال آنی ھلاپ ءَ جوانیں رنگ ءَ جنگ ءَ کمک رستگ، ھال رسانی ءِ وفاقی وزیر عطا اللہ تارڑ ءَ ویبینار ءَ گوں تران

اسلام آباد۔7مئی  (اے پی پی): وفاقی وزیر ءِ اھوالکاری ءُ نشریات عطا اللہ تارڑ ءَ گوشت کہ سول ءُ فوجی سروکی ءِ نیام ءَ نزیکیں رابطہ، مستندیں اھوالکاری ءِ وھد ءِ سر ءَ شنگ ءُ تالان کنگ ءُ میڈیا ءِ ذمہ واریں کرد ءَ چہ پاکستان ءَ را بھارت ءِ گوما معرکہ حق ءِ وھد ءَ جعلی ھال آنی ھلاپ ءَ جوانیں رنگ ءَ جنگ ءُ وتی بیانیہ ءَ را مھکم کنگ ءَ کمک رستگ۔ آئی ءَ اے گپ وزارت ءِ اطلاعات ءُ نشریات ءِ دری پبلسٹی ونگ ءِ نیمگ ءَ برجم داشتگیں ’’سرحد ءَ چہ دریں راستی‘‘ ءِ سرھال ءَ ویبنار ءَ گوں تران کنان ءَ کت۔ وفاقی وزیر برائے اطلاعات ءَ گوشت کہ گوستگیں سال ءِ کش ءُ چیل ءِ وھد ءَ حکومت ءَ درستیں دستیابیں وسیلگ آناں کارمرد کتگ تانکہ ھمگرنچیں دمگ آنی تہ ءَ راست ءُ مستندیں اھوال آناں وھد ءِ سر ءَ سر کنگ بہ بیت۔ آئی ءَ گوشت کہ جاور ھال سک ترندی ءَ گوں بدل بوھگ ءَ اَنت ءُ زانتکاری ءِ روانی ھم سک باز اِنت پمیشکا مارا وتی سرجمیں وسیلگ کارمرد کنگی بوتگ اَنت نہ ایوک ءَ زانتکاری آنی پٹ ءُ پول ءِ واستہ بلکیں اے گپ ءِ سر ءَ دل یکیمی کنگ بوتگ کہ راستیں زانتکاری وھد ءِ سر ءَ راستیں حلقہ آناں سر بہ بنت۔ آئی ءَ گوشت کہ گوستگیں سال ءَ سیم سر ءِ کش ءُ چیل ءِ وھد ءَ وزارت ءِ اھوال ءُ نشریات ءِ سرجمیں محکمہ ءُ ڈویژن آناں یک جوانیں پسو ءُ مستندیں اھوال ءِ بے رکاوٹیں پھجاری ءَ را دل یکیمی کنگ ءِ واستہ متحرک کنگ بوتگ۔ آئی ءَ گوشت کہ ردیں ھال ءُ اھوال آنی ھلاپ ءَ جوانیں رنگ ءَ جنگ ءِ تہ ءَ پاکستان ءِ سوبمندی ءِ یک مزنیں سبب سول ءُ فوجی سروکی ءِ نیام ءَ مھکمیں ھمگرنچی ءُ وزارت ءِ ھال ءُ اھوال ءُ نشریات ءِ نیام ءَ نزیکیں ھمگرنچی اِنت۔ آئی ءَ گیش کرتگ کہ مئے کرّا سک باز کارآمد ءُ منظمیں انفارمیشن سسٹم بوتگ ءُ ما رسانکدر ءَ را وھد ءِ سر ءَ راستیں ھال ءُ اھوال سر کنگ ءَ ایں ۔ وفاقی وزیر ءَ تناؤ ءِ وھد ءَ پاکستان ءِ میڈیا ءُ سوشل میڈیا کارمرد کنوک آناں زمہ واری ءِ درشان کنگ ءُ یکوئی ءِ درشان کنگ ءَ ستا دات۔ عطا اللہ تارڑ ءَ گوشت کہ الس ءَ ھوار توامیں بھر زوری آنی نیام ءَ سرجمیں یکوئی بوتگ، سرجمیں راج سلاہ بندیں اُرد ءُ حکومت ءِ گوما اوشتاتگ۔ آئی ءَ گوشت کہ راجی تک ءَ یکجائی پسو ءَ پاکستان ءَ را ملکی ءُ جھان ءِ تک ءَ جوانیں رنگ ءَ وتی بیانیہ ءَ را مھکم کنگ ءَ کمک رستگ۔ وفاقی وزیر ءَ گوشت کہ یکوئی ءُ یکوئی ءِ مزنیں مثال است انت ایشی ءِ سبب ءَ ما وتی بیانیہ ءَ را بنجاہی ءُ جھان ءِ تک ءَ جوانیں رنگ ءَ پیش کنگ ءَ سوبین بوتگیں ۔ وفاقی وزیر ءَ گوشت کہ ھما زانتکاری کہ پجاری کنگ بوھگ ءَ اِنت آ مستند، راست ءُ راستی آنی سر ءَ بنیات اِنت، ایشی ءِ سبب ءَ پاکستان مھکم تر دیم ءَ اتکگ وھدیکہ مخالفیں نیمگ ءَ را موثر جارکش ءُ میاں اوستمانی میڈیا ءَ را موثر رسائی ءَ چہ زبھر کنگ بوتگ۔ عطا اللہ تارڑ ءَ گوشت کہ تناؤ ءِ جاور ھال آنی تہ ءَ سوبمندی ءِ واستہ توامیں سیادی داروکیں فریق آنی نیام ءَ سرجمیں ھمگرنچی ءُ کمک ءِ سر ءَ بندوک اِنت وھدیکہ موزوں پلیٹ فارم ءِ وسیلگ ءَ راستیں ھال ءُ اھوال آنی وھد ءُ پاس ءِ سر ءَ شنگ ءُ تالان کنگ ھم المی اِنت۔ آئی ءَ گوشت کہ گوستگیں سال ءَ وھدیکہ بھارت ءَ پاکستان ءِ سر ءَ اُرش کت گڈا ما بنجاہی ٹی وی چینل ءُ سوشل میڈیا پلیٹ فارم آناں براہ راست سرپدی دیگ ءِ وھد ءَ نیم کلاک ءِ تہ ءَ میاں اوستمانی میڈیا ءَ وتی موقف پیش کت۔ آئی ایس پی آر ءِ موثر ادارہ جاتی کمک ءُ کمک ءَ گوں بروقت زانتکاری ءِ رسگ ممکن بوتگ۔ وفاقی وزیر ءَ گوشت کہ پاکستان ءَ فیکٹ چیکنگ فورم ءُ ویریفیکیشن سسٹم ھم جوڑ کتگ ایشی ءَ جعلی ھال ءُ ردیں ھال آنی گر ءُ دار ءَ مزنیں کردے پیلو کتگ۔ وفاقی وزیر ءَ گوشت کہ پاکستان ءِ اولی ڈیجیٹل کمیونیکیشن ڈیپارٹمنٹ ءِ جوڑیشت ءَ چہ ملک ءِ ردیں ھال آنی چیلنجز آنی گوما گر ءُ چیل بوھگ ءِ توانائی ءَ را مزنیں کساسے ءَ گہتری رستگ۔ آئی ءَ گوشت کہ مئے کرّا ھما وسیلہ ءُ نظام ھست اَنت، وھدے ما اے نظام آناں کارمرد کُت گڑا ما مزنیں سوبمندی یے ءَ گوں سوبمند بوتگیں۔