پاکستان ءِ دمگ ءِ تہا استحکام ءِ دیمروئی ءِ سرا دلگوشی جہانی تجارت، سرمایہ کاری ءِ روانی ءُ اقتصادی رابطہ ءِ ھاتر ءَ المی انت، وفاقی وزیر تجارت

اسلام آباد۔6مئی  (اے پی پی): وفاقی وزیر برائے تجارت جام کمال خان ءَ گوشت کہ پاکستان ءِ دلگوشی دمگ ءَ استحکام ءِ دیمروئی ءِ سر ءَ انت کہ اے جھان ءِ تجارت، سرمایہ کاری ءِ روانی ءُ اقتصادی رابطہ ءِ واستہ المی انت۔ آئی ءَ اے ھیالانی درشانی چار شمبے ءِ روچ ءَ امریکہ ءِ نائب تجارتی نمائندہ ریک سوئٹزر ءِ گوما ورچوئل گند ءُ نند ءَ کت۔ گند ءُ نند ءِ تہ ءَ دو نیمگی تجارتی سیادی، جاری گپ ءُ تران ءَ را دیم ءَ برگ ءُ دوئیں ملک آنی نیام ءَ اقتصادی کمک ءِ نوکیں کشک آنی شوھازگ ءِ سر ءَ ھیال ریچی کنگ بوت۔ ریک سوئٹزر ءَ دمگی استحکام ءِ دیمروئی ءِ تہ ءَ پاکستان ءِ جوڑیشت ءِ کرد ءَ را ساڑات ءُ گوستگیں دمگی دیمروئی آنی وھد ءَ گپ ءُ تران ءِ آسراتی ءِ تہ ءَ پاکستان ءِ مخلصیں کوشست آناں من اِت۔ آئی ءَ گوشت کہ اے رنگیں شریکداری جھان ءِ تجارت ءُ اقتصادی کمک ءِ واستہ جوانیں چاگرد ءِ کمک ءَ کنت۔ وفاقی وزیر جام کمال خان ءَ دمگی امن ءِ کوشست آنی تہ ءَ پاکستان ءِ جوڑیشت ءِ کرد ءِ امریکہ ءِ منگ ءِ توسیپ کت ءُ ذمہ واریں جھان ءِ ھوار بوھگ ءُ ثالثی ءِ واستہ پاکستان ءِ عزم ءِ یک رندے پدا گوشت۔ آئی ءَ گوشت کہ پاکستان خطہ ءِ تہ برجائی ءِ دیمروئی ءِ سر ءَ دلگوشی دیگ ءَ اِنت کہ جھان ءِ تجارت، سرمایہ کاری ءِ بہاؤ ءُ اقتصادی رابطہ ءِ واستہ المی اِنت۔ گند ءُ نند ءِ ساھت ءَ دوئیں نیمگ ءَ دو نیمگی تجارت ءِ دیمروئی ءِ سر ءَ تران کت، ایشی ءِ تہ ءَ یک متوازن ءُ وت مہ وتی فائدگ مندیں تجارتی معاہدے ءِ ھاترا ھاسیں دلگوشی دیگ بوت۔ وفاقی وزیر ءَ کلیدی شوبگ آنی تہ ءَ امریکا ءِ گوما تجارت ءِ تہ ءَ گیشی ءِ واستہ پاکستان ءِ دلچسپی ءِ سر ءَ زور پر دات۔ امریکی نیمگ ءَ دو نیمگی تجارت ءَ را گیش مھکم کنگ ءِ گنجائش ءَ را من اِتگ ءُ برجاھیں گپ ءُ تران ءَ را دیم ءَ برگ ءِ واستہ پاکستان ءِ گوما کار کنگ ءِ واھشت ءِ یک رندے پدا گوشتگ۔ دوئیں نیمگاں اے گپ ءِ سر ءَ تپاک کت کہ یک دومی ءَ را فائدگ مند ءُ دیمروئی ءِ ھاتر ءَ تجارتی فریم ورک ءِ وسیلگ ءَ پائیدار اقتصادی ھوار بوھگ ءِ تہ ءَ کمک رسیت۔ ڈپٹی یو ایس ٹی آر ریک سوئٹزر ءَ گپ ءُ تران ءِ تہ ءَ جوڑیشت ءِ رھبند ءِ توسیپ کنان ءَ گوشت کہ ما پاکستان ءِ گوما وتی ھوار بوھگ ءِ ارزشت ءَ داریں ءُ یک متوازن ءُ دوئیں نیمگ ءَ چہ نپ مندیں تجارتی سیادی ءَ را دیم ءَ برگ ءِ واستہ برجاھیں کمک ءِ ودار ءَ ایں ۔ دیوان ءَ ڈیجیٹل ٹریڈ ءُ ریگولیٹری کمک ءَ ھوار کلیدی شوبگ آنی سر ءَ ھم گپ ءُ تران کنگ بوتگ۔ دوئیں نیمگاں دیمروئی ءِ آسراتی ءُ معاہدے ءِ زوتیں آسر ءِ نیمگ ءَ رفتار ءِ برجائی ءِ واستہ تکنیکی تک ءِ برجاھیں ھوار بوھگ ءِ ارزشت ءِ سر ءَ زور پر دات۔