ناروال ءِ میان استمانی پیس ڈائیلاگ 2026  ایوک ءَ یک میاں اوستمانی مراگشے نہ بوتگ بلکیں راجدپتری ءُ جذباتی ساھت بوتگ، منصوبہ بندی ءِ وفاقی وزیر پروفیسر احسن اقبال

اسلام آباد۔6مئی  (اے پی پی): منصوبگ بندی، دیمروئی، اصلاحات ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ ناروال ءِ میاں اوستمانی پیس ڈائیلاگ 2026  ایوک ءَ یک میاں اوستمانی مراگشے نہ بوتگ بلکیں یک راجدپتری ءُ جذباتی ساھت ءِ بوتگ کہ ایشی ءِ تہ ءَ دگنیا ءَ امن، رواداری ءُ وت مہ وتی ءِ پیغام ءِ سر ءَ یکوئی ءَ پسو داتگ۔ سوشل میڈیا پلیٹ فارم ایکس ءِ سر ءَ جاڑی بوتگیں بیان ءِ تہ ءَ آئی ءَ گوشت کہ من ءَ بے دروریں فخر اِنت کہ ناروال ءِ وڑیں شھر کہ یک وھدے ءَ آزمائش ءُ مشکل آنی علامت زانگ بوتگ مرچی جھان ءِ سروکی، میاں اوستمانی گپ ءُ تران ءُ اُمیت ءِ مرکز جوڑ بوتگ۔ آئی ءَ گوشت کہ دگنیا ءَ را نزاع، کینگ ءُ ٹکر ءُ ٹکر نہ لوٹ ایت، بلکیں گپ ءُ تران، گپ ءُ تران ءُ یکجائی تپاکی ءِ ضلورت انت۔ وفاقی وزیر ءَ گوشت کہ ناروال ءِ میاں اوستمانی امن گپ ءُ تران 2026 ءَ 4ہزار ءَ چہ گیش ورنا، 200 راجی ڈل ءُ میاں اوستمانی نمائندہ آنی بھر زوری ءَ اے گپ ءِ ثبوت دات کہ پاکستان جھان ءِ تک ءَ امن، یکوئی ءُ بین المذاہب یکوئی ءِ دیمروئی ءِ واستہ جوانیں کرد پیلو کنگ ءَ انت۔ آئی ءَ گوشت کہ مراکش ءِ پیسریگیں مزن وزیر ڈاکٹر سعد الدین العثمانی ءُ ایندگر میاں اوستمانی مردم آنی ھوار بوھگ ءَ اے جھان ءِ گپ ءُ تران ءِ ارزشت ءَ را گیش پدر کتگ۔ آئی ءِ رد ءَ ناروول نوں ایوک ءَ یک شہرے نہ بوتگ بلکیں یک گلوبل پلیٹ فارمے جوڑ بوتگ کہ اودا آیوکیں وھد، اُمیت ءُ انسانیت ءِ یکجائی بیانیہ ءِ دیمروئی کنگ بوھگ ءَ اِنت۔ پروفیسر احسن اقبال ءَ گوشت کہ اے جھان ءِ گپ ءُ تران ایران ءُ امریکہ ءِ جیڈھ ءَ ھوار جتا جتائیں دمگی ءُ جھان ءِ جیڈھ آنی تہ ءَ پاکستان ءِ امن ءِ کوشست ءُ جوانیں سفارتی کرد ءِ درشان اِنت۔ آئی ءَ گوشت کہ پاکستان مدام خطہ ءُ دگنیا ءَ امن، برجائی ءُ جوڑیشت ءِ سیادی آنی دیمروئی ءِ منوگر بوتگ۔ آئی ءَ گوشت کہ اے گپ ءُ تران ءِ اصل روح 6 مئی 2018ءِ المی ئیں وئیل ءَ گوں بندوک انت کہ آئی ءَ را ذاتی رنگ ءَ متاثر کتگ، بلے اے درد یک مزنیں راجی ءُ انسانی مشن ءِ تہ ءَ بدل بوتگ۔ آئی ءَ گوشت کہ نفرت، انتہا پسندی ءُ زوراکی ءِ ھلاپ ءَ جنز وھد ءِ مستریں لوٹ انت۔ وفاقی وزیر ءَ گوشت کہ ناروال ءَ دگنیا ءَ را اے کلوہ داتگ کہ دائمی امن ءِ ھاترا ایوک ءَ اختلاف آناں نفرت ءِ تہ ءَ نہ بلکیں تپاکی، برداشت ءُ گپ ءُ تران ءِ تہ ءَ بدل کنگ ءَ چہ رس ایت۔ آئی ءَ گوشت کہ نازرکیں جھان ءِ چاگرد ءَ پاکستان ءَ رواداری، اعتدال پسندی ءُ ھمزوری ءِ توار چست کتگ، پرچا کہ امن نوں ایوک ءَ یک گچین کاری ءِ نہ بوتگ بلکیں زندگ بوھگ، دیمروئی ءُ برجائی ءِ واستہ بنیاتی لوٹ جوڑ بوتگ۔