نائب مزن وزیر سینیٹر محمد اسحاق ڈار ءَ دیوان ءِ سروکی کت، گیشیں بچت کنگ  ءِ گامگیج آنی سر ءَ چار ءُ تپاسی

اسلام آباد۔6مئی  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءِ سروکی ءَ چار شمبے ءِ روچ ءَ رکھینگ ءُ گیشیں بچت کنگ  ءِ گامگیج آنی نگرانی ءُ عملدرآمد ءِ کمیٹی ءِ دیوان برجم دارگ بوت۔ نائب مزن وزیر کارگس ءِ نیمگ ءَ جاڑی بوتگیں بیان ءِ رد ءَ نائب مزن وزیر ءَ حکومت ءِ نیمگ ءَ پیسر ءَ چہ جار جتگیں جتا جتائیں بچت کنگ  ءِ گامگیج آنی استیں جاور ھال آنی سر ءَ چار ءُ تپاسی کت۔ آئی ءَ گوشت کہ چیاکہ ایندھن ءِ میاں اوستمانی نرخ انگت ءَ سک باز انت، حکومت ءَ ھوار ھرکس ءِ راجی فرض انت کہ آ بچت کنگ  ءِ گامگیج آناں راستیں رنگ ءَ عمل بہ کنت۔ آئی ءَ گوشت کہ ھما ھاسیں ءُ ترندیں کار آنی واستہ کہ اے گامگیج آنی سبب ءَ آماچ بنت آھاں کابینہ کمیٹی ءِ نگرانی ءُ رکھینگ ءُ گیشیں بچت کنگ  ءِ گامگیج آنی سر ءَ عمل درآمد ءِ واستہ گامگیج آنی واستہ ھیال ءُ لیکہ ءِ تہ ءَ آرگ بوت کنت تانکہ حکومت ءِ المی کار آناں ھچ وڑیں تاوان مہ رسیت۔ گند ءُ نند ءَ پٹرولیم، انفارمیشن ٹیکنالوجی ءُ ٹیلی کام، موسمیاتی بدلی، وزیر مملکت ءِ خزانہ، کابینہ ءِ سیکرٹری، اسٹیبلشمنٹ، کامرس، پٹرولیم، دود ءُ ربیدگ ءُ ورثہ ءِ وزیر ءُ اے دگہ ہمگرنچیں اسٹیک ہولڈر آنی نیمگ ءَ بہر زورگ بوتگ۔