مزن وزیر شہباز شریف ءَ امریکی صدر ءِ آبنائے ہرمز ءَ ”پروجیکٹ فریڈم“ ءِ ادارُکی مھتل کنگ ءِ جار ءِ وش اتک کتگ

اسلام آباد۔6مئی  (اے پی پی): مزن وزیر محمد شہباز شریف ءَ امریکی صدر ڈونلڈ ٹرمپ ءِ آبنائے ہرمز ءَ ’’پروجیکٹ فریڈم‘‘ ءِ ادارُکی معطل کنگ ءِ جار ءَ را وش آتک کتگ ءُ امیت ءِ درشانی کتگ کہ اے دیمروئی ءَ چہ یک دائمی معاہدے ءِ راہ پچ بیت کہ ایشی ءَ چہ دمگ ءَ دائمی امن ءُ ایمنی ءِ ضمانت دیگ بیت۔ چار شمبے ءِ روچ ءَ ایکس ءِ سر ءَ وتی پیغام ءِ تہ ءَ مزن وزیر محمد شہباز شریف ءَ گوشت کہ آ صدر ڈونلڈ ٹرمپ ءِ منت وار آں کہ آئی ءَ آبنائے ہرمز ءَ ’’پروجیکٹ فریڈم‘‘ ءِ ادارُکی مھتل کنگ ءِ جرات مندیں سروکی ءُ وھد ءِ سر ءَ جار جتگ۔ مزن وزیر ءَ گوشت کہ پاکستان ءُ ایندگر براتیں ملک آنی ھاسیں رنگ ءَ سعودی عرب ءُ منی گران بھائیں برات ولی عہد ءُ مزن وزیر محمد بن سلمان ءِ لوٹ ءِ سر ءَ صدر ڈونلڈ ٹرمپ ءِ جوانیں ءُ سخاوت مندیں پسو اے گرانیں وھد ءَ خطہ ءَ امن، برجائی ءُ مفاہمت ءِ دیمروئی ءَ سک باز کمک کنت۔ مزن وزیر ءَ گوشت کہ پاکستان گر ءُ دار، گپ ءُ تران ءُ سفارتکاری ئِ وسیلگ ءَ جیڈھ آناں امن ئِ گیواری ئِ دیمروئی ئِ واستہ ھمک رنگ ئِ کوشست آناں وتی سرجمیں کمک ئِ برجاہ دارگ ئِ واستہ جزم ءَ اِنت۔ ما امیت داریں کہ انوگیں پیشرفت یک پائیداریں معاہدے ءِ راہ ءَ پچ کنت کہ دمگ ءُ چہ ایشی ءَ دریں دمگاں دائمی امن ءُ ایمنی ءِ ضمانت ءَ دنت۔\932