مئے راجی راجدپتر ءِ تہا راستی ءِ جہد یک فیصلہ کنوکیں بابے ،  گپ ءُ تران ءُ سفارتکاری ءِ ھمراھی ءَ انصاف ءُ یکے دومی ءِ احترام ءِ بنیاد ءَ جیڑھانی گیش ءُ گیوار ءِ سر ءَ باور کن ایں،  نائب مزن وزیر ءُ دری کارانی وزیر ءِ نیمگ ءَ چہ کلوہ

اسلام آباد۔7مئی  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ گوشت کہ راستی ءِ جہد ءُ کوشست مئے راجی راجدپتر ءِ یک ٹہینوکیں بابے ۔ وھدے کہ راج یکمشت بہ بیت دنیا ءِ ھچ طاقت آئی ءِ مڈّی ءَ لرزینت نہ کنت۔ پاکستان خطہ ءِ تہا امن ءُ ایمنی ءِ دیمروئی ءِ واستہ وتی عزم ءِ سرا سدک انت۔ ما گپ ءُ تران ءُ سفارتکاری ءِ ھمراھی ءَ انصاف ءُ یکے دومی ءِ احترام ءِ بنیاد ءَ جیڑھانی گیش ءُ گیوار ءِ سر ءَ باور کن ایں ۔ مھروانیں وطن ءِ ھلاپ ءَ ھرچ وڑیں ھترہ ءِ پسو راجی یکوئی، بے مٹیں جزم ءُ ھرچ دستیابیں زور ءِ وسیلگ ءَ دیگ بیت۔ پاکستان ءَ دُگنیا ءَ را پدریں کلوہ داتگ کہ آ وتی وت واجہی ءِ سر ءَ سمجھوتہ نہ کنت۔ اے ھیالانی درشانی نائب مزن وزیر سینیٹر محمد اسحاق ڈار ءَ پنچ شمبے ءِ روچ ءَ راستی ءِ جہد ءِ یک سال ءِ سرجم بوھگ ءِ ھوالگ ءَ وتی کلوہ ءِ تہ ءَ کت۔ سینیٹر محمد اسحاق ڈار ءَ گوشت کہ مرچی ما حق ءِ جنگ ءِ اولی سالروچ ءِ درگت ءَ دارگ ءَ ایں کہ اے مئے راجی راجدپتر ءِ تہ ءَ یک ٹھینگیں بابے ۔ اے ایوک ءَ کیلنڈر ءِ سرا نبشتگیں تاریخے نہ اِنت بلکیں ہمت، یکوئی ءُ بے مٹیں جزم ءِ یک مہروانیں کسہے کہ ایشی ءِ سرا ہر سپاہی مھکم بوتگ ءُ سرجمیں راج آئی ءِ کش ءَ اوشتاتگ۔ اے موہ ءِ سر ءَ نائب مزن وزیر ءَ سلاہ بندیں اُرد ءِ بہادریں افسر ءُ مردین آناں راج ءِ زھگ ءُ جنک آناں سلام دات کہ ایشاں نظم ءُ ضبط، دلیری ءُ جزم ءِ گوما مھروانیں وطن ءِ دفاع کتگ۔ محمد اسحاق ڈار ءَ گوشت کہ پاکستان ءِ الس ءَ را ھم یات گر آں، ایشانی یکجہتی ءَ مئے مستریں طاقت ثابت کتگ۔ آئی ءَ گوشت کہ راج یک مُشت بیت گڈا دگنیا ءِ کجام ھم طاقت آئی ءِ مڈی ءَ لہڑ ءَ دات نہ کنت۔ نائب مزن وزیر ءَ گوشت کہ گوستگیں سال ءَ وھدے مئے سر ءَ زوراکی کنگ بوت گڑا پاکستان ءَ مزن وزیر محمد شہباز شریف ءِ سروکی ءَ صبر ءُ اوپار ءُ اصولی موقف ءِ گوما پسو دات۔ مئے پسو متوازن، ذمہ وار ءُ سک باز کارآمد ات، جذبات ءِ بدل ءَ اصول ءُ راجی مفاد ءِ بنیاد ءَ ات۔ نائب مزن وزیر ءَ گوشت کہ آپریشن بنیان مرصوص  ایوک ءَ فوجی سوبمندی نہ بوتگ، اقوام متحدہ ءِ منشور ءِ رد ءَ پاکستان ءَ ھما وھد ءِ جنرل سید عاصم منیر ءُ ھما وھد ءِ فیلڈ مارشل ءُ چیف آف ڈیفنس فورسز ءِ سروکی ءَ یک دلجمیں، فیصلہ کنوکیں ءُ تناسبی ٹارگٹ ءِ رد ءَ رد ءُ بند داتگ کہ ایشی ءِ تہ ءَ بھارت ءِ وتی وتی ھک ءِ کارمرد کنگ بوتگ۔ بس. نائب مزن وزیر ءَ گوشت کہ ایئر چیف مارشل زہیر احمد بابر سادھو ءِ سروکی ءَ پاک فضائیہ ءَ مزنیں آپریشنل سوبمندی رستگ، ایشی ءِ تہ ءَ بازیں بھارتی جنگی بالی گراب آنی سر ءَ تیر گواری کنگ ءُ ھاسیں فوجی ٹارگٹ آناں جوانیں رنگ ءَ لگتمال کنگ ھوار اِنت۔ آئی ءَ گوشت کہ اے راستی سرجمی ءَ دستاویز ءُ رد کنگ نہ بنت وھدیکہ پاک بحریہ ایڈمرل نوید اشرف ءِ سروکی ءَ ھرچ وڑیں بحریہ ءِ زوراکی ءِ گر ءُ دار ءِ واستہ سرجمی ءَ تیار بوتگ۔ اے متوازن ءُ جزمیں پسو ءِ وسیلگ ءَ پاکستان ءَ دگنیا ءَ را یک ھاسیں ءُ دوٹوکیں پیغام دات کہ پاکستان امن ءِ واھشت مند اِنت بلے وتی عزت، وت واجہی، سرزمین ءِ یکوئی ءُ سیاسی آجوئی ءِ سر ءَ کدی ھم سمجھوتہ نہ کنت۔ نائب مزن وزیر محمد اسحاق ڈار ءَ گوشت کہ اے نازرکیں بھر ءِ تہ ءَ من دری کارانی کارگس ءَ وتی ھمکار آنی گوما فعال سفارتی ھمگرنچی ءَ را برجاہ داشتگ ءُ دو نیمگی ءُ میاں اوستمانی تک ءَ پاکستان ءِ موقف ءَ را موثر رنگ ءَ پیش کتگ ایشی ءَ چہ پاکستان ءِ قانونی، ذمہ وار ءُ محتاط ءِ ھوالگ ءَ جھان ءِ تک ءَ جوانیں سرپدی پیداک بوتگ۔ آئی ءَ گوشت کہ گوستگیں سال ءِ وئیل مارا اے گپ ءِ ھم یات ءَ دئینت کہ جنوبی ایشیا ءَ دائمی امن ھما وھد ءَ ممکن نہ اِنت کہ بنیاتی جیڈھ ھاسیں رنگ ءَ جموں ءُ کشمیر ءِ جیڈھ اقوام متحدہ ءِ سلامتی کونسل ءِ قرارداد ءُ کشمیری الس ءِ واھشت آنی رد ءَ منصفانہ رنگ ءَ گیش ءُ گیوار کنگ مہ بیت۔ آئی ءَ گوشت کہ پاکستان خطہ ءَ امن ءُ ایمنی ءِ دیمروئی ءِ واستہ وتی جزم ءِ سر ءَ جڑی آں ۔ ما گپ ءُ تران ءُ سفارتکاری ءِ ھوار انصاف ءُ یکے دومی ءِ احترام ءِ بنیاد ءَ جیڑھانی گیش ءُ گیوار ءِ سر ءَ ھم باور کن ایں ۔ بلے ما وتی اے جزم ءَ ھم پدا پدر کنیں کہ مھروانیں وطن ءِ ھلاپ ءَ ھرچ وڑیں ھترہ ءِ پسو راجی یکوئی، بے مٹیں جزم ءُ ھرچ دستیابیں زور ءِ وسیلگ ءَ دیگ بیت۔ نائب مزن وزیر ءُ درئی کارانی وزیر ءَ گوشت کہ حق ءِ جنگ ءِ اے سالروچ نہ ایوک ءَ گوست ءِ یات ءَ دارگ ءِ موہ اِنت بلکیں آیوکیں وھد ءِ رھبند ءِ ٹھینگ ءِ وعدہ ھم اِنت، آیوکیں وھد کہ ایشی ءِ تہ ءَ پاکستان نہ ایوک ءَ دفاع ءِ تہ ءَ مھکم اِنت بلکیں معیشت، وانگ ءُ زانگ ءُ ایندگر چاگردی شوبگ آنی تہ ءَ ھم مھکم اِنت، آیوکیں وھد کہ ایشی ءِ تہ ءَ پاکستان ءِ دیمروئی ءِ تہ ءَ مئے ورنائیں نسل ءِ تہ ءَ گیشیں دلجمی ءُ مھکمی ءِ تہ ءَ ھوار اِنت۔ بین الاقوامی برادری ءَ گوں شان ءُ شرپ ءَ دیم ءَ برگ ءَ انت۔ آئی ءَ گوشت کہ مرچی بیا اِت کہ ما وتی اجتماعی عہد ءَ نوک بہ کن اِیں، یکجاھ بوھگ ءِ عہد، تپاکی ءَ را رد کنگ ءِ عہد ءُ یک پرامن، وشھال ءُ مھکمیں پاکستان ءِ واستہ مدام کار کنگ ءِ عہد پرچا کہ حق ءِ جنگ ءِ روح ایوک ءَ مئے راجدپتر ءَ نہ اِنت بلکیں مئے تہ ءَ ھمک مردم  ءِ تہ ءَ زندگ اِنت ءُ انشاءاللہ زندگ بہ بیت۔