وزارت اطلاعات و نشریات ءِ درائیں ایکسٹرنل پبلسٹی ونگ ءِ نیمگ ءَ برجم داشتگیں ”سیم سراں چہ دریں راستی“ ءِ سرھال ءَ ویبنار ءَ جعلی ھالانی ھترہ آنی سر ءَ چمشانک دیگ بوتگ

اسلام آباد۔6مئی  (اے پی پی): وزارت ءِ اطلاعات ءُ نشریات ءِ درائیں پبلسٹی ونگ ءِ نیمگ ءَ ”سرحد ءَ چہ دریں راستی: تنازعہ ءِ جاور ھال آنی تہ ءَ جعلی ھال آنی ھلاپ ءَ جنگ“ ءِ سرھال ءَ ویبنار ءِ برجم دارگ بوتگ کہ ایشی ءِ تہ ءَ گشتانک دیوکاں ردیں ھال آنی جتا جتائیں ھترہ آناں پجار کتگ ءُ جہانی تک ءَ ھمگرنچیں گامگیج آناں رکھینگ ءِ ضلورت ءِ سر ءَ زور پر داتگ۔ ویبینار ءِ بنگیج گوں قرآن پاک ءِ تلاوت ءَ بوتگ۔ ویبینار ءَ یونیورسٹی، میڈیا، سفارتی مشن ءُ سول سوسائٹی ءِ مردماں بہر زرتگ ءُ بحران ءِ جاور ھال آنی تہ ءَ دروگیں ھال آنی اثر ءِ چار ءُ تپاسی کنگ بوتگ۔ شریکیں مردمانی وش آتک کنان ءَ درائیں پبلسٹی ونگ ءِ ایگزیکٹو ڈائریکٹر جنرل رئیسہ عادل ءَ گوشت کہ اے گپ ءُ تران ءِ مول ءُ مراد تنازعہ ءِ جاور ھال آنی تہ ءَ ردیں ھال آنی گیش بوھوکیں چیلنج ءَ را گیش ءُ گیوار کنگ اِنت۔ آئی ءَ گوشت کہ نا تصدیق ءُ گمراہ کنوکیں ھال آنی شنگ ءُ تالان کنگ ءَ چہ الس ءِ اعتماد ءَ را تاوان رسیت ءُ استحکام ءِ واستہ کوشست آناں پیچیدہ کنت۔ آئی ءَ اے گپ ءِ سر ءَ زور پر دات کہ اے جیڈھ آنی گیواری ءُ راستیں ھال آنی دیمروئی ءِ واستہ ادارگ ءُ ملک آنی نیام ءَ کمک المی اِنت۔ آئی ءَ گوشت کہ ویبینار ءَ چہ ماہرین آناں انفارمیشن ٹرینڈز آنی سر ءَ گپ ءُ تران کنگ ءُ رابطہ کاری ءِ تہ ءَ بھروسہ ءِ مھکم کنگ ءِ واستہ عملی سوج پیش کنگ ءِ موہ رستگ، ایشی ءِ تہ ءَ پاکستان ءُ درملک ءِ نامداریں مردم آناں بھر زوری کتگ۔ اے موہ ءِ سر ءَ انسٹی ٹیوٹ آف ریجنل اسٹڈیز ءِ صدر سفیر جوہر سلیم ءَ گوشت کہ استیں انفارمیشن لینڈ اسکیپ ءِ تہ ءَ جعلی ھال آنی جیڈھ ءَ را مرکز ءِ بستار زرتگ۔ آئی ءَ گوشت کہ ڈیجیٹل پلیٹ فارم آنی دیمروئی ءَ چہ من گھڑتیں مواد ءِ شنگ ءُ تالان کنگ ءَ را گیشی بوتگ ایشی ءَ چہ حقیقت ءُ افسانہ ءِ نیام ءَ فرق کنگ مشکل بوتگ۔ آئی ءَ گوشت کہ انٹرنیٹ ءَ چہ اگاں چہ تصدیق بوتگیں زانتکاری آنی رسائی ءَ را گہتر کنگ ءِ اُمیت بوتگ بلے ایشی ءَ چہ تصدیق نہ بوتگیں زانتکاری آنی تہ ءَ ترندیں رنگ ءَ شنگ ءُ تالان کنگ ءِ ھم آسراتی رستگ۔ آئی ءَ گوشت کہ دگنیا ہائبرڈ جنگی حکمت عملی ءِ چیر دستی ءَ ڈس انفارمیشن کمپین آنی تہ ءَ سرمایہ کاری کنگ ءَ اِنت۔ آئی ءَ گوستگیں دمگی تناؤ ءِ حوالہ ءَ گوشت کہ جنجال انگت ءَ ایوک ءَ فوجی آپریشن ءَ گوں بندوک نہ اَنت بلکیں موازی روایت آنی جنگ ھم ھمراہ اَنت۔ آئی ءَ گوشت کہ جھان ءِ پڑ ءَ وتی موقف پیش کنوکیں ملک آنی واستہ راستی آنی سر ءَ بنیات ءَ یکجاھیں پیغام رسانی المی اِنت۔ آئی ءَ گوشت کہ اگاں گمراہ کنوکیں مہم تصدیق ءِ لائکیں زانتکاری آنی گوما ھمگرنچ نہ بنت گڈا آ وتی ساکھ ءَ چہ زبھر بنت۔ اے موہ ءِ سر ءَ ڈیجیٹل کمیونیکیشن ڈیپارٹمنٹ ءِ نیمگ ءَ آن لائن ردیں ھال آنی رجحان ءُ دروگیں بیانیہ آنی ھلاپ ءَ جنگ ءِ وسیلگ آنی سر ءَ ھم سرجمیں رنگ ءَ پیش کنگ بوتگ۔ قائداعظم یونیورسٹی ءِ وائس چانسلر ڈاکٹر ظفر نواز جسپال ءَ گوشت کہ معرکہ حق ءِ یک سالے سرجم بوتگ کہ ایشی ءَ چہ واقعہ آنی چار ءُ تپاسی ءِ موہ رس ایت ءُ اے گندگ ءِ موہ رس ایت کہ راجی بیانیہ چون پیش دارگ بوتگ۔ آئی ءَ گوشت کہ اے گپ ءِ چار ءُ تپاسی کنگ المی انت کہ آیا سرکاری ادارگ، پٹ ءُ پولکار ءُ ماہرین آنی نیمگ ءَ پیش کتگیں موقف میاں اوستمانی براتی ءَ سر بوتگ ءُ آیا اے راستی آنی رد ءَ انت۔ آئی ءَ گوشت کہ اپریل 2025 ءِ وئیل آنی تہ ءَ پیسر دمگی جاور ھال آنی سر ءَ جھان ءِ لیکہ چہ ھاسیں روایت آنی رد ءَ جوڑ بوتگ اَنت بلے 22 اپریل ءَ بگر داں 10 مئی ءِ وھد ءِ تہ ءَ بوتگیں دیمروئی ءَ اے لیکہ آنی پدا چار ءُ تپاسی ءَ را مجبور کتگ۔ ڈاکٹر ظفر نواز جسپال ءَ گوشت کہ اے جاور ھال ءَ چہ فوجی دیم پہ دیم ءِ دروشم ءِ تہ ءَ بدلی آناں پدر کتگ ءُ دفاعی ءُ انسداد حکمت عملی آنی کرد ءَ را پدر کتگ۔ میاں اوستمانی پسو ءِ حوالہ ءَ آئی ءَ گوشت کہ جھان ءِ تک ءَ وئیل آناں منگ ءِ انحصار ایش اِنت کہ زانتکاری ءِ پیش کنگ ءُ ارزشت ءِ رنگ ءَ چے رنگ ءَ کنگ بیت۔ آئی ءَ گوشت کہ آسر ءُ بیانیہ آنی جوڑ کنگ ءَ مزنیں طاقت ءُ جھان ءِ ماہرین آنی کرد انگت ءَ المی اِنت۔ آئی ءَ گوشت کہ غیر ریاستی جیڈھ آناں ریاستی تک ءِ دیم پہ دیم بوھگ ءِ نیمگ ءَ رھادگ بوھگ ءَ چہ رابطہ ءُ پالیسی دوئیں پڑ آنی تہ ءَ نوکیں حکمت عملی ءِ ضلورت پیداک بوتگ۔ ایسوسی ایٹ پروفیسر ڈاکٹر سلمی ملک ءَ تنازعہ ءِ رپورٹنگ ءِ تہا ردیں زانتکاری ءُ پروپیگنڈا ءِ کرد ءِ سرا تران کنان ءَ گشتگ کہ اے سئیں عناصر ءَ را ھاسیں رنگ ءَ سرپد بوھگ ءِ ضلورت انت۔ آئی ءَ گْوشتگ کہ ”ردیں ھال“ ءِ بزانت ردیں ھالانی شنگ کنگ اِنت ءُ ”ردیں ھال“ ءِ بزانت دروگیں مواد اِنت کہ پہ زانت ءُ زانگ ءَ گمراہ کنگ ءِ ھاترا تیار کنگ بیت۔ آئی ءِ گشگ ءِ رد ءَ پروپیگنڈا ءِ کارمرز کنگ ءِ مول ءُ مراد ایش اِنت کہ چہ ھاسیں یا دروگیں ھال ءُ اھوالاں راج ءِ رائے ءَ را متاثر کنگ بہ بیت۔ ڈاکٹر سلمہ ملک ءَ گوشت کہ جنجالانی وھد ءَ انفارمیشن وت جنگ ءِ میدان جوڑ بیت۔ آئی ءَ گوشت کہ بیانیہ باز براں گچینی رپورٹنگ ءُ ڈیجیٹل مواد ءِ وسیلگ ءَ جوڑ کنگ بنت کہ آ راجی ءُ جھان ءِ تک ءَ الس ءِ ھیال ءَ را متاثر کنت۔ آئی ءَ گوشت کہ دروگیں مواد ءِ پجارینگ ءُ ذمہ واریں رابطہ کاری ءَ را دل یکیمی کنگ المی اِنت۔ آئی ءَ ھال آنی شنگ کنگ ءَ چہ پیسر تصدیق ءِ عمل ءَ یونیورسٹی ءُ میڈیا ءِ کرد ءِ سر ءَ ھم زور پر دات۔ پاکستان ءَ چینی سفارت خانہ ءِ سیاسی مشیر وانگ شینگ جی ءَ نوکیں انفارمیشن سسٹم ءِ تہا مصنوعی ذہانت ءِ کرد ءِ سرا تران کنان ءَ گشتگ کہ ٹیکنالوجی ءِ دیمروئی ءَ چہ انفارمیشن ءِ پیداوار ءُ شنگ ءُ تالان کنگ ءِ راہ ءُ راہبند بدل بوتگ انت۔ آئی ءَ گوشت کہ مصنوعی ذہانت ءَ مواد ءِ ترمیم ءِ نوکیں رھبند دیم ءَ آؤرتگ اَنت ایشی ءِ تہ ءَ ترمیم کتگیں آڈیو ءُ ویژوئل مواد ھوار اِنت۔ آئی ءِ گشگ ءِ رد ءَ انفارمیشن وار نوکیں بحرانانی یک مشترکہ عنصرے جوڑ بوتگ۔ جہانی رجحانات ءِ حوالہ ءَ آئی ءَ گوشت کہ جیڈھ آنی گوما نوں ڈیجیٹل مہم ھم بندات کنگ بوھگ ءَ انت کہ ایشی ءِ مول ءُ مراد السی رائے ءَ را متاثر کنگ انت۔ آئی ءَ گوشت کہ میڈیا ءِ ادارگ آنی واستہ المی انت کہ آ وتی زمہ واری ءَ پیلو بہ کن انت۔ ذمہ واری ءِ برجاہ دارگ ءِ وھد ءَ تکنیکی بدلی آنی رد ءَ وتی رد ءَ بہ کن اِت۔ آئی ءَ پریس ءِ جھان ءِ آجوئی ءِ روچ ءِ درگت ءَ پاکستانی سروکی ءِ بیان آنی حوالہ ءَ گوشت کہ ٹیکنالوجی ءِ پلیٹ فارم بیانیہ سازی ءِ تہ ءَ مزنیں کردے پیلو کن اَنت۔ شریکاں اے گپ ءِ سر ءَ تپاک کت کہ ردیں ھال امن ءِ کوشست ءُ لس مھلوک ءِ سرپدی ءِ ھاترا ھترہ جوڑ بوت کنت۔ آہاں اے جیڈھ ءِ گیواری ءِ ھاتر ءَ حکومت، رسانکدر ءِ ادارگ ءُ یونیورسٹی آنی نیام ءَ مھکمیں کمک ءِ لوٹ کتگ۔ ویبنار ءِ گڈسرا پالیسی ءِ گامگیج، ڈیجیٹل سواد ءُ تنازعہ ءِ جاوراں ردیں زانتکاری ءِ ھلاپ ءَ میاں اوستمانی کمک ءِ سر ءَ گپ ءُ تران کنگ بوت۔