فلپ مورس انٹرنیشنل ڈل ءَ وفاقی وزیر برائے کامرس ءَ گوں گند ءُ نند کتگ، تمباکو ءِ شوبگ ءَ دیم ءَ اتکگیں چیلنج آنی سر ءَ گپ ءُ تران

اسلام آباد۔7مئی  (اے پی پی): فلپ مورس انٹرنیشنل (سی آئی ایس اینڈ سینٹرل ایشیا) ءِ صدر مارکو ماریوٹی ءِ سروکی ءَ ڈل ءَ وفاقی وزیر تجارت جام کمال خان ءَ گوں گند ءُ نند کت۔ گند ءُ نند ءَ پاکستان ءَ تمباکو ءِ شوبگ ءَ را دیم ءَ اتکگیں کلیدی چیلنج آنی سر ءَ ھیال ریچی کنگ بوت، ایشی ءِ تہ ءَ ناجائزیں بیپار، ریگولیٹری فرق ءُ برآمد ءِ آسراتی ھوار اَنت۔ گند ءُ نند ءِ ساھت ءَ ڈل ءَ وفاقی وزیر برائے تجارت ءَ را پاکستان ءَ ناجائزیں سگریٹ ءِ تجارت ءِ تہ ءَ گیشی ءِ رفتار ءِ بابت ءَ سرپدی دات ءُ گوشت کہ مارکیٹ ءِ یک مزنیں بھرے بے دستاویز اِنت ایشی ءِ آسر ءَ سالانہ 350ارب کلدار ءِ نزیک ءَ آمدنی ءِ تاوان بیت۔ ٹیکس ءِ ادا کنگ ءَ ابید 45 ءَ چہ 47 ارب سگریٹ ءِ بہا کنگ بوھگ ءَ اِنت کہ ایشی ءَ چہ رسمی شعبہ ءِ دیمروئی ءَ را تاوان رسیت۔ ڈل ءَ اے گپ ءِ سر ءَ دلگوش گور کت کہ اگاں رجسٹرڈ کمپنی یک سختیں ریگولیٹری فریم ورک ءِ چیر دستی ءَ کار کن اَنت بلے غیر دستاویزی پیداوار ءُ معاہدہ آنی ناجائز کارمرد کنگ ءَ چہ غیر رسمی عناصر ءَ را خام مال ءِ رسائی ءُ غیر قانونی مینوفیکچرنگ ءَ را گیش کنگ ءِ اہل جوڑ کنت۔ شریکاں زور دات کہ اے جیڈھ ٹیکس ءِ سرا چہ دیم ءَ روت، ایشی ءِ تہا غیر دستاویزی آمدنی، منی لانڈرنگ ءُ گیشیں معاشی تحریفات ءِ جیڑہ ھوار انت۔ ڈل ءَ زور پر دات کہ کانود، ٹیکس اسٹیمپ ءِ نظام ءُ ضوابط پیسر ءَ چہ است انت بلے آہانی سرا عمل کنگ نہ بوہگ ءَ انت۔ گند ءُ نند ءَ پاکستان تمباکو بورڈ ءِ کرد ءِ سر ءَ ھم ھیال ریچی کنگ بوت۔ دیوان ءَ میاں اوستمانی مالیاتی فنڈ پروگرام ءِ چیر دستی ءَ پاکستان ءِ وعدہ آں چہ پیداکیں پالیسی چیلنج آنی سر ءَ ھم چار ءُ تپاسی کنگ بوت، ھاسیں رنگ ءَ درآمد ءِ بندش آناں کم کم ءَ ھلاس کنگ ءُ تجارتی ءُ صنعتی درآمد کنوک آنی گوما منصفانہ سلوک ءِ ھوالگ ءَ ھم چار ءُ تپاسی کنگ بوت۔