پاکستان جھان ءِ چیلنج آنی باوجود اقتصادی برجائی ءُ سفارتی چست ءُ ایر آنی تہ ءَ دیمروئی کنگ ءَ اِنت، خرم شہزاد

اسلام آباد۔29مارچ (اے پی پی): وزیر ءِ ھزانگ ءِ مشیر خرم شہزاد ءَ گوشت کہ پاکستان دمگی کش ءُ چیل ءُ جھان ءِ جنگ ءِ ترس ءِ باوجود مھکمیں اقتصادی استحکام، میکرو اکنامک اشارہ آناں گہتر کنگ ءُ فعال سفارتی کرد ءِ گوما دیم ءَ روگ ءَ انت۔ یک شمبے ءِ روچ ءَ سوشل نیٹ ورک ویب سائٹ ایکس ءِ سر ءَ پوسٹ کنان ءَ آئی ءَ گوشت کہ پاکستان جھان ءِ جیڈھ آنی تہ ءَ یک ھاسیں سفارتی پُل ءِ رنگ ءَ سہرا بوھگ ءَ اِنت ءُ امریکہ، ایران ءُ خلیج کوآپریشن کونسل ءِ گوما رابطہ آنی وسیلگ ءَ کش ءُ چیل آنی تہ ءَ کمی ءِ تہ ءَ کرد پیلو کنگ ءَ اِنت۔ آئی ءَ گوشت کہ پاکستان ءُ انٹرنیشنل مانیٹری فنڈ ءِ نیام ءَ چار ءُ تپاسی سوبمند بوتگ، پروگرام راستیں کش ءُ گور ءَ روگ ءَ انت ایشی ءِ تہ ءَ اصلاحات جوانیں آسر دیم ءَ آھگ ءَ انت۔ زرّ ءِ ذخیرہ 33 ہفتگ ءَ چہ گیش بوتگ ءُ نزیک ءَ 21.7ارب ڈالر ءَ سر بوتگ کہ چار سال ءِ تہ ءَ اے گیشتریں کچ اِنت۔ خرم شہزاد ءَ گوشت کہ آبنائے ہرمز ءِ وسیلگ ءَ جہاز رانی ءِ رسائی ءَ را گیش کنگ بوتگ ایشی ءَ چہ دمگی استحکام ءَ را مھکم کنگ بوتگ وھدے کہ جھان ءِ تہ ءَ رکاوٹ آنی باوجود ایندھن ءِ ذخیرہ ھم نزیک ءَ چار ہفتگ ءَ گوں گہتر بوتگ۔ آئی ءَ گوشت کہ پاکستان ایشیائی تجارتی راہداری آنی کلیدی دروازگ ءِ رنگ ءَ وت ءَ را پدا جوڑ کنگ ءَ انت، ایشی ءِ تہ ءَ جہانی تجارتی بہاؤ ءِ تہ ءَ بدلی ءَ چہ بندرگاہ ءُ کنیکٹوٹی ءَ را سیت چست بوھگ ءَ انت۔ ملک ءَ یک سال ءِ تہ ءَ وتی گیشتریں کرنٹ اکاؤنٹ سرپلس ھم رستگ۔ صنعتی دیمروئی ءِ حوالہ ءَ آئی ءَ گوشت کہ مزنیں کچ ءُ کساس ءِ صنعت ءَ ماہانہ بنیاد ءَ 12.1درسد ءُ سالانہ بنیاد ءَ 10.5درسد گیشی بوتگ وھدیکہ مالی سال 2025-26ءِ اولی 7ماہ آنی تہ ءَ سرجمیں دیمروئی ءِ شرح 5.8درسد بوتگ، ایشی ءِ تہ ءَ گارمنٹ، آٹوموبائل، پیٹرول ءُ سی ءِ تہ ءَ ھوار انت۔ آئی ءَ گوشت کہ ملک ءَ 5 جی سپیکٹرم ءِ راجدپتری نیلامی ھم برجم دارگ بوتگ ایشی ءِ تہ ءَ 500ملین ڈالر ءَ چہ گیش سرمایہ کاری ءِ دلگوشی بوتگ، ایشی ءَ چہ سرمایہ کار آنی دل یکیمی ءُ ڈیجیٹل ٹرانسفارمیشن ءِ رفتار ءِ پدر بوھگ ءَ اِنت۔ خرم شہزاد ءَ گوشت کہ گلوبل ءُ لوکل سرمایہ کار آنی تہ ءَ ارباں ڈالر ءِ سرمایہ کاری ءِ جار جنگ بوتگ ایشی ءِ تہ ءَ وین، نیسلے، سوکار ءُ دگہ ھوار اَنت وھدیکہ نوکیں سرمایہ کار آنی تہ ءَ گوگل، بی وائی ڈی، آرامکو، اے ڈی پورٹس ءُ مشرق بینک ھوار اَنت۔ آئی ءَ گوشت کہ حوالہ جات ءُ آئی ٹی ایکسپورٹ آنی تہ ءَ ھم مزنیں گیشی بوتگ۔ ماہ ءِ تہا زرّ ءِ دیم دیگ 11درسد ءِ گیشی ءَ گوں 26.5ارب ڈالر بوتگ ءُ مالی سال ءِ گڈ ءَ تاں 41ارب ڈالر ءَ چہ گیش بوھگ ءِ گمان اِنت وھدیکہ آئی ٹی ءِ برآمدات 20درسد ءَ چہ گیش بوتگ ءُ 3ارب ڈالر بوتگ ءُ 4ارب ڈالر ءِ گیشی ءِ گمان اِنت۔ آئی ءَ ایپسوس ءِ سروے ءِ حوالہ ءَ گوشت کہ الس ءِ اعتماد ءَ ھم مزنیں کساسے ءَ گہتری اتکگ ءُ اے ھیال کہ ملک راستیں راہ ءَ روگ ءَ اِنت 12درسد ءَ چہ 40درسد ءَ سر بوتگ۔ خرم شہزاد ءَ گوشت کہ پاکستان ءِ اقتصادی اشاریہ، سفارتی سیادی ءُ سرمایہ کار آنی تہ ءَ گیش بوھوکیں اعتماد ءِ رد ءَ ملک درائیں چیلنج آنی باوجود جوانیں رنگ ءَ دیم ءَ روگ ءَ اِنت۔